وين انت ياللي قدر فرقاك محتوم / وسمي الزعفران مدغم بوشيبه

[قبلة العذارى]

سلام عليكم


صبحكم / مساكم الله بالخير



ابيات للمبدع مدغم بوشيبه اعجبتني وحبيت انقلها لكم عسى ان تحوز على اعجابكم

ياطير حزنك ماغير الصبح واليوم=وانا امس واليوم والصبح وقفيّـه
ياطير والله ماغير اطيـح واقـوم=طيحة خويٍ يدافـع عـن خويّـه
اجاهد النفس مثل الفرس والـروم=فأشد واقسى الحـروب العالميّـه
وادرى على خاطرٍ غالي ومحشوم=مـن شرهتـه لايسندهـا علـيّـه
والا ورا هالضلوع علوم وعلـوم=لاحــد مالانهـايـه سرمـديّـه
ياطير ياللي صفقت الريش بالحوم=وانا برجلـي طويـت الجرهديّـه
انا من الظلم ميّت وانـت مظلـوم=ارفع جناحك وانـا برفـع يديّـه
لله منـادي بوجهـه كـل مظيـوم=اللـي يديـر البسيطـه والبريّـه
يزيد معطى ويكفل رزق محـروم=والاّ تجـي بالتسـاوي ذي وذيّـه
حظوظ تلبس بشوت وتنقل ختـوم=وحظوظ ماتسرح الاّ في الرعيـه
وين انت ياللي قدر فرقاك محتوم=ماشح بك غير الاوفـاق الرديّـه
ياقسمتي والحياه احظوظ وقسـوم=ياقمّـة الموهـبـه والشاعـريّـه
يالوحةٍ من سحاب ونـار وغيـوم=وإطارهـا وردتيـن ومزهـريّـه
كنّي خوي السهر ومحارب النـوم=من يوم ماصرت عنّي وانت ليّـه
بيني وبينك روابط حـب وسلـوم=شبت وشابـت و وافتهـا المنيّـه
اخاف اجيها وانا مانيـب معـزوم=واجلـس بليـا فـراش ومقدريّـه
اصبر واثابر واساوم وافرق السوم=وامدهـا مـن كفوفـي حاتمـيّـه
والصبر محمود كن الصبر مذموم=لافقت من بعض الافكـار الغبيّـه
ذكرت ياماااال فرقا العين .. ياقوم=اوّل هديّـة غـلا واخـر هديّـه
النظره اللي سهمها بأربع سهـوم=ركبتهـا فـي ظلوعـي لولبـيّـه
غسلت وجهك من الشرهات واللوم=واقفيت حتـى مارديـت التحيّـه

وسلامة قلوبكم


اختكم


قبلة العذارى

[dont play with me]

وقلبش

ياطير ياللي صفقت الريش بالحـوم=وانا برجلـي طويـت الجرهديّـه
انا من الظلم ميّت وانـت مظلـوم=ارفع جناحك وانـا برفـع يديّـه

انا اقول حازت وبتحوز


نقل رائع وجميل يرفع من ذائقة القارئ الى الذائقه الجميله


صح السان مدغم ولا هانت اناملش

احترامي

[قبلة العذارى]

Dont Play With me



يامرحبا ومسهلا


لاهنت على المرور الرائع والمشرف


كل الشكر لذاتك

[@بنت الشيوخ@]

لاهنتي على النقل الراائع ومميز....

تقبلي تحيااتي..

[قبلة العذارى]

بنت الشيوخ


ياهلا ومرحبا


ولا انتي


ولاهنتي على المرور الرائع


اختـتس قبلة العذارى

[المارد الشعري]

صح السان مدغم

ولاهنتي على النقل الرائع

[خـالـد بن ضـيـدان]

الله الله


فعلا قصيده جميله جدا


صح الله لسان شاعرها مدغم بوشيبه



مشكوره لاختيارك هذي القصيده الجميله ويدل على ذوووق الاجمل



قلبة العذارى



يسلمو

[الجامحه!]

صــح قــلبتس نقــلتس !!


قصــيده رووعــه صح ـح لسـان شــاعرها


ولاهنت عالنــقل الاكثــر من راائــع!

[قبلة العذارى]

المارد الشعري


يامرحبا


نورت الصفحه بمرورك


لاهنت وشاكرتلك

[قبلة العذارى]

خالد بن قضعان



ياهلا ومرحبا



يسلمك ويرضى عليك ولاهنت على المرور المشرف



كل الشكر