منوة اللي بالجبيل وكلمه اصغـر عيالـه----------قال عجل يايبه مـن قبـل ادن الهاشميـه

[أبن معوض]

=========================================
راكب اللي لاتمثنى الخط والسايق عطالـه----------ارتقص مثل القريص اللي مكن به ناب حيه


صممه ملعون ترس وبرمجه قبل اشتغالـه----------عاكفٍ عنده ثلاث اسنين لين انهى القضيه


كل ماصبح قرب الكيف المصفى وارتكالـه---------- كيف ديفـد عـل ديفـد فـدوةٍ للشاذليـه


وجابه الجفالي بالمينا وحطه وسـط صالـه---------- واسمه اللي فلّس الشيبان عنـد الصيدليـه


ان نطحتـه قلـت يالبيـه يالبـة اصالـه----------- لازهى كرستالهـا صـدرٍ عليـه القابليـه


وان قفيتـه ماقفيـت الا ردوف البرتقالـه----------يوم نادها المغني وابتلـش وصـى خويـه


وان مشى بسم الله الرحمن عل الخير فالـه----------اربط احـزام السلامـه لاتطيـح بداخليـه


منوة اللي بالجبيل وكلمه اصغـر عيالـه----------قال عجل يايبه مـن قبـل ادن الهاشميـه


ضاق صدره من كلام الورع يومنه شكالـه----------كل ماكلم يقول ارواح دام الشمـس حيـه


وفلله عند الخنيني طاريـن لـه ماطرالـه----------وقضبه خط الرياض وقال وينك يالحويـه


يوم عدا نقطة التفتيـش والخـط استوالـه----------كن صوته يوم خمه صوت شختور ابرديه


وبرمج السرعه بلمسه ورجع الكشن وتكاله----------وشغل محمد ولـد عبده مـزون العقربيـه


يوم عـدا ميـه وميـه وستيـن الوكالـه---------- مخطر انه يترك الاسفلـت لـولا الجاذبيـه


بمدحـه وامجـده واللـي زرى واعزتالـه----------من تزرى هقوتي انه ماركب حتى مطيـه


ماشريتـه لاكننـي كـل ماوقـف قبالـه----------احسبني قـد ملكـت المملكـه والفيصليـه



الشاعر يعمل في مدينة الجبيل ولكن لاأعرف أسمه