(_ واقـفـن عـنـد بـيـتـك _)

[( محمد العازمي )]

السلام عليكم ورحمه الله وبركاته

للتوااااصل حبيت انقل لكم هالقصيده واهي للشاعر المبدع فهد بن دواس العازمي

مره و انا جالس غزتني طواريك =
طريت في بالـي و انـا مانسيتـك
قمت اتذكر كيف تزعل و اراضيك =
و شلون من وسط نسياني طريتـك
يا ليتني القاك و اجلس و احاكيـك =
و اعلمـك وشلـون كلـي هويتـك
وليا خلصت ارجوك تسمح بوصيك =
اسمع وصاتي دامنـي مـا جفيتـك
ابيك ترجع لي ترى حيل باغيـك =
ليتك تحـس برغبتـي فيـك ليتـك
تبي دليل اني عشقتـك وشاريـك =
من رحت عني كـل ليلـه بكيتـك
سهران طول الليل عيني تراعيـك =
ومن زود حبي واقفن عنـد بيتـك
ارحم خفوقي عند بابـك يناديـك =
يبيك تعطي مثل مـا انـا عطيتـك
ابيع لجلك باقي الناس و اشريـك =
و مهما توجهني ترى مـا عصيتـك
هذي سيوفك باينـه بيـن اياديـك =
لبيـت دعوتهـا لهمـي و جيتـك
بعيش مع ذكراك وسط الشبابيـك =
يا احلى كتابن في حياتـي قريتـك
ان عاش حبك لازم يعيش طاريك =
وان رحت ببقى عاشقن ما نسيتـك