النفس خزنة ملك.. والحزن قاطـع طريـق=والجرح؟ .. يوجر عليه المسلم اليا أحزنـه
وأنا من العام .. وآنا أشعر بيبسـان ريـق=يفرج سجينـي مـع عينـي وأرد أسجنـه
من بين طيّات صـدرٍ شـل مـالا يطيـق=لاجاع حزنه؟ .. تعشّـا جروحـه المزمنـه
مجسّم أنسان مـن داخـل رمـادة حريـق=وقودهـا المغريـات .. ونفسـي المؤمنـه
أحياناُ.. أبكي من الخشيـه لحـد الشهيـق=وأحيانـاُ أقبـل علـى الآذان .. ولا أذّنـه
ماعاد.. أنا.. أيّاي.. يلله لاتخلّـي عويـق=عاقتبه عيـون روس مدلبحـه .. وألسنـه
كتـل هوامـش بشريّـه .. تنـام وتفيـق=رديان وحتّى الردى .. بالظبط .. ماتتقنـه
لاكن على كل حـال الطلـق يبقـى طليـق=لو عاينتـه العيـون .. وضدّتـه الأزمنـه
عذر السنافي معـه والعـذر حبلـه وثيـق=لو حس رعبوبتـه .. والاّ جفـا موطنـه
رعبوبتي,,, ياوجـودي ياغـلاك العتيـق=عنه مكـانٍ لقيتـك فيـه عامـا .. عنـه
يوم الشجر صاير ..لوجهك مشجّـع فريـق=من وين ما أفتـرّ.. تتغيّـر معـه الأمكنـه
للحين باقي بدربـه مـن رحيقـك رحيـق=وللحين أيتمتم حكينـا العـذب .. ويدندنـه
يوم أنّي أشّر على صدري وعينـك تويـق=وآقول أنتي هنا .. وأتقولي .. أنتـا هنـه
الهاء .. فاآخـر كلماتـك بصـوتٍ رقيـق=تشطب على برمجة سمعي .. وتستوطنـه
منتي بشر جعل من جابك .. ضحيّة زريـق=شارعـك يحسبلـك بالأمتـار .. يامفتنـه
اليا أنتصفتيه؟ يضيق .. وكل ماله يضيـق=كنّك ..كوكايين .. وأرصفته خشم .. مدمنه
رعبوبتي؟ .. ماخبرت أنّه تحـرّك طويـق=شاعرك مجنـون خلقـه والشعـر جنّنـه
قوليلهـم ينتهـون ولا يطـول الزعـيـق=الميسـره ميسـره .. والميمنـه ميمـنـه
وقوليلهم للعراقـه .. راس صبـيٍ عريـق=ياكـم سـرٍ يعرفـه .. بــس مايعلـنـه
أتنو خذ البحر .. ولا أرسي ..بجال المضيق=والشي بالشي؟ .. لاعيبـه ولا أستحسنـه
الاّ الرفيق اللّـي يستغـل طيـب الرفيـق=هذي اللّي ماهيـب مقبولـه ولا .. ممكنـه
ياصاحبي؟ كان لك مال الشقيـق الشقيـق=والحيـن جمّـع بقايـا مامضـى وأدفنـه
وياقلبي اللّـي وساويسـك تنجّـي غريـق=الله لايصـغـر أبليـسـك .. ولا يلعـنـه
ماهو فخر في سنه .. تعرفلك ..أمية صديق=الفخر ؟ تتعرّف بصديـق .. لميـة سنـه
للشاعر / سعد بن علوش
العرض الشجري