. . . { آنـــآ مــآزلتْ آشــوفــَه ريفْ قـلـبــيْ وَ مـربــآعــه } !!

[سـحـآيب]

/






ماكان حبـك غيـر بـس طعنتـك غيـر
علمـتـنـي مـعـنـى الـنــدم والـنـدامـه
مـاجـاك مـنـي اي زلــه او تقصـيـر
كــل ماخطـيـت أعـاتـبـك بابتـسـامـه
حسبي على الذكرى اذا هبت عصير
مـاعـاد تـنـفـع شـرهـتـي والـمـلامـه
[ مافـيـه داعــي للعـتـب والمعـاذيـر
الغدر خال الجرح وأطيـب عمامـه ]





/

[سـحـآيب]

/








لا تحسب اني وان تغاضيت ماشوف
مــاودّي افـتـح بـــاب مـنــه انتهـيـنـا
يكفـي عـذاب وعيشـةٍ كلـهـا خــوف
وش عـاد فـي صبـري عليـكـم لقيـنـا
[ ليتك صدقت بقولتك عندي ظروف
لابقـى علـى رجـواك مهمـا حييـنـا ]






/

[سـحـآيب]

/



‎​



الضِيقه اللـي تنتعـش تالـي الليـل
طعَنتهـا بالصـبـر حـتـى تــداوت
للحزن في صدري حياه ومداهيل
وذياب يآسي في حشايـه تعـاوت





/

[سـحـآيب]

/






أنا اللي المفروض أعتب وأدينك
وأشرّبـك حلـو التجـافـي ومُــرّه
إي والله إني .. عفت مدّة يمينـك
عافك خفوقٍ كنت ب أعلى مقرّه





/

[سـحـآيب]

/







القـراح اللـي حسبـت انــه يكـفـي
شحّـت أيـديـنٍ تجيـبـه مــن قليـبـه
يبسـت شفاهـي وحـظّـي مايـوفّـي
والغدير ان ما سقاني ويش أبي به
ليـلـةٍ كــان اللـقـا مـاهــو بـشـفـي
جــا يعاتبـنـي عـلـى قـلـة نصيـبـه
كــل ماونّـيـت مـنّــه قـــال قـفّــي
ويـن اقفـي بـس ياكـبـر المصيـبـه
الـبــلا مـاكــل مـوجــوع يـخـفـي
خص لاجت جروحـه مـن حبيبـه





/

[سـحـآيب]

/






أنت آلغروب وحروتي يمّت الشرق
وآنـآ الشمـال وطبـع خلـي جنـوبـي
ان قلت هاودني حرق خافقي حرق
وأن قلت تمت صارت أكبر ذنوبـي
ان شفت نجمٍ بالسماء واعتلآ البـرق
هذيـك انــا وهــذي معـالـم دروبــي
أنـــا بـيـنـي وبـيــن الـنـسـاء فـــرق
اشـيـل حمـلـك لا ثـقـل يامحـبـوبـي
في غيبتك يسهر معـي نايـح الـورق
وافرح بشوفك فرحتـي ب الهبوبـي





/

[سـحـآيب]

/







لا تشككـنـي بنفـسـي وانــت تــدري
يـا نظـر عيـنـي ومحجـرهـا ومـاهـا
عقب ماشيّـدت بيتـك وسـط صـدري
جيـت تحـرق نفسـي وتبحـث خفاهـا
كنـت اناظـر فيـك قبـل يطيـح قـدري
واعتبـرْك الحـاجـه الـلـي مـاوراهـا
ايـه ابنسـى السالفـه واقــول مــدري
والا انا اعرف وجهها واعرف قفاها





/

[سـحـآيب]

/







افرح الى ضاقت بي الدنيا واقـول
اكيـد عقـب الضيـق ياتيـنـي سـعـه
[ رغباتنا عاداتها صعبة حصول ]
وياليت في بعـض الامانـي منفعـه
يـامـا تخيـلـت وتمنـيـت الـوصـول
لاكنـهـا بـيــن الـكـفـوف مقـطّـعـه
كثـر المشاكـل بـس ياقـل الحـلـول
حتى الحلول ان جات ماهي مُقنعه
نفسـي لهـا عاميـن ماتقـدر تـطـول
حـلـمٍ يـراودهــا وعـيّــت تقـطـعـه
الوقت عاسفها مثل عسـف الذلـول
ومنين ماراح الزمـن راحـت معـه
ولا ذبحهـا كـون ذاك اللـي يـقـول
ان طاعك الوقت الشقي والا طعه






/

[سـحـآيب]

/






ياصدري ان شفت الغلا ماله اسبـاب
اللـي بقـى غيـبـه لـيـا ضـقـت غبـهـا
[ ما عاد في هذا الزمن حب واحباب
من حبّك لحاجـه .. كرهـك بسببهـا ]





/

[سـحـآيب]

عسى اللـي بـلا مغليـك يبـلاك فـي غاليـك
علـى شـان تـدري بــأن فـرقـاك موجعـتـه
انـا والله انـي لـو بغيـت آصـلـك لا آجـيـك
ولـكـن حمـاسـي عــزة الـنـفـس رادعـتــه
عسى اللي حداني عن مواصيلـك وحاديـك
خطايـاه عـن حــوض المسلمـيـن قارعـتـه
اذا طــول غيـابـك حـشـى مـانـي بناسـيـك
الـيــن ان عـقـلـي مـنــك تـخـتـل رابـعـتـه
لـــي الله لا قـفـيـت وان جيـتـنـي بـعـفـيـك
وبـاب العفـو لـك بيـن الاضــلاع شرّعـتـه





/