السلام عليكم
نقلت لكم قصيده للشاعر المبدع عبدالله علوش واتمنا ان تحوز على رضاكم
اترككم مع القصيده ...
على قلبي زعلت شلون يوم أقول طيعه طاع ..!
يا قلبي ما هو كل شي أباقوله لك تطيعه
يا ليتك قلت لا بالله .. ودروب الحياة وساع
وش يحدك على طيشه وتطنيشه وتلويعه.؟
عطر سيد جنيد.. الجخ ماله في الكويت اسناع
يجي فأرض المعارض وقت ويصفي على البيعه
مع غير اهله لاهوب لا يشرى ولا ينباع
يعتَّق في خدود الغيد لين يعاد تصنيعه
وأنا خلي خذا له من عطر سيد جنيد اطباع
خذا سحره وخلى له مبيعاته وتوزيعه
يالبيه وفمان الله .. في ليله لقا ووداع
رحمني يوم ما خلاني استاجع بتوديعه
أصوت له أدور له .. أبي فيه .. أتلفت .. ضاع
فقدته من ثلاث سنين والضيعه هي الضيعه
فلا مني سمعت أيوه أنا قلبي عليك التاع
دريت إن الهوى ضيعاته أكثر من منافيعه
للشاعر
عبدالله بن علوش الهاجري
*
*
15-01-2010, 01:57 PM
العرض الشجري