قصيدة للشاعر حمد محمد شامان ال منصور (الملقب بالشول نسبة الى والده الله يرحمه) اتمنى ان تحوز على اعجابكم مثل ما اعجبتني
ترفق بسهم عيونك السود يارامي = على قلب من عينك بسهم الهوى ترميه
مريض الهوى والطب مايشفي هيامي=ولاكل من عالج مريض الهوى يشفيه
جرى في العصب والدم واللحم وعظامي=ولا ينكشف للطب ويعيل مداويه
مضت لي ثمان سنين عام (ن) بعد عامي=وانا صابر واكناه باقصى الحشا مخفيه
برى الحال مع طول الليالي والايامي = كما عود نجار على مابغى يبريه
ولا لي جدى الاّ حط ضرسي على ابهامي= ودمعي على الخدين ما ينقطع جاريه
اقضّي النهار ازول والليل ما نامي= وكم عالي(ن) لي طرف العصر اشرف فيه
ولاهمني ما يتعب الرجل واقدامي = اذا كان به مايشرح البال ويسليه
شراب الهماج الخمج مايروي الظامي= ولايرتوي الاّ شارب الجم من صافيه
وجودي وجود ضغير(ن) باول افطامي = يدلّه ويعطى كل زاذ (ن)ولايرثيه
على جادل(ن) من نظرته تبرد عظامي= واضيّع كلامي كل ماقلت بحاكيه
عن البيض غيره صد قلبي وله رامي = جميع الحواس الخمس فيني تفكر فيه
خياله معي صاحي ولونمت بحلامي = ولامر من وقتي دقيقة وانا نانسيه
اصور من اوقات الحقيقةالاوهامي= لها صورة تثري الخيال وتربى فيه
23-03-2007, 11:29 AM
العرض الشجري