( يا ليت كان لنا نصيب في الدنيا ) ...

[ساندي بل]

بسم الله الرحمن الرحيم


السلام عليكم ورحمه الله وبركاته ,,,,


أخواني واخواتي ,,, حبيت انقل لكم قصتي في هالدنيا الشقيه ,,,

قصه حبي اللي كم تمنيت اني اكون البطله فيها دائما وابدا ,,, لكن للأسف جت اللي خذت مني هالدور ,,,

انا بنت حبيت شخص من كل قلبي ,,, حبيته بكل ما أملك ,,, حبيته بمشاعري وعواطفي وأحساسي ,,, حبيته

حب الله العالم اني ما قد حبيت احد مثله ,,, ولا اعتقد انه في احد راح يحب مثلي ,,, مع اني كنت من الذين

ينتقدون اللي يحبون ومن هالسوالف ,,, كنت اقول ما في شي اسمه حب وما في شي اسمه حبيب وحبيبه ,,,

هذا الشي بس نشوفه بالمسلسلات وهكذا ,,, آآآآه ه ه ه حبيت ولكن اللي احبه صار لغيري ,,, شنو هالدنيا قاسيه

شنو هالدنيا قاسيه ,,, قاسيه قاسيه قاسيه ,,,


بدايه قصتي ,,,


كانت بدايتي معاه من خلال احدى المنتديات ,,, كان يحمل اسم ( ؟؟؟؟؟ ) وانا كنت احمل اسم ( ؟؟؟؟؟ ) ,,, في بدايه مشاركتي للمنتدى كانت بدايتي عاديه مثل أي احد يشارك في أي منتدى ,,, وكنت احط مواضيع ويردون علي ,,, لكن كان هو اللي من بينهم تجذبني ردوده ,,, ليش ما ادري ؟؟؟ مع انه كان في غيره يردون علي بنفس الاسلوب ,,, لكن هو حسيته انه غير حسيته ساحر في اسلوبه ,,, اول شي قلت عادي وهذا الشي طبيعي يصير لكن مع مرور الايام صرت اتابعه وصرت اشوف كل مواضيعه وكل ردوده لدرجه اني صرت اغار لما يرد على بنت ثانيه بأسلوب أحلى من اسلوبه اللي رد فيه علي ,,, عشقت هالرجال من غير ما أشوفه ( وبيني وبينكم هالرجال حيل حيل محترم والكل يعد له الف حساب ) وانا وحده منهم ,,, صرت كل ما ادخل المنتدى اروح لأسمه واشوفه متى دخل وطلع وشنو اخر مواضيعه وردوده ,,, صرت اكرهه المنتدى اذا ما لقيت اسمه ,,, ومع الايام لين زاد حبه بقلبي وكنت احلم بشكله شلون صاير وبيني وبينكم حلمت فيه انه ( زوجي ) بس كنت ادري انه حلم ,,, كنت وربي ما احط موضوع الا انطر رده هو بالذات صار مايهمني احد غيره ,,, ومع الايام وكان بينا رسايل بس للأسئله والاستفسار ,,, الى ان جاء اليوم اللي طلب فيه ايميلي من خلال رساله ,,, والله لو بوصف لكم شلون كانت حالتي يوم اقرا رسالته ما تتصورون ,,, دقات قلبي قامت تتسارع ليش ما ادري ؟؟؟

ودزيت له ايميلي لأني اعرفه زين وأثق فيه ,,, لأنه صار بينا عشره فوق السنه تقريبا ,,, ونطرته لين يدخل الماسنجر ,,, ودخل لكنه وربي دخل قلبي قبل لا يدخل الماسنجر ,,,

