لابتي ياميه للشيخ مشعل ال ثاني

yahya · #1 30-05-2005, 05:47 AM

قصيدة الشيخ مشعل بن ثاني في قبائل يام

قـال الـذي فـي مـحفل العيد غنا=فـي كـلـمة يطرب لها كل قصيد
والـحـمـد لـلـي عزنا في وطنا=فـي الـعـام عيدين وذا ثالث العيد
فـي ظـل قـايـدنـا زبون المجنا=الـنـادر الـلي في المهمات صنديد
شـيـخ الـشـيوخ اللي بامانة ومنا=خـلـيـفة المنصور واخوانه العيد
هـو درعـنـا كـان الـليالي رمنا=الـلـي فـرد بالطيب والمجد تفريد
مـفـراص مـاص ماضى مستسنا=الـيـن من الماهود وأقسى من الحيد
ويـعـيـش شـيخ هو ذرانا واملنا=سـبـع الـسباع وكيد من ينقل الكيد
حـمـد حـمـيـد الراي في كل فنا=ولـي عـهـد الدار سعد المضاهيد
قـايـد جـمـوع فـي الـلقا ماتونا=خـذ من كرم حاتم وسطوات ابو زيد
يـعـيـش شـيـخ نزح الغدر عنا=وجيش على آمره يخضع السيد والبيد
والـيـوم جـازتـلـي على ما تمنا=والـشـعر جاله في ضميري مواريد
مـع لابـةٍ فـي الـعـز منا وعنا=مـريـةٍ تـسـتـاهل المدح وتزيد
يـشـهـد لـها التاريخ وانس وجنا=لـطـامـة الـعـايل بكثح البواريد
ظـفـران يـوم الـشـر مـنا ومنا=أهـل الـمـنـاسف والدلال البغاديد
عـدوهـم لازارهـم مـا تـهـنـا=وصـديـقـهـم له في الثريا مقاعيد
حـنـا وهـم مـن يـوم عشنا وكنا=سـيـف لـنا نلطم به الخصم ويبيد
يـا مـيـة يـوم الـسـوابق تعنا=فـازوا عـلـى العالم بكثر التحاميد
واخـلاصـهـم مـا فيه شك وظنا=لا دور الـزلـة كـثـيـر المناقيد
يـفـداهـم الـلـي بـالمواجب قنا=أهـل الـوفى والجود والجد والجيد
ويـام سـواة طـويـق ظـلٍ وكنا=خـضّـاعـة لروس الطغاة النماريد
أهـل بـيـوت فـي الحرايب تبنا=ريـف على الصاحب وللخصم تنكيد
والـيـوم حـنـا فـي فرحكم حفلنا=يـا من بكم نفخر على الخصم ونسيد
تـمـت بـذكـر اللي بعطفه شملنا=والـعـفـو لاقصر كلامي عن الميد
وصـلـوا عـدد مزن رعوده تحنا=عـلـى رسـول حـدد الحق تحديد

هذه قصيدة قالها الشاعر الشيخ مشعل بن قاسم ال ثاني في حفل آل مرة ويام مشاركة منه في فرحتهم . بعد عودة القوات القطريه بعد تحرير دولة الكويت .

مـحمـد · #2 30-05-2005, 09:09 AM

الله يعطيك العافيه ولاهنت على هذا النقل الممتاز
يستاهلون يام ماقيل فيهم واكثر
صح لسانك ولسان الشيخ مشعل ال ثاني

اعذرنى على تنسيق القصيده

موضوع يستحق التثبيت.

yahya · #3 30-05-2005, 07:57 PM

السلام عليكم ورحمة الله وبركاته
شكراً لك اخي العجمي على تنسيق المضوع

وترقب كل جديد اخوك ضنا يام

سند · #4 30-05-2005, 08:03 PM

صح الله ألسانــك

يعطيك العافيه على النقل ياطيب

وماقصرت ياغالي

تحياتي,,,,

yahya · #5 30-05-2005, 11:22 PM

السلام عليكم ورحمة الله وبركاته
صح بدنك اخوي الهاوي
وشكرك على المرور
اخوك يحيى اليامي

فيصل بن حجرف · #6 31-05-2005, 03:06 PM

صح لسانك ولسان الشيخ مشعل
والله لايهينك ولا يهينه على القصيده الرائعه والجميله

عـزام · #7 31-05-2005, 08:36 PM

يحيى اليامى

اختيار موفق

صح الله لسان الشيخ مشعل ال ثانى

وتسلم يمناك لا عدمناك

yahya · #8 06-06-2005, 12:38 AM

السلام عليكم ورحمة الله وبركاته
صح بدنك اخوي عزام
وابشر بالجديد
اخوك يحيى اليامي