قابلتني بعد غيبه و اسئلتني من انا !
حدقت فيني بنظرها كن صايبها ذهول
كان معها (بنت حلوه) زينها فيها اعتنا
تشبه البدر بجماله والبدر منها يزول
قالت اصبر لا تجاوب تو عقلي ما فنا
بتذكر بس دقيقه يرجع الماضي واقول
فكرت لكن خساره ما ذكرت عمر الهنا
من خرايطها امسحتني لا فيافي و لا سهول
قلت يا (قلبي) غريبه كيف تنسي من بنا
وسط قلبه لك قصور ما يداهمها الأفول
كيف تنسين المحبه وبارق احلامي سنا
في سماء (نبض المشاعر) والاماني بالاصول
كنت انا المغرم وكنتي لهفة اشواق المنى
كنتي ورده في طريقي يرتعش منها الذبول
قاطعتني ايه عرفتك وش بلا حالك دنا!!
اذكر انك (مستصح) وصرت ياعمري (معلول)
قلت حظي وتذكرينه .. من صغر سنه حنا
مالقينا له طبيب و لا لقينا له حلول
قالت اشفيك امتشائم !! والعمر كله لنا
البقا لله تحمل .. اذكرك قد الحمول
قلت من غبتي وعزمي لا ولا مره ثنى
له ( ثمان سنين) ثابت مايبين به ميول
سنة المولى علينا من (زرع زرعه جنا)
اتعلم من حياتي وازرع آمالي حقول
قالت اذكر لك حكايه ازعلت منها (منى)
صارحت باللي سكنها ولا لقت (منّك) قبول
قلت ذكرى من بقايا كل مافيها عنا
والجروح اتزيد فيني بين عرض وبين طول
قلت من هذي ؟ وقالت الصغيره ذي رنا
(بنتي) ربي لي وهبها ياعسى عمرك يطول
صارت اللهفه بحياتي يوم صارت لي ضنا
قلت ما خلت (صفاتك) .. احتوتها بالشمول
قالت بنبره حزينه آآآآآه وش جابك هنا
قلت غيمة واجذبتني واحتري منها هطول
للأسف (ريحك) خذتها وراح عمري ما تنا
والبقية في حياتي ان بقى فيها فصول
روحي ابفالك خلصنا ولا تقولي من انا
عيشي اجمل (ذكرياتك) لو بدى فيها ذهول
الشاعر
مساعد القباني
اتمنى ان تنال اعجابكم
11-11-2007, 04:00 PM
العرض الشجري