الناس ماترحم شعر سعود المحجان

[المنفرد]

الناس ماترحم

الشاعر المتميز سعود المحجان.. يغيب ثم يحضر بكل ثقة وشاعرية أكرم صفحات ملتقى الشعراء بمجموعة رائعة من نصوصه تعكس شاعريته وتجربته الحقيقية مع الشعر واليكم واحدة من هذه النصوص الرائعة.

شعر سعود المحجان

ابعد عن الشكه مع ابواب الوهم
وقرب من اللي بالقصيده ناصحك
حنا ليا منه كتبنا بالمهم
نكتب لصالحنا واكيد ال صالحك
الناس ماترحم وهذا طبعهم
واهل الحسد دايم ترى اتكافحك
بعض الكلام اللي يمرك كالسهم
اليا ضعف قلبك سهامه تذبحك
احذر تكلم واحد مايفتهم
اللي ليا منه تكلم يفضحك
وتعب على اللي لاذكر قالو شهم
اللي ليا قفيت عنه يمدحك
اكيد بالدنيا بريء ومتهم
دنيا تقلب والليالي تطرحك
ياصاحبي يوم الردي ماينزهم
اليا خطا قله تراي امسامحك
اسرارنا ما تنكشف لك ولهم
صعبه على بعض النفوس اتصارحك
ياما عرفنا بالليالي أمرهم
سود القلوب اللي تجي وتمالحك
ماهم سوى بغيابهم وحضورهم
اهل النميمه لاحضرت اتصافحك
خذني صدوق ولا علي من هرجهم
اللي ضعاف انفوسها اتشرشحك
والناس ماتعرف ترى نياتهم
والذيب لابانت نيابه ماضحك
بعض العرب ياصاحبي وشلك بهم
بسم الله الرحمن لو ايمازحك
يامكثر اللي غشهم في مزحهم
احذر تجالسهم وانا اللي منصحك
واهل الوفا ياصاحبي بفعالهم
محلا مجالسهم ودوم اتفرحك
ياصاحبي الله يطول عمرهم
اهل المروه ماتجيك وتجرحك

[علمني كيف اخليك]

يعطيك العاافية ولاهنت تسلم نااقلهاااا

[خالد بن نفل]

صح لسانك ولسان شاعرها
ولاهنت ع النقل

[المنفرد]

علمني

لاهنتي على مرورش

لا خلا ولا عدم

[المنفرد]

لاهنت يابن نفل على مرورك

[*ابوخالد*]

صح السانك والسان شاعرها

ولاهنت على النقل الرائع

[المنفرد]

بو خالد

لاهنت

[ادمنتكـ]

صح لسانگ ولسان شاعرها
ولاهنت ع النقل

[المنفرد]

لاااهنت

[الهنــــــــــوف]

المنفــــرد ..

قصيدة تخفي في طياتها حكم جميلة
كل الشكر لما سطرته لنا من روائع
تقبل مروري المتواضع