قصيدة الشاعر حمد المري في شاعر المليون

al7ala_201 · #1 23-01-2007, 08:58 AM

صباح الخير ...
هذي القصيدة أعجبتني وحبيت أنقلها لكم ...

ماني بمن ياتي ولا يدرابه
شطرن حفظته ماعرف كتابه

شطرن يناسبني لمثل الليله
وأشوفني في ذا المكان أولى به

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه

الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه

الشعر جمعنا لو تفرقنا
حدودنا وظروفنا الغلابه

الله يبيض وجه راعي الفكره
عز الله انها تنحسب لحسابه

والله يبيض وجه من يرعاها
محمد الله يحفظه لاحبابه

محمد ولد زايد عريب المجنى
ولي عهد الديره الخلابه

الشعر تاريخ(ن) لنا من مبطي
واعلامنا يوم السنين نهابه

الشعر بيت(ن) والوزن عمدانه
معناه طنب وقافيته حجابه

الشعر واد فيه صيد(ن) واجد
وكل على الوادي يهج ركابه

والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

شاركت امثل ديرتي وربوعي
وكلن يمثلن ديرته واقرابه

والله الا الله راد والله قاله
اني لسلمها الفخر وكتابه

داري قطر وانا اهنا امثلها
المجد مطلوبي وانا طلابه

عهد علي اني لشرف داري
ترك صبي ما يعز ترابه

شوفوا دمي من حبها عنابي
وحماستي من ضووها شبابه

شاعر خليجي والعروبه بيتي
والبيت ماياقف بدون اطنابه

وان عودت بين القبايل فزعه
انا اشهد ان لي فاللوازم لابه

لي فالقبايل ربع واقدرهم
ماني بمن يجهل مقام اصحابه

وان عودت لاصلي فانا اصلي مري
من صلب يام اهل القنا وخضابه

قوم لنا فوق المعالي بيرق
والسيف قوة سلته بانصابه

الشعر طوقني وانا طوقته
قمت اتمشابه وفك ابوابه

يابنت ياللي تفرقين بعودش
مالومهم لاكثروا الخطابه

لامر بش دربش على خلق الله
قالوا كذا بالاصبع السبابه

زينش يزينه فعل ابيش وجدش
وانتي بدورش للنقا كسابه

قومي تباهيبي وفلي راسش
عليش من ستر الشرف جلبابه

وان ماسترتش بالفعول وباسمي
فعقبني الفنجال ياصبابه

تحياتي ...

مجازف · #2 23-01-2007, 09:56 AM

حمد محمد المري

شاعر غني عن التعريف

وقصيدته رائعه ويستاهل الترشيح

ولا هنت على النقل

ولله يعطيك العافيه

الملك · #3 23-01-2007, 10:52 AM

صح لسانه وهذا مو حمد هذا الشاعر /
محمد بن حمد بن فطيس المري
[img][/img]

تحياتي ولاهنت على النقل

al7ala_201 · #4 23-01-2007, 10:58 AM

الله لا يهينك

و يعطيك العافيه يا مجازف

وشكراً عالمرور ...

تحياتي ...

al7ala_201 · #5 23-01-2007, 11:01 AM

الله لا يهينك يالإعصار ...

وشكراً عالتوضيح

((الشاعر هو: محمد بن حمد بن فطيس المري))

تحياتي ...

غاوي طرب · #6 23-01-2007, 10:38 PM

بيت القصيد:

وان ماسترتش بالفعول وباسمي ::: فعقبني الفنجال ياصبابه

محمد المجول · #7 24-01-2007, 12:44 AM

الحلا

ألف شكر لج على النقل المتميز

وصح الله لسان الشاعرمحمد

قصيده رائعه وفي قمه الروعه

تقبلي تحياتي

(حلوة الوصايف) · #8 25-01-2007, 11:23 PM

تسلمـ يمنآآكـ عالنقل ولكــن ..
اسم الشآعر هو ((محمد بن حمد ال فطيس المــري))

ولاهنتي على مانقلتي

عـ100ـج · #9 25-01-2007, 11:33 PM

اااااااااااااااااااااااالله عليه ابن فطيس

مرررررررررررررره روعه

والله يوفقه

تسلم ياخوي على النقل لرائع

لك أجمل تحيه

أخيتك
عجميه

الأجـودي · #10 27-01-2007, 08:08 AM

السلام عليكم ورحمة الله وبركاته

اختي الكريمة الحلا

يعطيش العافية على هالقصيدة الرائعة

وصح الله لسانش ولسان الشاعر ابن فطيس المري

وانشالله بيكون شاعر المليون

ولا هنت ِ ...