ياعسكري بامن الطرق كان بك خير ,, بلغ علـى جمـسٍ تعـداك ذلحيـن ..

[سـحـآيب]

السلام عليكم ورحمة الله وبركآته ..


ياعسكري بامن الطرق كان بك خير
بلغ علـى جمـسٍ تعـداك ذلحيـن
بلـغ عليـه وقفلـوا قبلـه السيـر
عندك صلاحيـه وعنـدك قوانيـن
واليا بغيت مواصفاته تـرى غيـر
جمسٍ مديله اربعـه فـوق الالفيـن
زيتي ووسطه خط فضي كما السير
ياحي منهـو دبلجـه بيـن لونيـن
اليا مشـى مـن قوتـه وده يطيـر
وزود بفاصل لا مشى اميه وسبعين
امطوريـن التقنيـه فيـه تطويـر
حتى المقاعد مخمل وجلـد شكليـن
وزود بشاشه واسطونـات تصويـر
وايضـاً بثلاجـه وتكييفـه اثنيـن
امصممه حصـل شهـادات تقديـر
والبيت الابيض محتفل فيه شهريـن
والرقم واضح مايبى كثـر تفسيـر
الف وواو ودال واحـد وصفريـن
اللي على الطاره ولد تـوه صغيـر
واللي يمينه شايبـنٍ حـول ستيـن
وفيه الغزال اللي كسر هيبة الزيـر
لا سلهمت بالعيـن تذبـح ملاييـن
لاارخت هدبها ترتخي له طوابيـر
والها الفخر لو تفتخر بـس بالعيـن
والعنق عنق امذير الصيـد تذييـر
والراس حد السقف من طولها الزين
لوقفتها عن حالتـي عطـه تقريـر
واكتبلي العنـوان وديارهـم ويـن
واذا عرفتـه بشرونـي تباشـيـر
بروح واطلبها على السلـم والديـن
باخذ شيوخ عتيبـه ويـام ومطيـر
وشيخ اعنزه وسبيع ونجيه ناصيـن
لو المهـر تسعيـن ناقـه مغاتيـر
لسوقهـا فيهـا لـو ادانهـا ديـن
ان وافقت خيرٍ لنـا خيـر تدبيـر
وان ارفضت حاربتها اسنين واسنين
ولو تنتخي ويفزع لها بوش وبليـر
لحرق قبيلتهـا واخليهـم اطحيـن
وجيبها بلغصـب لوكـان تظييـر
وانا شجاع ومن رجـالٍ شجيعيـن
ويا الله انا طالبـك يـا الله تيسيـر
يسر لي الخطوه من العسـر لليـن
لجل الغزال اللي كسر هيبة الزيـر
ولجل العيون اللي تهـز السلاطيـن




رآقــــــــــــــتْ لــــيٌ ..

تحيآتي \
خآطريٌ دآروهٌ ..