ارجو ان تعجبكم
والشاعر مايهمكم اهم شى القصيدة
يعنى مدرى منهو
يابو خالد من عرفتك وانت لحمـولٍ ثقيلـه=والرجل لامن زعل راح لخويه واشتكالـه
والعتب ما يرسل الا يـم رجـلٍ يستويلـه=لا لفاه العلـم منـي قاملـه ثـم استوالـه
ارسل المرسول للي في البشر مابه مثيلـه=في القبايل كلها مـا ينلقـى واحـد مثالـه
انت وش رايك برجالٍ ربى وسط القبيلـه=لا دخل قالوا هلا يا مرحبا يا كيـف حالـه
ويوم روح في الوظيفه وابعد المكتوب نيله=ما تكلف أي واحـد باتصـال ولا رسالـه
وراحت العشره وراحت قبلها سنينٍ طويله=وانصدم هذا الصديق بما حدث واللي جراله
في سنه تنسى صداقة مـدةٍ ماهـي قليلـه=ربع قرن من الصداقه ماحدٍ كلّـف سؤالـه
ابك انا ماني ضعيفٍ ينتظر منهـم جميلـه=ولا حياتي واقفه لعيـون واحـد واتصالـه
بس شرهاتي كبيره وازعلي ماحـدٍ يشيلـه=والعتب كبر المحبه والزعل يالـك ويالـه
والله اني ماعتبت الا علـى راع الشكيلـه=يوم ينساني وينسى ماضيٍ معيـه مضالـه
ووالله اني ما بغيت بما كتبـت ايـة بديلـه=بس والله خاطري يبغى يقول اللي طرالـه
العرض الشجري