(( لندن ))

[مسري الجيش]

سلآم عليكم ورحمة الله وبركاته

هاذي القصيده من اروع واجمل القصايد بنسـبـه لـي لشـآعـر : طلآل بندر


واتمنى ان تنال اعجابكم ....

يـقـول ...




يامل قلبٍ تدمر والسبب خلّي
دكتور لندن عجز ياخذ تقاريره


يقول قلبك من الصوبين منعلّي
عليه الأوهام توريده وتصديره


يرسل مراسيل نبضه قبل يرسلّي
ماهو منظم بضرباته على سيره


أن كان قلبك خلي ... وضعك تبينلّي
منته بلاقي علاج القلب في ديره


قلبك برسم الأشاعة عندي مولّي
أكيد قلبك ختم بالحب تأشيره !!


قلت أشهدنك كشفته دقه وجلّي
القلب به واحدٍ ولا يبي غيره


الجادل اللي بحبه تلني تلّي
وأسرف بحال المولع من معاذيره


يطيب قلبي بشوف الرمش والظلّي
وشعرٍ ليا فل .. مايحتاج كوفيره


ومبيسمٍ صافيٍ بالورد معسلّي
وسوالفٍ من عسلها كلها شيره


أتلا مشاهده يوم أن العصر زلّي
في وسط ستريت بيكر يالله الخيره


أطلع من البيت وأصل للبكاديللّي
وأرجع على الهايد بارك بمده قصيره


وستريت بيكر أمره ذايبٍ كلّي
ودي بشوفه لو أن العالم كثيره


الميل والسانتي والمتر والملّي
حسبتها عقب خطواتي عن الديره


ياكويت ويني وين الونس ياملّي
حالي طواه الجفا والضيق والحيره !


مشتاق للبيت والكمبود والفلّي
وديوان أبوي المكرم مع مساييره


والقصر والمزرعه ومواجه الخلّي
والقعد الأوضح ومقهوره مع بعيره


وأصحابي الواصلين اللي على حلّي
والشعر والشاعر اللي فك أزاريره !


أطلب من الله من الأيام يمهلّي
وأعيش ويطيب قلبي من عقاقيره


هذا المقدر وأنا مسلم بيحصلّي
اللي كتب لي بوسط اللوح والسيره


ياعين علّي على شوف الحلا علّي
العبد ماله عن الوقت ومقاديره




واتمنى انها اعجبتكم وتقبـلـو تحيآتـي ...