لا اسوم انا وجهي ولا امد يمناي = ثنتين تحسب للمذله بدايه؟

[(هاوي قصيد)]

قصيده لشاعر العذب \ بريك المري

تعبت من ممشاَ على غير مشهاي = وتعبت من صبرٍ على غير غايه

طاحت اعزومي لين قلت نواياي = وابعدة من مبداي صوب النهايه

ماغير اهوجس واضرب الراي بالراي = واثر المغربل مايخلصه رايه

الوقت ذا هو هو؟ بطبعه وانا اياي = انا صدوق وذالزمان الدعايه

يالله ان تعاوني على كبر بلواي = ويالله تقديني طريق الهدايه

اشكي من الماضي وخوفي من الجاي = ولي في ملمات الليالي درايه

لو كنت اعرف ادواي ماخفت من داي = اخير من طب الطبيب الوقايه

سبحان من يعرف مقاسيم دنياي = في صفحةٍ ماتنعرض للقرايه

إلا غدا وقتي جزوعٍ من احكاي = ادوي بهاجوسي على كل مايه

وإلا كسرني هاجسي صوب مركاي = فايه جبرني نخوت ادموعي ايه

وان شفت همي مانقص من تشكواي = اخترت من نطح الهموم الكفايه

وقتٍ غدا كنه علي اكبر اعداي = يفرح علي مجمعين الوشايه

صادفت صكات الزمن باول اصباي = وصادمت قد شيبي بوجه المرايه

للين نبات الارض غارس ورواي = وشوك السلم ماخذ على اسمي وصايه

اعد غلطاتي واحسب خطاياي = لانيب منذلٍ ولا نيب تايه

ميس وتيبس عقب ميس شفاياي = وامل وبعض امال قلبي غوايه

لا اسوم انا وجهي ولا امد يمناي = ثنتين تحسب للمذله بدايه

بلقي اهموم الليال مقفاي = لين اقلب اخر صفحةٍ لروايه

وارضى بمقسومي على طيك ارشاي = ماعاد لي شفٍ ولا لي اغوايه

مالي جدا الا ونت القلب ودعاي = وعناية الله ماوراها عنايه

قسمك وقسمك ساجنه في حناياي = اللين تروي مقبلات الحكايه

وسلامتكم