دامت السوالف بينا وكان حيل محترم وكل يوم يزيد اعجابي فيه ,,, الين جا اليوم المش}وم اللي عرفت فيه انه متزوج ,,, آآآآآآآآه ه ه ه ه ماتدرون انه كلمت متزوج هاذي شنو هزتني مع اني ادري اني لا يمكن اتزوجه ,,, وجا اليوم اللي اعترفت فيه عن حبي له والمفاجأه انه يبادلني نفس الشعور ,,, عديته واحد من اهلي عديته اخوي وابوي واهلي كلهم ,,, لأنه بجد عوضني عن الحنان اللي فاقدته من اغلى البشر اللي فقدته بموته ,,, صارت علاقتي فيه كل يوم تتطور أكثر وأكثر,,, كان يقول لي ( يا ليت كان لنا نصيب في الدنيا ) وانا كنت اقولها ,,, والله انه حسسني بأني ملكه ,,, حسسني اني مالكه الدنيا كلها ,,,
رسم الفرحه فيني والابتسامه على وجهي وانا كنت فاقدتها ,,, آآآه ه ه ,,, والله ثم والله ثم والله اني احبه واعشقه واموت فيه وحبي له بجنون لكني راضيه بقسمه الله وقدره واتمنى له الخير مع زوجته وعسى ربي يرزقني اياه في الجنه ,,,

هاذي قصتي اتمنى اني ما طولت عليكم ولا ثقلت عليكم ,,,




منقووووووووووووووول

[أمل بلا ألم]

حبيبتي ( ساندي بل )

قصه جميله لها إحساسها الجميل بين الطرفين

إلتقوا بحب الإعجاب ومن ثم التقوا بحب القلوب والأرواح

وأخيرا بدا الهيام يبدي على الجميع وجههما

كل الشكر لكِ يا عزيزتي على هذه القصه الأكثر من رائعه

أختكِ

أمل بلا ألم

[@بنت الشيوخ@]

قصه جميله ومحزنه بنفس الوقت...

سااندي بل..يعطيش العافيه على القصه...

لك تحيااتي...

[دوسري يحب العجمان]

ساندي بل يعطيك العافيه على القصه المؤثرة

ومواضيعك دائما مميزة

وتقبلي مروري.......

[@الشيــــــــــــنه@]

بس كذا القصه


جد مسكينه البنت الحالمه الله يكون في عونها


يسـلمووشش ساندي

[وردة الرياض]

سلام .............
القصه حلوه..........
انا احب قصص الحب والغرام مثل كل البنات
بس الحب عن طريق النت شي ابدا ما يستمر والى متي يضل حب خلف الكيبورد ؟
وبدايته غلط .......
وفيه ناس تعجبنا ردودهم بس مو ثقه نعطيهم حبنا
لان الحب شي فوق الوصف واحاسيس موكل انسان يستاهله
واكيد نهايه هذا الحب العذاب لانه مو منطقي
وانا لو بحب ما راح يكون الا في الوقت الحلو والمكان المعقول والانسان الي يستاهل
قلب انسانه وانا اامن ان الحب ياتي فجاء بدون مقدمات بس العقل لازم يكون موجود
في كل وقت ...........
يسلمو على القصه الحلوه والحزينه ..........

[اللي على الحكم عيا]

(ساندي) بل قصة مؤثرة ......وقد كتبتك رد طويل ولكن شاءالله


ان لا تطبع ........لذلك سيكون لي رد .........قريبا .........



ابو فيصل

[مرهف إحساس]

يا ليت كان لنا نصيب في الدنيا

[ساندي بل]

امل بلا الم فديتج والله ما قصرتي على المرور الروعه ...

بنت الشيوخ الله يعافيج وحياج الله ...

ورده الرياض ما في شي مستحيل في هالدنيا ويعطيج العافيه على المرور ...


الشينه حبوبه يعطيج العافيه على المرور ...


دوسري شكرا وانا انتظر مرورك دائما ...


مرهف احساس الله يرزقك اللي تتمناه وتمنياتي لك بالتوفيق ...

اللي على الحكم عيا انتظر ردك اللي دايما يسعدني ...