قصيده لشاعر غنيّ عن التعريـف .. عبدالله بن دويرج
أه يامن ضربني في يده كفٍ على خدتّي عسراوي = مأستحقيت به غير المودّه صابرٍ بالخطا راعيها
كلّ ماشافني غافل نطحني فوقه المقطع الكيناوي = والتفت لي بنجلٍ مدعجات وغرةٍ ربّها حاليها
كنّ صفّت مجاديله عريش كروش بنت أشقر الصقلاوي = سامكٍ ذيلها والعرف سكرانه وعجّ الرمك غاشيها
يأتلع الجيد ماترحم ولا أنتب ياقليل المروّه تاوي = مادريت أنّ عيني من فراقك دمعها بالخفا محفيها
كلّ مازلّ هود الليل أجاوب في طويل الجذيب العاوي = وأنت لي حاجةٍ عندك ولا تأخذ ثمنها ولاتهديها
منوتيّ والمنى مكروه ليتي عند موض الجبين فداوي = يسمح البال يوم أنه يوصيني على حاجةٍ وأقضيها
والله إنيّ عن المقفي إلى منّه عطاني قفا شيماوي = مير ذي دبرة الخالق على المخلوق والنفس داها فيها
الهوى قدّ مشابه نمر بن عدوان ودغيّم الظلماوي = يوم كان الهوى سلعه وكلٍ في نفيس الثمن شاريها
قطفوّ زاهي النوّار في وقتٍ مضى والدهر متساوي = لين كلٍ قضى شفّه وكلٍ قال هيدوك ياباغيها
المغاتير عقب أهل الرمك والجيش دوّه لهنّ الشاوي = أقمحي ياحياةٍ صار مرّ الشري عقب العسل تاليها
عارفٍ الهوى في شبتّه واليوم غصن المودّه ذاوي = أأأأه والوعتي لوعة هنوفٍ يوم جاها خبر غاليها
وسلامتكم ،، ورحم الله الشاعر عبدالله بن دويرج
21-09-2005, 09:03 AM
العرض العادي
