سريت الليل كله والخوي الهم والهوجاس ,,, ؟

[(هاوي قصيد)]

مسا الخير

هذي قصيده لشاعر\ سعيد بن سالم ال دلهم الهاجري

وهو احد المشاركين في شاعر المليون في المقابلات من دولة قطر ,,,

سريت الليل كله والخوي الهم والهوجاس = على نور القمر ساري وعيني تسبر النجمه

عيون الناس نامت غير عيني ماهناها انعاس = إلا نامت عيون الناس قلبي لاذ به همه

تراودني همومي والقلم ايراود القرطاس = واغرف امن البحر ماني معودها على الجمه

سبايب جادلٍ عرض علي وناقضٍ بـراس = يلد العين في وخايفٍ لا تنظره امه

تعطف كنها مهرة عقيد وشيخة الافراس = الا ياسعد منهو ماخذه ومجودٍ كمه

وانا ياليتني قريب ولو الوضع به حساس = إلا اقرب ياولد خاله وإلا اقرب ياولد عمه

انا من شفتها مانيب صاحي والوضع منحاس = وقف قلبي وشريانه وقف نبضه مع دمه

وانا من شفتها قمت اتعوذ منك يالخناس = تقول اغنم حياتك , خمها والخمه الخمه

وانا اقول (لا) الحيا لازم اطرش صوبه العساس = وانا وين ابلقى صاحبٍ بطرشه يمه

يحفظ السر لا ارسلته وفالطرقه قوي الباس = مهو خطو دلوبج ميتٍ قلبه مع همه

بعد خلي طعني طعنةٍ منها قطع الانفاس = عليها بتبطي اجروح الحشا ماهيب ملتمه

طعني طعنة اكليب العرب يوم اغدره جساس = يوصي بالوصايا والوصايا حبرها دمه

يوصي يامهلهل لا تصالح والعلوم اجناس = انا مطعون غدر وطحت انا من عالي القمه

وسلامتكم