شاعر شبكة العجمان الشاعر فهيد بن عصيدان يطل عليكم من جريدة الوطن

[نـاصـر]

الشاعر فهيد بن محمد بن عصيدان

الشاعر المبدع اللذي لطالما أطربنا بعذب قوافيه وجميل معانيه يطل على متابعيه من خلال جريدة الوطن.

السياسة.. في بيوت القصيد






صــدى الــمــشــاعــر

ماني بحبّ السّياسه فـي بيـوت القصيـد=ولاقـد تناولتـهـا وأذاعـهـا منـبـري
واللّي يحـبّ السياسـه ماهـو إبمستفيـد=غير الغثا والتعـبْ والضغـط والسكّـري
لكنّ لاصـارت الأريـا (حـرار وعبيـد)=في دفتري راي حـرّ ., إيعبّـره دفتـري
برسل على الفاكس والاّ عن طريق البريـد=رايي ل(مهدي) وأبـي قصيدتـي تنقـري
ديموقراطيّـه وحـرّيـه إبــدون قـيـد=في كوكب الأرض ماهو كوكب المشتـري
فـي دار (اخومريـم) إبحكّامنـا نستزيـد=فينا المواطن ثري ., لوكان ماهـو ثـري
لكـن ورا العلـم الأوّل جـدّ علـمٍ جديـد=وعصر الحضارات والتجديد يجري جـري
كلّ الدّول قرّبتْ من عقـب ماهـي بعيـد=وحنّا على دربنا ماغيـر نرجـع قـري .!
والمجلـس اللّـي لـو يـأدّي أداءه بليـد=خلّى المواطن يجنّ ., وصاب راسه (فري)
النـار يامجلـس الأمّـه طفـتْ بالجليـد=لونحتري خير .؟ مابه خير ., لونحتـري
حتى الزيادات تنقص عقـب ماهـي تزيـد=كلّه من المفتري ., والله علـى المفتـري
ضاعت كبار الهقاوي فـي كثيـر الوعيـد=من يوم شفنـا الكرامـه والذّمـمْ تنشـري
فجأه ., تساءلـتْ ياويـن الوليـده وليـد؟=أنا أشهدنّه مـن اهمـوم المواطـن بـري
اللّي على هقوة الهاقـي وشيـك الرّصيـد=واللّي لاطرّو مواقـف طيّبـه .. ينطـري
هذاك حرٍ يصيـد اللّـي ماغيـره يصيـد=وذيـبٍ بيسـري لـوإنّ اللّيـل ماينسـري
بقـول كلمـه وأبختـم باختصـارٍ مفـيـد=لحد يفسّر كلامي: (عجمـي وعنصـري)
إن كان من مجلـس الأمّـه فقدنـا فقيـد؟=عـزالله إنّـك فقيـده ياوليـد الـجـري !

كل الشكر للمراقب العام

ناصر بن حمود ( أبو بدر )
على ماقام به من تنسيق وقص للصور

تقبلوا تحيتي

[gravity]

لله درك يابن عصيدان ..


شاب محترم كسب احترام وحب الجميع قصائده مميزه ومحببه لدى الكثير تعجبني اختياراته للمفردات
يمكن هذي اول قصيده سياسيه للشاعرفهيد ولكنها تكلمت بعقليه سياسي ناجح..

اتمنى له التوفيــق..


عزاااه يالوليد شخصيه لا تتكرر في مجلس الامه

قمه في الاخلاق والتواضع ..


ولاهنت اخوي ناصر على نقل الموضوع لناا ..


لك خالص الاحترام والتقدير

اختك

السولعيه

[ناصر بن فالح]

الله الله


صح لسااانك ملايين

ويستاهل ابو خالد وبيض الله وجه فهيد على ذالقصيده

ولاهنت ياناصر على النقل

[فالح بن عيد]

السلام عليكم ورحمة الله وبركاته
صح السان بن عصيدان
ولاهنت ياناصر على النقل
تقبل مروري.

[dont play with me]

لا هنت لاهنت


ناصر


ولاهان فهيد على ذا القصيده



والله يستر عليه


عندي معلومات ان السي اي اي طالبينه ومراقبين تحركاته الشاعريه




الله يستر عليك يا فهيد




احترامي

[فلاح بن ملبز]

صح لسان الشاعر / فهيد بن عصيدان

ويستاهل ابو خالد

ولاهنت يا ناصر على هالنقل الرائع

[بندر]

السلام عليكم

ناصر

مشكور على النقل

ولاهنت

[bird of shalwa]

,., نـــاصر ,.,

كل الشكر لك على النقل ,, وصح الله لســان الشاعر / فهيــد أبن عصيـدان
وقصيدة جزله جزله ويستاهل وليد الجري .. رجل ٍ ممدوح وذكره طيب على كل لسـان

ولاهنت ولاهان أبو بدر على التنسيق