الاستقلاليه الماديه بين الزوجين ...... هل تؤيدها ..؟

[سعود الفيصل]

بسم الله الرحمن الرحيم

الكثير من الناس يرى بأن الزوجين يجب أن يكون لهما
( جيب واحد )
يعني مافي فلوسي وفلوسك ..

يذوبان تماما من الناحية المادية
حفاظا على التعاون والإخلاص والتضحيه
ويتهمون المال بانه مفرق ومشتت للعائلات ومسبب للطمع والأنانية
ويرون بالمشاركه صفات للزوج اوالزوجه الصالحه ..

وآخرين ينادون بضرورة الإستقلالية المادية للزوجين
يعني من حق المرأة أو الرجل أن يدخر لنفسه في حساب خاص غير مشترك مع الآخر
أو يشتري عقار باسمه وبأمواله هو
والإسلام كفل لنا هذا الحق رجالا ونساء
ومن مبدأ الواحد مايضمن نفسه ولا شريكه ولا الزمن

والإدخار أمان من الفقر ومن مفاجآت الزمن!!

اتمنى اشــــــــــــوف ارائكم

[alaajm]

موضوع يستحق النقاش ونظر لأراء الأخرين ووجهة أنظارهم

بالنسبة وأنا رأيي إن الزوجين لهم (جيب واحد) مافي لا فلوسي ولا فلوسك

لأن الزوج لابد انه ينفق على زوجته وأولاده وإن كانت الزوجة موظفه

هم تنفق على اولادها وبيتها وان تنفق على زوجها إن إحتاج الى المال

فالحياة الزوجية مشتركه بين الزوجين على كل شيء في السراء والضراء

وكما ذكرت أن المال مشتت للعائلات وسبب في الطلاق في بعض الأحيان

حين لايتفق الزوجين في شيء ما

وبالأخير أنا أؤيد أن يكون الزوجين على (جيب واحد) مافي لا فلوسك ولا فلوسي



ومشكور ع الموضوع يا اخ / سعود الفيصل

الى للقاء

[عنايد]

بصراحه موضوع شيق يعطيك العافيه أخوي العزيز (سعود الفيصل )

وبالنسبة لوجهت نظري أحب أن اوضح ان مسؤلية الزوج هي الأنفاق على البيت وهواللي يتحمل كافة المصاريف وحتى لوكانت الزوجه موظفة لا يجوز لزوج ان يجبر زوجته على الأنفاق على البيت

ولكن اذا المرأه عن طيب خاطر حبت تشارك زوجها وتتحمل بعض الأعباء الماديه فهذا من طيبها وراح يعمق العلاقة بين الزوجين وينسجمون أكثر لان الحياة الزوجيه مشاركة ومودة والمفروض المرأءة اللي راتبها زين تحس بهالشي يعني موتنطر الزوج يلمح لها اذا عسر الحال المادي عليه وتقدر ظروفه الماديه وما تحملة فوق طاقته

والفلوس مو هي أهم شي في الزواج والحياة الزوجية السعيدة تكون بالإنسجام مع بعض وحب الثاني لسعادة الأول هو اللي راح يسعد الزوجين

ألف شكر على الموضوع الجميل يالفيصلي

[الفهد10]

السلام عليكم ورحمة الله وبركاته
شكرا على هل موضوع سعود
وانا من رايي ان الرجال هو اساس البيت وهو اللي يجيب الخير ولا فيه شي اسمه شراكه
بين الزوجين لان الزوج بما يملك لها
والرجل اللي يبي فلس من وراء زوجته لا خير فيه ولا في حياته
والزوجه شنو تملك ولا شي
وذا كان موظفه بس راتبهاا يالله يكفيها
والفلووس وصخ هدنيا اللي كلن يحتاجه والاخوان يفرقهم
ويشتت الشراكه ويسبب المشاكل
اما بنسبه للاخت عنايد كلامج فيه منه
الرجل ماتزوج عشان الزوجه تصرف عليه ولا انا من رايي مايد الواحد ياخذ موظفه
والزوجه لو تجيب شي لبيت وانا موجود احسها اهانه لي
وانتي تقولين اذا قطت بالبيت هذا من طيب خاطرها
اخاف قاطتها بالشارع قاطتها على بيتها وعيالها
ولا هنت سعود
سلام

[عنايد]

يا اخ ( فهد)
كل شيء يكون بالأتفاق بين الزوجين اذا انت ماتفضل هذا الشي هذي وجهت نظرك وأحترمها طبعا

وانا اللي اقصده يعني اذا الزوج ماديته ضعيفة حيل او عليه دين أو قرض لاسمح الله

شنو يحده يطلب من الغريب والزوجه ميسورة الحال مافي مشكلة لو تحملت جزء من المسؤليه ورفعت الحرج عن كاهل زوجها وساعدته ماديا

