[ على هنوفي كل الارياق يباس / نشّفت هالأحبار وماغربلوني ~

[ربيبة تميم]

عذرآ القصيد

للشآعر / فلآح بن طآرق العبسي ~

فَهّمْت قولِن قيل من بين الأقواس =اغريت به عذرا بزين اللحوني

آبشرب الفنجال وأبشرب الكأس =على زفاف اللي مهرها عيوني

في جوها راحه وفي شوفها وناس =يا علّ فيها ما اخيب الضنوني

البنت ابوها معرب الجد والساس =غصب(ن)على الشعار لو يزعلوني

والبِنْت لبست زين الالباس والماس =احبها ياناس حب(ن)جنوني

ياما اخطبوها من شريفين وانجاس =كلن يبيها جعلها ماتهوني

يا كثر ماجاها من القوم عساس =لاشك دون حصونها يرجعوني

على هنوفي كل الارياق يباس =نشّفت هالأحبار وماغربلوني

حسبي عليها تميل مَعْ كل نسناس =وانا ليا مالت تزايد جنوني

عذرا غلاها صار مبني على ساس =من حبها سَهّرْتِ لجله عيوني

اما كِبَرْت بعينها بين هالناس =ولّا بوسط ترابها فدفنوني

يفهم ماقوله شاعر(ن) صاحي الراس =عذرا وماهي عذرا هل تفهموني؟