إرتفع لابو طمانك

[الجـــــــــادل]

يا بنادم ويش عذرك ليا طاح القناع
وطحت من عين الموالي ومن عين العدو

دمعتك تجري على الخد قدر المستطاع
تجلب الضوضاء وتقول مطلوب الهدو

ارتفع لا بو طمانك ترى ما للرفاع
غير رجل يكره المشي ويحب العدو

الهجوم احياناً احسن وسيله للدفاع
قام من بعدك خلايق وشلّتك قعدوا

قبل ما ترفع يمينك وتشّر بـــ الوداع
راجع حسابك وش اهديت والا وش هدوا !!

الرجال الطيبين المناعير السباع
بالحقايق والوثايق تقصّوا وشهدوا

وانت مارست الرذيله بـــ طرسك واليراع
من ضلالتك وطغاك استبانوا واهتدوا


لا ثنّي نقول جاهل ولا انته بــ الرباع
من بعدها لا انت صاحب ولا تحسب عدو