ما جت لي الدنيا على ما تمنيت

[عيد بن شدقان]

بكيت من كثر المصايب وونيت =ما فادني يا ناس كثر الونيني

ما مر يومٍ في حياتي تهنيت =وأشقاني الله في بداية سنيني

ما جت لي الدنيا على ما تمنيت =ولا غثاها كفته ما يجيني

لو ينفع المظيوم ترديد يا ليت =كان أتمنى الموت بدري يجيني

يا ما من اللوعة مع الورق غنيت =وعبرات قلبي سابقت دمع عيني

وأفرح إلى مني عن البيت صديت =أنسى وأنسي خاطرٍ مبتليني

دايم إلى من اقبل العيد قفيت =والكل يفرح به وقلبي حزيني

ويلتم شمل الناس من عقب تشتيت =وأنا طوتني غايرات السنيني

فقدتنا طعم الرح ما تهنيت =سبت زعل ما بين رمشي وعيني



الشاعر (عبدالله محمد العجمي )