كان ياما كان فيه قبيلة قوية اسمها العجمان !

[سهم الليل]

السلام عليكم ورحمة الله وبركاته

مو بس كذا الا حتي التشكيلات العسكريه والمناصب ولا لنا حظ فيها ليش

ماعندنا الا حضيري الهملان نائب مدير عام الهجره

والهجر والمرور والمناصب الحساسه ولا شي

ليش لانه ضعف منا وحسد بينا ولا الامور سهالات

لاكن يعوضنا الله في مقبلات الايام

[المرازيق]

تدرون ليش ما يحطونكم لانكم اتحسدون والحسد يمشي في عروق كل عجمي وانا لمسته هذا الشيء عن قريب . العجمي ما يتوسط حق عجمي خايف منه اذا توسط له ينزل عليه في المجلس واذا وصل ابن عمك راح وبلس عليه ابن عمك الثاني عشان يطيرونه المشكله الناس ذبحها الحسد والعجمان معروفين في هذا الشيء . ليش الحويله ينزل للحين وليش بن صنيدح وبن طامي وبن عدوه وبن جري بن شارع ليش ما يتركون مجال الى متي وهم معسكرين ووارثين الكرسي و الناس اللى تعطيهم السنين اللى قبل مالها حق انها تنزل واخيراااااااااااااااااا العجمان ما ضاعوا وضاعت هيبتهم الا منهم بصراحه وحسدهم شوفوا شنو سوو بحال العجمان...

الـــــلــــــه المستعــــــــــــــــان

[فيصل بن حجرف]

السلام عليكم ورحمة الله وبركاته


الاخ القدير شيخ الشيوخ ضربت على الوتر الحساس

وسبق وان تناقشنا في هذا الموضوع انا وبعض الأخوان

ولكن سبب ذلك كله هو الاختيار السيئ لممثلي القبيله على جميع المستويات

كما انه لا يوجد لا رقيب ولا حسيب على من يمل القبيله
فحين يخطأ احدهم سواء كان عضو مجلس امه او بلدي او نقابه او جمعيه لا يجد من يناقشه ويقول له انت على خطأ بل تجده يترشح مره اخرى لنفس المكان وينجح.

فمتى ماكان هناك محاسبه للكل تأكد اننا سنكون قبيله قويه سحب لها الف حساب ومن يترشح لهذه المناصب سيحرص على تمثيل القبيله خير تمثيل

واعتقد ان اقتراح الاخ محمد بن سحمي في هذا القسم هو بداية لما نصبو اليه

الاقتراح على هذا الرابط :

http://www.alajman.net/vb/showthread.php?t=44366

[sazco]

السلام عليكم،،،،

الى عزيزي المحترم / فيصل بن حجرف
الفكره جميله وجيده ، ولكن كيف ستتكون اللجنه.... بالإنتخاب؟...كيف؟و ماهي مهمة اللجنه.... هل هي مراقبة أداء العضو سياسيا.. أو خدماتيا أومن حيث مكتسبات الشعب أم تخليص معاملات العجمان! وهل ستكون لجنه لأستقبال شكاوي العجمان وما الإجراءات التي سوف تعمل بها اللجنه عند الشكوى!
أرى أن الفكره جيده لكن للأسف تطبيقها مستحيل إلا في أوروبا ....وحتى لو طبقت أخشى يأتي فيه يوم نطالب بلجنه جديده تراقب وتحاسب اللجنه التأسيسيه المقترحه ، وإن شكلت اللجنه الثانيه أخشى أيضا أن نطالب بلجنه ثالثه تراقب اللجنه الثانيه التي تراقب اللجنه التأسيسيه ......الخ.

وأنا أقترح أن يكون المنتدى هو المكان المناسب في الوقت الحالي لطرح أعمال وإنجازات وأخطاء الأعضاء .

وللحديث بقيه،،،

[المصـراني]

الله المستعان
انا اقول لازم نسوي حمله ضد الناس اللي مشوهين سمعة القبيله
واللي هم في الواجهه ولا ينفعون

[مراقب]

سبب الضعف واضح ولايحتاج كثر تحليلات ولا طعن فيمن هو موجود من أعضاء العجمان...باختصار
كما تكونونا يولى عليكم...أعتقد الكلام مفهوم

[الاحرش]

المشاركة الأصلية كتبت بواسطة شيخ الشيوخ

بعيدا عن المجاملات .. ومدح بعض المعرفات هنا لإخوانهم وجماعتهم من الأعضاء .. وإطلاق الصفات البطولية والتزكية والنزاهة وما شابه من صفات وكلنا يدري انه هياط وكذب ..

لدي استفسار ......

ما أسباب (( ضعف العجمان )) ضعف سياسي مخزي

على مستوى ( الوزارة والحكومة )

على مستوى (( الحياة النيابية والممارسة الديمقراطية زعموا))

جلست مع بعض أبناء القبائل الأخرى .. وأتى الحديث عن أقوى القبائل الكويتية حضورا فاعلا سياسيا وخدماتيا وفعليا تجاه قبائلهم .. فتكلم المطيري ومدح أعضاء قبيلته وصدقنا له وأنا من ضمنهم .. ويحق لهم .. وقال والله لا يوجد مطيري مضيوم .. لا ماديا .. ولا وظيفيا .. ولا سمعة بين الآخرين .. أعضائنا أعضاء وقفات مع قبيلتهم ومع وطنهم ..

