اتمنى ان تنال اعجابكم
طاح العتب .. ما هيـب لحيـة مشاريـه=خل الكلام .. و حبـل الأعـذار طـوّه
ما راح اقول أشلون .. او كيف .. او ليه ؟=تـرى السـؤال بـدون أجابـه مشـوّه
العذر مااات .. و مـات همـه و رااعيـه=و الجرح جف .. و جـف غيمـه و نـوّه
صاحبك ضاع الهرج مـن بيـن أشافيـه=ما كنّـه اللـي كـان قبلـك .. مفـوّه
يجمع لـك مِـن الشعـر فاخـر معانيـه=و يمـوت عنـدك قبـل فيـه ايتـفـوّه
ليه أنصـدم ؟ و تخـون قلبـي هقاويـه=و يطيح نجمـي .. و أنخـذل فـي علـوّه
أصدق مع الواحد و احبـه .. و اثاريـه=طـوول الليـالـي معتبـرنـي عــدوّه
لا يـا بعدهـم .. و أول الغيـث تاليـه=و أنت اتعرف قلبي .. و خيـره و سـوّه
يمكن لو انك قلت غلطان .. قلـت أيـه=مير البلا انـك قلـت .. ناقـص مـرّوه
قل لي متى شحيـت فـي شـي ٍ أعطيـه=و قل لي متى صـارت محبتـك .. خـوّه
يصعب علـى الرجـال يثبـت مباديـه=و ان كانه اثبت .. كيـف يثبـت سمـوّه
الله يبيحـك عـن خطـاك و تمـاديـه=و يبيـح قلبـك عـن خطـاه و غلـوّه
ما دام حبك خالطـه شـك .. مـا ابيـه=حب العتب و الشك .. ما اعيـش جـوّه
ما كنّي اللـي كـل مـا تلمـس ايديـه=يغمـرك بأحسـاس و حنـان الأبــوّه
و ما كني اللـي كـل مـا مـر طاريـه=ضج الفضـا باسمـه .. و عكـر هـدوّه
يـا مرحبـا بالجـرح .. و الله يحيـيـه=لا صـار مـن يمنـاك و الجـرح تـوّه
بعض الجروح ان صابـت القلـب تنهيـه=و بعض الجروح .. تـزوّد القلـب قـوّه
الله كتب .. و القوس فـي كـف باريـه=و اللي تشوفه يا أبيض الوجـه .. سـوّه
منقوله
العرض الشجري