خفاااااايااااا ضمـيـري

[المنفرد]

بسم الله الرحمن الرحيم

اسعد الله اوقااتكم في كل وقت وكل حين

سالفه اليووم غيرر عن بااقي سوالف

خذيتلي سجه واتذكر ايام دراسه وفرحتها يوم تخرجت

فطره في كل الشباب النشيط متحمس للوظيفه

يوم ربي ارااد اني اقدم اوراقي واتعين في احدى الوزاراات

باااشرت العمل

كان بنسبه لي شي عظيم

لو تشوفون اهلي فأول يوم

ههههههههههه

تقولون وكيل وزاره وتوه مترقي لمنصب وزير ريوق وتصبيحه فالوجه والطيب والعوود

هههههههههههههههه

المهم

دخلت الدوام ولا لقيت خمسه قاعدين في مكتب يتقهوون

جيتهم عرفتهم بنفسي

رحبو وقهووني

علموني طبيعة العمل وكيف اتعامل معا الجمهور وشلون اشتغل

اول ماجيت سلموني الشغل

كل شوي واحد منهم يعطيني اوامر واللي يروح يشتكي علي اني بطيئ فالمعامله يشتكي علي

ويجيني كل شوي واحد منهم يملي علي كلام

هذا شي طبيعي لان ماعرف شي

المهم قعت علا هالموال وانا استلم بروحي وكل يوم الصبح كل واحد منهم يجي يعطيني تعليمات ويمشي

انا زهقت وكل شوي جايني مراجع لدرجه اطلب الشاي حار واشربه بااااارد

حسيت ان الوضع فيه انه

انا علا باااي كلهم مسؤولين اقساام وضنيت اني يوم جيت العمووم كلهم اجاازاات


واروح لسكرتاريه عندنا

قلت لو سمحتي هالخمسه من هم وشنو مسماااهم

قالت ليش

قلت مجرد سؤااال ودد اعررف


هههههههههههههه

طلعت اخرر شي انا مسؤوولهم

ههههههههههههههههههههههههههه

والمكتب اللي اول مرهواجهتهم فيه طلع مكتبي

هههههههههههههههههههههه

يوم جو وشخطهم كلهم

هههههههههههههههههه

كرهووني

عااد كل ما اتذكر هالساالفه

اضحك علا نفسي


ههههههههههههههااي

ودمتووو بووود

[المنفرد]

يا بري حالي وين بلقا دوا جروحي

[المنفرد]

ضحك

ترا دنيا ما تسوا

[المنفرد]

انا علا مالله كتبلي وايقنت
ان الزمن يومين حلوه ومره

ياصاحبي بكره تسافر وانا وانت
نبقا حبايب ما تغره مجره

يابنت انا اللي منفرد بش يابنت
والوقت والحاد ماعمره يغره

بتروح ثم ترجع وتلقا كما كنت
شوق المولع بشتياقه يشره

وانا علا مالله كتبلي وامنت
ان الزمن يومين حلوه ومره

[المنفرد]

لشاااعر

خلف بن هذال العتيبي




كل ماون قلبي جاوبنه الضلــوع
من هنوفٍ سلب عقلي هدب عينها

كن في عينها وإن ناضرتني جموع
حفرة الموت في مقرن حجاجينها

جاء نهار الخميس وفات يوم الربوع
والوعد طاف والاقدام مشقينــهـا

حفيت اقدامنا والعين تذرف دموع
فرقا الاحباب يومين ياشينـهـا

يا مليح الكلام ويا حسيين الطبوع
صورةٍ حابها الرحمن يازينــها

فيك من ضبي نجد اوصاف واحسن رموع
وانتم اللي كبــود الناس كـاوينــهـا

ضامر البطن ما مسة شقاوه وجوع
شجرةٍ عن سموم القيض حامينهـا

فوق جمنٍ قراح بين ذيك الزروع
ليت من ذاق من خضرة بساتينها

وان لحضني وانا امشي عن الدرب اتوع
هلت العيـــن واختلـت قـوانيـنـها

القدر نزلتني حدر تسعين بـوع
تحت هيبتك نعصا الروح ونهينها

يعجز اليوم قلبي من شبكم يزوع
شبكة اللي مكسرتن جناحينهـا

كل ما ون قلبي جاوبنه الضلـوع
من هنوفٍ سلب عقلي هدب عينها
=====

[المنفرد]

•+ - - - - - - - - - - - - - - - - - ₪ - ::
----------------------------------------


