( محاورة العيد !! بين عبدالله بن منصّر وبدر الجذع العتيبي )

[عبدالله بن منصّر]

( ردية جميلة وأخوية )

بدر الجذع العتيبي
يابو منصّر وش علام الليالي ،،
تغيرت والوقت مافيه نفعه ،،
نحدو بحدو اجدودنا للمعالي ،،
مير الزمن يبخل علينا بطبعه ،،
عبدالله المنصّر
الوقت مثل الوقت اول وتالي ،،
الخلق هو اللي تغير بطلعه ،،
في طاعة الله يا بدر والعدالي،،
لا ترتجي من ليلة الوقت شمعه،،
بدر الجذع العتيبي
يا بو منصر مايفيد الجدالي
طبع الخوي وافي ولا خان ربعه
في طاعة الله كلبونا رجالي
ولا فاد فـ الصناع تغيير صنعه
عبدالله المنصّر
الحمدلله ماقطعت الحبالي
ارخي واشد الحبل من دون قطعه
طبع المنصّر مامشا فـ الخمالي
ولاغيرت سود المقادير وضعه
بدر الجذع العتيبي
لك خمسة ايام ً تشد الرحالي
مدري عن النيه عسا فيه رجعه
والنعم فيكم وافيين الخصالي
وافعالكم تعطي هل الطيب دفعه
عبدالله المنصّر
بالعيد يطمع كل طيب بغالي
طمع اللقا يوم اللقا فيه طمعه
سلم الاخوه بالوفا والوصالي
شفته على ثوبك مثل خيط رقعه
بدر الجذع العتيبي
بالعيد عند البيت مريت سالي
قلت اتصل ماودي ازعاج ورعه
قصدي اعايد دون رد السؤالي
سلم ً لنا فالطيب ماهوب لمعه
عبدالله المنصّر
بالله لاتشغل مع الهرج بالي
لغزك ترى ماله من الحق رمعه
ثاني نهار العيد قبل الزوالي
قمت اتصل بك دون فاسد وضفعه
بدر الجذع العتيبي
مافيه عيد ً دون شوف الهلالي
ولا فيه نارً تصطلي دون ولعه
ماقصدي الثاني عسا الخير فالي
اول نهار العيد في يوم جمعه
عبدالله المنصّر
اول نهار العيد جاك اتصالي
قلت السلام وجاني الرد سرعه
وثاني نهار العيد يا هملالي
راح اتصالي مالقا منك شفعه
تمت

[العــــديم]

ياسلاااام

صح لسان بدر العتيبي
وصح لسانك ياشاعرنا

أبدعتوا



لاهنت

[المنفرد]

يا سلام سلم
صح ألسنتكم

واافين