ما حطت لها المكياج ما سايرت ذا الجيل ----- ما ردت علي الجوال تلعـب باسالي

[عجمي الوادي]

وجودي عليهم كل ما فاح ريـح الهيـل ----- يدق النجـر رجـلٍ تحـري معازيبـه



سلامي عليكم يا هل العـرف والتحليـل ----- يحير القلم بالوصـف يبكـي مكاتيبـه



انا لي وليفٍ شاقني يا عـرب بالحيـل ----- فديت الخصر والقد واعـذب مشاريبـه



لا مني لفيته يشـرح البـال بالتهليـل ----- نسيت العنـا والقلـب تاهـت مطاليبـه



ما حطت لها المكياج ما سايرت ذا الجيل ----- ما ردت علي الجوال تلعـب باساليبـه



علي جرت المسحوب اسامر ظلام الليل ----- واعطر قوافي الليـل ممسـي اماريبـه



انـا سايلـك بالله يـا ليـل بالتكميـل ----- صـدوق القوافـي لا تـذرا باكاذيبـه



يا زين البدو والحضر ما فيهم التقليـل ----- يا زين البدو لا جـاك ذيـبٍ يعاويبـه



عوي ذيبهم من جور ما حد بالترحيـل ----- من عقب الجبل يا ناس بانت عذاريبـه



انا شايب القيفان ياتـي توالـي الليـل ----- يحط الخبر بالجوف وارقـي مراقيبـه



انا طالبك يا قاف شعري مـن التخليـل ----- يخل الوزن والقـاف عنـدي اغاليبـه



وجودي عليهم كل ما فاح ريـح الهيـل ----- يدق النجـر رجـلٍ تحـري معازيبـه







وسلامتكم


أرسلي الاخ والزميل الشاعر ناصر بن عبد الله الشرمان اليامي


هذة القصيدة يحكي فيها معاناته وحبيت أن تشاركوني

لكم من الود أصدقة