خلف بن هذاال



اخذت من روحي لروحي نصايح






اخذت من روحي لروحي نصايح
=ثلاث يرضن النفوس الضياقي
جمع الحطب ومعلقات الذبايح
= وحذف النشامى للغتر والطواقي
بقفرن خلا عشبه بالازهار فايح
=غصن الخزاما له بلاخر مراقي
تلقى ام سالم تجر له بام النوايح
=يطيب مع طيب الربيع التلاقي
بين اربعت جدران ماني بطايح
=قطع الخرايم جبرت عظم ساقي
في نون عيني بارق الوسم لايح
=كن السحاب تسل فيها السناقي
ان عودو لغب المطر عودو للفلايح
= ماني بفالحن يعدل سواقي
عودت للي يكسبن المدايح
=فيهن طرب قلبي ولذة مذاقي
سود البكار مكرمات المنايح
=هذي ضوت خلفا والاخرا ملاقي
ملحا نتفاهق للصميل ويتمايح
=تركي على كبد الحسود العراقي
خلوني اقضي باقي العمر سايح
= ما دام للعمر المطرف بواقي
امشي تحت المزون الروايح
= هذا هواي وطربتي واشتايقي
يرتاح بالي يوم اوده واصايح
=وابسط فراشي في مبارك نياقي
انحاش عن ناسن تسوي الفضايح
= عاشت بسو اخلاق كذب ونفاقي
ناس تسرد للمشاكل شرايح
= تثير من بين الاخوان الشقاقي
كل الحياه احلام والعمر رايح
=طرقي بهالدنيا وغيري طراقي






•+ - - - - - - - - - - - - - - - - - ₪ - ::
----------------------------------------

[المنفرد]

يا حي ذكر

هذا اخر ما كتبت وعسى ان فكرتها تلين اعجابكم

ومنك نستفيد



يا حي ذكر اللي يزيل المأسي
ياعنه صوت اللي ينادي بذكراه
الروح والتقوى تسابق نفاسي
والعين تذرف في سماع المناداه
يطرق على باب القلوب النواسي
ويعزم على حلت رفيع المساواه
تغمر ضماير كاسيات النجاسي
وتهمر بذكر الوقت أوله وتلاه
بيني وبينك مفرقات السواسي
انته ولي القلب وانت المبداه
ياعنك مايغني جواهر وماسي
فيك الرجا ياراعي الطيب والجاه
اجليت نورك ياحبيبي قباسي
جلن جلل يا ذو الجلال المجلاه
في حكم شرعك يخضعنا الرواسي
اقلوب تنبض بشتياقن مقداه
كلن على قده يفصل لباسي
هذاك محرومن وهذاك معطاه
وكلن على فعله موزن قياسي
والله على خلقه عزيز الموداه
ياشوق عيني ويامضاعيف باسي
تقوى عزومي في لجوؤي لمجهاه
صنتك وانا في عهدتي امتواسي
في حزتن الوقت يخلف بمهقاه
منك الوفا وتلين فيك القواسي
عظمتك شانن تزدهر في مسماه
هذي قصيده شطر الاول بأسي
وقافه بشطر الثاني ااااهن يالله
فيك الاذن تطرب يطير النعاسي
لاقيل فالمنبار حي علا الصلاه

وسلامتكم

[المنفرد]

لشااعر/ سدااح العتيبي


على الله وش نحـبّ و ش ندانـي


نـــعــــدّ أيــامـــنـــا والــعـــمـــر فــــانــــي


تـعــبــنــا نــتــبـــع الــدنــيـــا وشــبـــنـــا


نـشـيــل ظــنــون وأحـــــلام وأمــانـــي


يــــدور الـلـيــل والـصــبــح يـتـنـفــس


تـحــت حـكــم الـمـعـيـن المسـتـعـانـي


وأنـــــا قــلــبــي يــــــدق وكــــــل دقــــــه


أركّـبــهــا عــلـــى مــنــطــق لــســانــي


أغــنّـــي والـغــنــا وهـــبـــه مــــــن الله


ماجتـنـي مــن فــلان ومــن فـلانــي


ولا أدري مـــوهـــبــــه وإلاّ وراثـــــــــــه


لـكـنّــه قــســم مــــن ربـــــي وجــانـــي


بـسـيــط ودايــــم افــكـــاري بـسـيـطــه


فـي بـدع البيـت وتركـيـب المعـانـي


أروح إبـهــا عـلــى شـــداد الـمـطـيـه


واعود إبهـا علـى سـرج الحصانـي


رصــاصــي مـــــن حـــــزام الـبـنـدقـيّـه


رمـيـتـه وأصـبــح حـــزام الامـانــي !


