لو تعطلت بطارية سيارتك وانت في البر ... وش تسوي ؟؟؟؟؟؟

[ابن أخي العجمان]

مرحبا اعضاء منتدانا الحبيب

انا اعرف ان اغلبنا راعي بر ويحب طلعت البر والوناسه خصوصا ذا الايام عسى الله يرزقنا بالمطر



وأنت في البر وبطاريه سيارتك خلص شحنها لأنك ناسيها انها مشغلة لك اللمبات والتلفزيون وشاحن الجوال وحضرتك قاعد مفهي عند النار بيد فنجال شاهي والثانية هوز المعسل ولا عندك أي جهاز شحن ولا سياره ثانيه تقدر تسوي لمخَك ولا لسيارتك اشتراك. و صارت توماتيك ولا تقدر تنتعها .....يا ولد وش نسوي ؟؟ رحنا فيها؟؟؟ ماعليك يارجال دونت ووري
================================================== ============================

إليك يأخي هذه الطريقة العلمية .

1 - نزل البطاريه من السياره يعني فك براغيها باي طريقه .. دبر عمرك سلك امورك

2 - احفر حفره بعمق ذراع او نصف متر بقطر مقاس البطاريه

3- ضع البطاريه في الحفره بحيث يكون اصابع البطاريه للاعلى

4- ادفن البطاريه بالرمل ( في وجه العدو ) بشكل كامل

5- رش الرمل بقليل من الماء بحيث يكون فوق الحفره

6- انتظر من 10 دقائق الى نصف ساعه وإذا عليك مطر وفيه رعود وبروق اقل من 5 دقائق

7- ركب البطاريه وسم بالرحمن وشغل موترك ولاعاد تروح البر وبطاريتك خربانه

ملاحظه : اذا ما اشتغلت السياره عاود الكره ودعها مده اطول

شرح السبب
: تعرفون يا اخوان ان مستقر الكهرباء هو الارض خصوصا في البر يكون تاثير البروق على الارض كبير بحيث يحمل الارض بشحنات كهربائيه كبيره والدليل يا اخوان ان كل جهاز كهربائي له ما يسمى بالايرث وهو الشحنات الزائده الى الارض .
----------------------------------------------------------------------------------------------------------------------------------------------------------------------------------------------------------------------------
إختبار عملي
: قم باتباع هذه الخطوات على بطاريه خربانه في حديقه بيتكم وسترى النتيجه بحيث ان البيت له ايرث قوي وتفريغ الشحنات كبير

================================================== ================================================== =====================
وعسى أن تنفعكم هذه التجربه وفقكم الله في حلكم وترحالكم

[الوافي 10]

يا مرحبا فيك يا ابن اخي العجمان

مشكور على المعلومه

لكن عندي بعض الاسئله إذا سمحت؟

1-هل ترجع حالة البطاريه كما كانت ؟ام لفتره معينه؟
2-التجربه لبطاريات الماء ولا الكهرباء فقط؟
3-هل حجم البطاريه له فتره معينه؟

وشكراً لك

[saprj]

يعطيك العافية أخوي ابن أخي العجمان على هالطريقة السهلة و المفيدة

و إن شاء الله ما نتعرض لمثل هالموقف ...خصوصا لا صار في عز البرد ...

و إذا ما نفعت الطريقة مع أحد الأعضاء ترى بنحوله عليك و بنعطيه عنوانك ..

[صديق الملك]

في إجازة نهاية الأسبوع القادمة بروح للبر وبآخذ معي بطاريّة غير مشحونة .. وأطبّق التجربة عليها

وفي حالة أنها نجحت التجربة فقل على محلاّت شحن البطاريات السلام

مشكور اخي الكريم على المعلومة الجديدة والمفيدة إن شاء الله ...

أخيك .

[الاميرات]

يعطيك العافيه بس جنها خطره شويه

يسلمووو على المعلومات الحلوه

[м8ąĐїṜ]

هههههههههههههههههههه

وانكانها ماظبطت ابحلبها..

لاهنت..

تحياتي

[مجازف]

الله يعطيك العافيه

وانا معك في كلامك

اذا كنت في البر وكان فيه عجاج

امسك مطاره الماء اللي فيها ماء وفي الشمس

شوف وش يحصل لك

[مناحي الصميل]

تسلم يمينك على هالمعلومات الطيبه

وانشالله محد يمر في مثل هالموقف

[ابن أخي العجمان]

اولا يااااا مرحبا مليون في مليون =1000000000000 اخوي الكريم / الوافي 10


1-هل ترجع حالة البطاريه كما كانت ؟ام لفتره معينه؟

انت في مثل هذا المووقف (عساه ما يحصلك .. آآآآمين )يهمك تشتغل السياره لانه لو اشتغلت الدينمو يعبي البطاريه على طووول واكيد يصير طبيعي ترجع زي اول اذا كنت بس مشكلتها البطاااريه مسحوبه من لمبات شغاله والسياره طافيه او اي شي يسحب البطاريه .. بس احيااانا البطاريه تكون ضعيفه من الاساس ,, فأنت مش حالك لين ما تغيرها

2-التجربه لبطاريات الماء ولا الكهرباء فقط؟

الله يهديك الوافي 10 .... من اللي يستخدم بطاريه على مووويه انتهت هذا النوع من البطاريات بعدين بطاريه المويه ماا تنشحن ... اذا تعطلت لازم اشتراك.

3-هل حجم البطاريه له فتره معينه؟

نعم .. لان بدخلها مادة فيزيائية تستهلك واحيانا ما تقبل الشحن لو تشحنها بكهرباء .. لازم تتغير ويكون لها تاريخ صلاحية وينتهي وتاريخ تصنيع بعد

ارجو أن اكون جاااوبتك على اسألتك بالقدر الكافي اخوي الوافي 10

والله اعلم

لك خاااااالص التحيااااات

[ابن أخي العجمان]

اخوي / saprj

مشكككورررر على المرور


ابشر ولا يهمك حوله ويبشر بالفزعه