انفض غبار الجروح وجّدد احزاني ..
واترك عيوني تسولف لك عن غيابك
مابين نزف الشعور وبين حرماني ..
ابسئلك قول وش هي : شرهة عتابك ؟
اخاف من شرهة لساني على لساني ..
لاقال بعد الغياب المر , وش جابك ؟
يموت ذنبك .. على لسانك / وغفراني ..
يشفع لك ان شاف دمعك يغرق اهدابك
العذر ذنبك بعد .. ماجيتني .. عاني ..
( والحب غلطة ) عمر .. لابد تنتابك !
اضحك مع الناس لكن شفني اعاني ..
اقرا عيوني , .. كتاب الحزن وكتابك
مليت حزني وصمتي.. مل كتماني ..
مليت اداري غيابك , والعن اسبابك ..
مليت , يكفيني اللي شفته وجاني ..
مليت ريح القصيد ان عانق اطيابك .. !
بعيش وحداني وبموت وحداني ..
الله يستر عليك ويجبر مصابك ..
لكن دقيقه , تعال وجاوب لساني ..
لاقال .. بعد الغياب المر وش جابك ؟
فديتكم
انشالله انهاااا تنال على اعجابكم
17-05-2011, 01:48 AM
( وش جابك ) !
العرض العادي