لــو أن الـمـدح مـــن كـــل الـنـواحـي


غــمــرنــي وأحـتــويــتــه وأحــتــوانـــي


وسـط فـي مسـتـواي ولــي مقـاسـي


أقـدّمـهــا عــلــى مـــــا الله عـطــانــي


أطـــــقّ الــبـــاب وأدخــــــل مـاعـلــيّــه


لــــو أن الــبـــاب لـلـطـاقــه حــدانـــي


اشـيــل الـكـحــل لـعـيــون الـقـصـيـده


ولــي غـايــه فـــي تكـحـيـل الـغـوانـي


لــيــا كحـلّـتـهـا فـــــي ربـــــع ســاعـــه


نـتـفـت رمـوشـهـا فـاربــع ثــوانــي !


وكــم غـيــري مـــن عـقــولٍ بـصـيـره


تــــــرز أعــــــلام وتــعــمّـــر مــبــانـــي


لـقـيـت الـخـيـر فـــي كـنــز القـنـاعـه


وقـنـعــت ولا جـذبـنــي كــنــز ثــانـــي


أنــــــا ويّــــــا الــعــلاقــات الـحـمـيــمــه


فـي حـرب ٍ طاحنـه سـر وعيـانـي


أضـــــوّي لـــــي مـصـيـبــه للـحـبـيـبـه


وأقــــــــول الله بــــلاهــــا وابــتـــلانـــي


ألا يـــا روح روحـــي لـــو جــروحــي


تسولـف لــك عرفـتـي وش طـوانـي


أغـيــب ولا نــقــص قــــدر الـمـحـبّـه


ولا هـنــتــي وحـــبـــك مــــــا يــهــانــي


مـــزاجــــي وانــطــوائـــي وانــتـــهـــازي


وقـلــبــي قـــلـــب مـــغـــرور وأنـــانـــي

ة
هذا وصفي في عينك وانتـي اللـي


( خذاني الشوق لعيونك خذاني )


وطـيـفـك كـــل مــــا يــضــوي عـلـيّــه


يـجــاذب روحـــي ويـنـفـض كـيـانــي


يـســيّــر بـــــي عــلـــى وده وشـــفّـــه


تـبـعـتـه مــــن مــكــان إلــيــا مـكـانــي


فــي عيـنـي يــا بـعــد كـــل الصـبـايـا


اشـوفــك بــاشــة الـغـيــد الـحـسـانـي


لــــكـــــن الله يــحــلــلـــك ويــبــيـــحـــك


مـــــــع ودي وشـــكــــري وإمـتــنــانــي


سلمـتـي وإختـصـار آخـــر عـلـومـي


تــركــت الــحــب كــــان الله هــدانــي

[المنفرد]

هالله هالله يا معذبي في دوافير المحاني
من غلاتك وشتياقي ودي اكويك بكيه

حتى عموم الاوادم تعرف انك من ضماني
وان شوفك بالوسم قالو للمنفرد مفرديه

درهمي بي ياغناتي وسرحي في هالكياني
هاضت شجون القوافي وعتلت للجاذبيه

عنك ما يفقا فقيهن في محاسين العياني
حاضت وفاضت وراضت فالرحالي والمجيه

زانت وبانت وكانت تغضي فجوج المجاني
وشتلت ثم اعتلت ما بين حسنتها وسيه

من شماله في عروقه جباه النجم وداني
من جنوب الدار جيته علا اشداد المطيه

الزمن هذا زماني والارض فيها مكاني
علم اللي في توال الليل ياخذ شاذليه

حبه ماهو علا الهبه بحرته غبه وداني
لا يضنه في عروشه سجتن في نسيه

[المنفرد]

