ياليت حزني مجرد دمع وابكيه

[*ابوخالد*]

{ يا ليت (حزني) مجرد دمع.. وابكيه!! ...}




الصمت يكفي ويشفي صدر راعيه
لا صار كل الحكي مالـه معانـي



والقلب ما عاد تعنيه المشاريـه
والعين ماعاد تغريهـا الامانـي





والخاطر العمس من يقدر يسليه
الناس والا الشعـر والا الاغانـي ..؟




يا كاتب الحزن في قلبي وقاريـه
في نظرتي في انفعالي في حناني





ياليت حزني مجرد دمـع وابكيـه
ماهوب عايش معي بين المحانـي




ماهوب يظهر علي واحاول اخفيه
و تصير نظرات حزني هي لساني




لو للسحايب سجن يا عبرة التيـه
والله ما احبسك بخفاقـي ثوانـي




مدري ذكرني زمان كنت ناسيـه
مدري ذكرت الزمان اللي نسانـي




كنت اكره البحر واخاف الغرق فيه
و اليوم احبه واخاف من المواني




كنت اعشق الجاي باحلامه وامانيه
يا ما بنيت بخيالـي لـه مبانـي




ياما رجيت العطا من مـدة يديـه
حتى خذا كل شي ومـا عطانـي

[المنفرد]

صح الله لسانك

ولاهنت على هذا الطرررح

[خالد بن نفل]

صح لسانگ ولسان شاعرها
ولاهنت ع الطرح الرائع
وتقبل مروري

[العــــديم]

والقلب ما عاد تعنيه المشاريـه
والعين ماعاد تغريهـا الامانـي


صح لسان قايلها
ولاهنت ع النقل

[عـزوز]

صح لسآن شآعرهآ



ولاهنت


,

[*ابوخالد*]

المشاركة الأصلية كتبت بواسطة المنفرد

صح الله لسانك

ولاهنت على هذا الطرررح

كل الشكر المنفرد على المرور

[*ابوخالد*]

المشاركة الأصلية كتبت بواسطة خالد بن نفل

صح لسانگ ولسان شاعرها
ولاهنت ع الطرح الرائع
وتقبل مروري

كل الشكر خالد على المرور

[*ابوخالد*]

المشاركة الأصلية كتبت بواسطة العــــديم

والقلب ما عاد تعنيه المشاريـه
والعين ماعاد تغريهـا الامانـي


صح لسان قايلها
ولاهنت ع النقل

كل الشكر العديم على المرور

[*ابوخالد*]

المشاركة الأصلية كتبت بواسطة عبدالعزيز بن سعود

صح لسآن شآعرهآ



ولاهنت


,

كل لشكر عبد العزيز ع المرور