وتكلم الهاجري .. وقال والله لا يوجد هاجري .. متعطل أو في مشكلة .. ووزرائنا .. وأعضائنا كأنهم من أفراد عائلتنا .. تيلفون ولا زيارة وحدة .. ويتم المراد .. وكل بني هاجر يفتخرون فيهم .. فصدقنا له

وتكلم العازمي .. وقال أبك .. أعضائنا يفترون علينا ما نجيهم .. ويسألون حتى الوراعين أحد محتاج شي ؟ .. أنا شهادتي متوسطة .. ورئيس قسم ! ... فصدقنا له .

وجاء دور العجمي .. وتلعثم شوي .. وفكر .. ثم قال ..

والله يا عجران انه يوقف مع ربعه وقفات تذهل المرضعينا ! ... وخالد المسعود الفهيد يفتخر فيه كل عجمي ..!

عاد قال الحاضرين .. منهو عجران ؟ ... ومن هذا خالد المسعود الفهيد ؟!

فيه واحد شايب كبير في السن .. ضحك .. وقال يا عيالي هذولا رجالٍ ما لحقتوا عليهم ولا أنت يا العجمي !

المهم ......... خلونا نكون صريحين ... ما فيه عجمي يفتخر بعضو عجمي .. اللهم الا عصابيته وربعه القريبين منه جدا جدا !

والله ما واجهت عجمي عنده مشكلة الا وهو يذم أعضاء العجمان ..ويقول ما منهم فايدة أبد !

حتى الوزارة ما فيه عجمي تفتخر فيه البلد و القبيلة مسكها ونفع أحد من المسلمين وقالوا الوزير العجمي الفلاني؟!

كله واحد علمـ ا نـ قصدي ليبرالي خذاله شهر مدري شهرين في الوزارة ما يعترف بقبيلته وطردوه من سنيييين !

الله يا زود النظافة .. ما نبي الوزارة .. وهم يراكضون عند مكاتب الوزراء ويترجونهم ويحبون خشومهم ؟

أنا متأكد انه الحكومة ما تعرض الوزارة على عجمي لأنها لا ترى ثقلا في البلد للعجمان في الوقت الحاضر ..

اسمحولي على صراحتي بس صديقك من صَدَقَك لا من صدّقك .

واللة انك ماقلت الا الصدق


وكلامك في قمت الجزاله



واشهد انك شيخ الشيوخ

[وشهد شاهد]

السلام عليكم ورحمة الله وبركاته عدل الكلام شيخ الشيوخ ماعاد لنا هيبه والسبب مثل ما قالو بعض الاخوان ( الــــــــــــــــــــــــحــــــســــــــــــد)

[زريق]

بيض اله وجهك . لا المصيبه ان عندنا عجمى كفو ولا يحتاج واسطه.....الانه كفو ورجال وعنده حميه للبن عمهم وهم العجمان مايقول هذا من فخذ او هذا من خذ(والترقيه جايته ونشالله مدير الشركه البترول.لكن فى مشكله تدرون ويش المشكله اللى واقف ضده عجمى ..هذا عينه من الحسد)طبعا العجمى اللى عنده حميه هو(عبدالله سحمى كثرالله أمثاله) الله تمنعنا من الحسد ةالله فى ارجال ويليت تذكرونهم..واللى يسوى الشينه قولو اسمه....وشكر اااا

[عجاج]

الحسد موجود في كل القبايل وكل الناس ،،، الشغله ما هي حسد ،،، الشغله فينا حنا كأبناء قبيله وهي في اعتقادي ( المجامله ) حنا نجامل ،، نجامل الشيخ ونجامل كبير العرب فينا ونجامل النائب حياتنا مجامله في مجامله ،، يخسوع النائب ويفشلنا ولا يقضي لزومنا واذا جانا في دوانيه ولا عرس نطحناه وحبينا خشمه وطيرناه فوق السحاب ,, وهم يا خذون السرهاده عاده ,, والله لو النائب ولا الشيخ ولا كبير العرب الرديين لا دخلو علينا انقعدهم في المقعد الي يستحقه الردي كان تغيرت الامور .. اذكر كلمه قالها لي مسلم البراك " لا بغيت النائب يحسبلك حساب خله لا دخل في الدوانيه كنه قاعد على جمر ،، حاسبه واجهه باخطائه وذكره بزلاته " . ياما شباب عجمان عسكريين فصلوا من وظايفهم لاتفه الاسباب ولا احد سرهم ،، ياما صحفيين عجمان فصلوا مثل ابن عماره ولا لهم عوين ياما وياما وياما ،، والله لونهم مطران ولا عوازم ما احد يقربهم ، اما حنا فالله يعيين .. وللحديث بقيه .