حبيبي صارحني

[قطرية ولي الفخر]

حبيبي نام على صدري وصارحني وفض الصمت بإحساسك وخل الحب لي يجري..

وفضفض لي بعد عمري وعاتبني وفهمني أنا اطري على بالك كثر ما أنته تطري..

تعال اقرب من أحضاني ترى خدك مواعدني يبي يلامس شغف روحي ويقطف بوحي من شعري..

تعال انثر هنا ليلك وخل ويلك يولعني أنا أحبك وأبي قربك ترى مني قضى صبري..

أنا نبضك زهر أرضك وأنت؟إيه تملكني بنحل خصرك جمر ثغرك وزود بلونك الخمري..

تتوهني تغرقني ومن بردك تدثرني وتبكي لي وتشكي لي وله قلبك ومن سحري..

أبي دموعك مع أنفاسك بصدق الود تحرقني وأبي عطرك مع سحرك وآهك بالحشى تسري..

أبي همسك يبعثرني غلا ولمسك يلملمني وأبي عيونك من عيوني تذوب من الولع كثري..

وأبي عهدك مع وعدك وأبي كلك تسلمني ننعم في حضن من العالم وعن دهري..

وتحيني بهلا شوقك حلا ذوقك ينسيني يلوعني ويأسرني ويملك بالغلا فكري..

أبي يدك تسافر بي وزهر قدك يلحفني وأهيم بعالمك عاشق جنوني وأنت بي تدري..

تشوف الجمر بعيوني؟ تشوف الشوق جنني؟أجل تدري مثل ما ادري بأنك حلمي يابدري..

حبيبي قوم وصارحني عن إحساسك وعلمني أنا اطري على بالك؟؟كثر ماأنت علي تطري؟؟

[بوناصر]

صح لسانك يالقطرية




أهـل الوفـا وين غابـوا واختفـى ظلهـم

تمّيـت ادوّر نزلهـم بس ذكـر ظـل لهـم

بالامـس ما جد عنـاهـم واحــدٍ ظلهـم

مـن البعـد دوم بس تسمــع فناجيلهــم

أهـل الشهامات راحـوا وانفنـى جيلهــم

يا مـالك المـوت اطلبنـي فنا جـي لهـم

يطيـب لي قربهـم واسعـد بمـاضٍ لهـم

[مسفر بن حمران]

تسلم يمينش طال عمرش على النقل الرائع وننطر مواضيعج الجديده والموشقه والجميله

[محمد المجول]

قطريه ولي الفخر

صح الله لسان شاعرها

والله لايهينج على النقل المتميز

تقبلي تحياتي

[الخيال الحر]

حبيبي نام على صدري وصارحني وفض الصمت بإحساسك وخل الحب لي يجري..

وفضفض لي بعد عمري وعاتبني وفهمني أنا اطري على بالك كثر ما أنته تطري..

تعال اقرب من أحضاني ترى خدك مواعدني يبي يلامس شغف روحي ويقطف بوحي من شعري..

تعال انثر هنا ليلك وخل ويلك يولعني أنا أحبك وأبي قربك ترى مني قضى صبري..


الله يقويك على
ويعطيك الف عافيه على ها القصيده الممتازه وننتظر الجديد ....

[قطرية ولي الفخر]

مشكورين اخواني على المرور
اختكم قطريه ولى الفخر

[دلوعه اسعوديه]

صح السانك
ولا هنتي

[قطرية ولي الفخر]

مشكوره اختي اسعوديه

[مسفر بن حمران]

حبيبي نام على صدري وصارحني وفض الصمت بإحساسك وخل الحب لي يجري..

وفضفض لي بعد عمري وعاتبني وفهمني أنا اطري على بالك كثر ما أنته تطري..

تعال اقرب من أحضاني ترى خدك مواعدني يبي يلامس شغف روحي ويقطف بوحي من شعري..

تعال انثر هنا ليلك وخل ويلك يولعني أنا أحبك وأبي قربك ترى مني قضى صبري..


الله يعطيش العافيه اختي قطريه على الابيات الجميله

ولا هنتي وتسلم يمينش على المشاركه الطيبه


تقبلي مروري وتحيـــــــــــــــــــــــــــــــــــاتي لش

[الاحرش]

قطريه ولي الفخر

صح الله لسان شاعرها

والله لايهينش على النقل المتميز