راح يحس الزوج ان الزوجه موجماد يسكن معاه بالبيت
انسانه تحس بزوجها وتقدرظروفه

وطبعا الشرع ما غصبها لكن هي بكيفها موملزومة بهالشي الملزوم فيه الرجال فقط

لكن مثل ما أنا قلت الحياة الزوجيه مشاركة وهذا يرجع على حسب تقدير المرأه لظروف بيتها

[راعي المشعاب]

اخي الغالي / سعود الفيصل
موضوعك قيم ومهم جدًا .....
المسأله ليست وجهات نظر بل ينظر إليها من جهة الشرع .
الزوج يجب عليه النفقه حتى ولو كانت الزوجه موظفه وراتبها اكثر من راتب الزوج .
ومسألة التأييد هي بيد الزوجه إن رضيت أن تجعل مالها ومال زوجها واحد .. فهي صاحبت القرار في ذلك الشأن .
وأنا بالنسبة لي لن اتدخل في مال زوجتي - إذا الله رزقني الزوجه الصالحه -
مالها لها ومالي لي وهذا الأمر لن يفسد العلاقه بل تكون تفرقة المال على الرضا والصلاح .
آسف على الإطاله .
وكل الشكر لك على طرح هذا الموضوع .

[عبدالله العبيد]

لا هنتوا على الموضوع الممتاز والردوود الطيبه

اقتباس:

وآخرين ينادون بضرورة الإستقلالية المادية للزوجين
يعني من حق المرأة أو الرجل أن يدخر لنفسه في حساب خاص غير مشترك مع الآخر
أو يشتري عقار باسمه وبأمواله هو
والإسلام كفل لنا هذا الحق رجالا ونساء
ومن مبدأ الواحد مايضمن نفسه ولا شريكه ولا الزمن

والإدخار أمان من الفقر ومن مفاجآت الزمن!!

وشكرا

[سعود الفيصل]

الاخ الكريم/ سالم
هل لا سمح الله اذا حدتك الظروووف تأاخذ فلوس من زوجتك او اي وقت تاخذ منها
يا ليت توضح ...؟
وشكراً
_____________

الاخت الكريمه / عنايد
الفلوس اللي تعطيها الزوجه لزوجها من باب القرض او من باب الحسنه ...؟

________________
الاخ الكريم / الفهد
هل من المعيب ان تأخذ من زوجتك بعض الفلوس ......؟
مو احسن من القرض اللي بتأخذه من البنك او بتروح للرياجيل تتسلف وتطر منهم وزوجتك عندها اللي يسد حاجتك .....؟
_________________
الرائع دائماً والمميز والعظيم بنفس الوقت / راعي المشعاب
اذا مالها لها فهل ستنفق عليها ام انك تكتفي بأن لها معاش ومعاشها يكفيها ....؟
________________________
الاخ الكريم / عبدالله العبيد
كلامك لا غبار فيه
_______________
كل الشكر للا عضاء على الردود الجميله واتمنى الاجابه على الاسأله السابقه
واتمنى ردود باقي الاعضاء
وشكراً

سعووووووووووود الفيصل

[عنايد]

أخوي العزيز (سعود الفيصل )

بالنسبه لسؤالك أقول لا يعتبر قرض ولا حسنه

مجرد مشاركة ماديه فيها الخير لصالح الأسره يعني مثلا

القرض هو ان تعطي شخص مبلغ من المال على ان تسترده فيما بعد

والحسنه شخص تشفق عليه وتعطيه مبلغ من المال غير قابل لاسترداد

لكن المشاركة الماديه للزوجه لاهو قرض يعني لانه مو قابل لأسترداد ولا هو حسنه ينبع من شفقه

انما المشاركة الماديه نابعة من( حب) الزوجه لزوجها واحساسها بأنها عنصر شريك معه في الحياة


واتمنى الاجابه واضحه

وشاكرتلك أخوي: ( سعود الفيصل )

[سعود الفيصل]

الاخت الغاليه عنايد /
انا ما حطيت هالموضوع للنقاش الا اني شفت يوم رديت من السفر انه حرمة جارنا مسحوبه
من الشرطه والمباحث بقضيه شيكات بدون رصيد واللي متسبب فيها زوجها اللي الحين في مسافر ومنحاش على ما اظن .
يعني بعد عشره 15 سنه او اكثر يسوي رجل لمرته جذيه ....؟
هم اعرف واحد الحين بسجن بسبب قروض ماخذها على شان زوجته .......؟
هل تظنين انه راح تكون فيه ثقه بين الزوجين اذا شافوا هاذي الحالات.....؟