وشلون يرجع بعد ماطاح من عيني؟/لـ فهد المساعد السبيعي :)

[قبلة العذارى]

سلام عليكم .. واسعد الله اوقاتكم بكل خير


رائعه للشاعر العذب بكل ماتحمله الكلمه من معنى .. الحاضر الغايب فهد المساعد السبيعي
اتمنى ماتكون مكرره وان تحوز على رضى ذائقتكم


تقبلوها

اللي تركني وانا في عز غربالي=بعد الشدايد .. وش اللي ذكره فيني؟
يبغى زمانه يعود .. ويرجع الغالي؟=وشلون يرجع؟ .. بعد ماطاح من عيني !
لا الوقت وقته .. ولاله شي في بالي=انا نسيته .. مثل ماكان ناسيني
ياما تمنيت (نظره) منه في حالي=وياما تمنيت (صوته) لو يناديني
واقول لا اظلم عليّ الليل بالحالي=الله يجيبه يشتت غربة سنيني
من كثر ماكان (طيفه) دايم قبالي=احيان احسه معي .. (وتضمه يديني)
ولامن تنبهت .. لين وجيه عذالي=كلٍ على ماطرى باله يسميني
ليته تركني .. بعد هذا على فالي=زيّ ماتركته .. بعد قتله بساتيني
من بعد ماصار جا بلسانه لحالي=يبغى يرجع زمانٍ بينه وبيني؟!
قولوله اني مااحبه كثر ترحالي=او لا حرام !! .. يتضايق والايبكيني!!
قولوله اني احبه بس من تالي=وان راح والا رجع .. ماعاد يعنيني

وبس

سلام