السلام عليكم ورحمة الله وبركاته.........
يالربع اعتقد ان السؤال كان واضح للجميع واذا نسيتوا السوؤال راح اكتبه مره ثانيه:
س1: من مرشحين مجلس الأمه القادم من أفراد قبيلة العجمان ؟
فالمفروض ان الرد يكون على السؤال ومانشط نفسنا وندخل بمواضيع اخونا أبو زيد ماسأل عنها
انتوا اتكلمون عن مجلس الامة وتبون التغيير وتنادون ان هذا هو وقت الشباب
صح بس اذا من بدايتها هذا هو الاسلوب وهذا هو طرحنا في مواضيع راقيه, طلعنا كل مافي قلوبنا على شيبان القبيله وناس لهم فضل اذا مو علينا على رجاجييل واجد من العجمان ويام ,
ما اعتقد اخونا بوزيد سال عن رايكم في اعضاء المجلس السابقين عشان نشوف هالردود والانتقادات الي من كل صوب, واذا سال راح يسال عن تقييم اداؤهم في المجلس مو عن رايكم فيهم, ومانتمنى انها توصل حد الاستهزاء, وهادي وبن طامي يبقون شيبانا كانوا ذخر ونبقالهم ذخر
وما اعتقد ابوزيد سال شرايكم في انتماء بعض الاسامي الى تيارات مختلفه عشان نشوف الكلام الي يحز بالخاطر عن مبارك صيندح وعبيد فرهود واذا في انتقاد لهم اقول جمعيه الاصلاح ناس فيهم الخير وابرك واشرف من تيارات ثانيه ويكفي انه تيار اسلامي, وثانيا هذا الموضوع يخص صنيدح و بن فرهود ومافي احد يتدخل بالخصوصيات هذي لان كل واحد كتب رد عليهم ماعتقد يرضى انتدخل في شي يخصه.
نقدر نتكلم ونطرح آرائنا الي تفيد شيبانا او اخوانا الي راح ينزلون ويترشحون حق الانتخابات الجايه ونقدر نثبت لهم ان دورنا مو بس التصويت حنا نقدر نكون من الاسباب الرئيسيه لفوزهم في مجلس الامه وهذا مو صعب على تواجدنا الكبير في هذا المنتدى ودور المنتدى في توصيل الآراء حق اللجان المختصه بالانتخابات وبالشكل هذا نكون قدمنا شي حق قبيلة العجمان ونكون استفدنا من المواضيع الي نطرحها ,
لكن اتمنى ان الموضوع مايوصل التجريح والانتقاد الي ماله داعي حق اي شخص ينتمي لقبيلة العجمان
وبالختام اتمنى رسالتي تكون واضحه
04-11-2005, 08:41 AM
العرض العادي