بسم الله الرحمن الرحيم


السلام عليكم ورحمة الله وبركاته



قصيده رائعه بكل ماتعنيه الكلمه من معنى


أحببت ان تشاركوني قرائتها



الله مـن عبـرةٍ بالصـدر حابسـهـا=ومجنـدٍ دونهـا قـفـلٍ وحـراسـي

احكمت ابو تاج ثم وصيـت حارسهـا=يكون في معاملتهـا مـرن وسياسـي

لاتفجـر الـروح وتشّلـح ملابسهـا=ويبين خافى الضميـر لكـل بلاسـي

تدري بهـا عالـمٍ تلفـت دسايسهـا=ولابـد للنـار منفـاخٍ ومحسـاسـي

اهـل الدنافيـس ماتتـرك دنافسهـا=نقالة الحكي بيـن النـاس والناسـي

رجالهـم قدمـك علومـه يملسـهـا=ولاقفيت صارت تشادي حد الامواسـي

ابعد مجالي واجنـب عـن كنايسهـا=اللي تلم الردي مـن كـل الاجناسـي

وادله الـروح بالحسنـا واسايسهـا=وابعد بها في مكـانٍ مابـه اوناسـي

ابعد بها فى الخلا من شـان اونسهـا=وانـا طبيـبٍ لهـا عـذال ومواسـي

وابذل جهودي واضاعفهـا واكرسهـا=من شان جلب السرور وطرد هوجاسي

واحاول انسى جميع اللـي يعومسهـا=لوكان غالي مابا اللي يجرح احساسي

من وقتي اللي ولى روحي وعكوسهـا=كوى الفؤاد وحناني حنـي الاقواسـي

الجاش يرعى بهـا والكبـد حامسهـا=سوات بريـةٍ فـي جـوف محماسـي

حماسهـا دالـهٍ بالضـوء لامسـهـا=ومن بعد جمر الغضى تهرس بمهراسي

في هجرةٍ ظالمـه يرعـب تضرسهـا=تضرس اللي بـذودٍ جلـه اسداسـي

اعمارنا اكلت خضرهـا ثـم يابسهـا=دنيا تلهـب لهـا نيبـان واضراسـي

ابـوك دنيـا تشالتـنـا نوامسـهـا=ذعذع لها من براد الغـرب نسناسـي

تنهش وتعلن على الطيّـب تنافسهـا=واليا قضى خلته في شعب الافلاسـي

جربتهـا واعـرف الدنيـا ودارسهـا=سمٍ ذحاحٍ وقسمـي حـروة الكاسـي

لوطاف كانونهـا ماطـاف مارسهـا=فيهـا الهوايـل بليـا عـد وقياسـي

شقرا تعّـرض وكـلٍ قـال فارسهـا=لوكان مافاد فـي ماضيـه نوماسـي

شبط بهـا لـو فعولـه ماتنومسهـا=لكن ضحك له زمانـه قـال جساسـي

يملـك عقـارات وامـوالٍ يكدسـهـا=ماهمـه الا يعبـي شهـب الاكياسـي

واليـا تربـع وعـبـاده تريسـهـا=من هيبته حل فيهـم كتـم الانفاسـي

أتقـدر النـاس تقـديـر لنفايسـهـا=تنسى الشكاله وصار المـال مقياسـي

واللي ترفـع بنفسـه عـن دنايسهـا=وحط الوفاء والظفر والجود نبراسـي

قالوا حياتـه بـلا تخطيـط متعسهـا=اطيب لـه يكـدس اموالـه تكداسـي

عبادة المال صـار المـال هاجسهـا=لاخيلـوا بارقـه وصلـوه عساسـي

احدٍ بعـد الطمـع نفسـه مغطسهـا=واحدٍ على جرتـه واحـدٍ بالارماسـي

ياعابـد المـال واربابـه مقدسـهـا=كم هو رصيدك ليـا دقـن الاجراسـي

كربتك يوم المحاسـب مـن ينفسهـا=وراك ماتنتبـه يالـدالـه النـاسـي

وش معك الا منهـا شبـت مقابسهـا=اسرع من الكهربه لاناشـت الماسـي

لو الخزايـن مـن الامـوال تارسهـا=ماتنفعك فـي نهـارٍ فيـه محتاسـي

من عقب غالي جواهرهـا وسندسهـا=تبي تضلي تطق اخمـاس بخماسـي

لاتنخدع والطمـع عينـك يطلمسهـا=دنياك قصرٍ مزخرف هيّـن الساسـي

احترت في وصفها وان جيت اقيّسهـا=لقيت فيها الذهب مغشـوش بنحاسـي

وغنيت يوم الصبـا هبـت نسانسهـا=ماهو بحب وطرب من وقتي القاسـي

اشجـع الـروح بالمعنـى واحمسهـا=واخذ بها عن مجال الهـم مرواسـي

عسـى المثايـل تنسيهـا وساوسهـا=مثايلين مثـل لـون الـدر والماسـي

وابي هل العرف لاصتكـت مجالسهـا=يقرون قولٍ كتبتـه فـوق قرطاسـي

ويدرون حال العصيمي وش محرمسها=ومنها يعرفون ليش الشيب في راسي

سبـة همـومٍ تداوسنـي واداوسهـا=في هجـرةٍ تجعـل الاريـاق يباسـي

صقورهـا عـودت صيـد لفرايسهـا=الخرب فيهـا تعشـى لـه بقرناسـي


الشاعر::ضـــاوي عايض العصيمي::