ماعلى لوعات الايام شرهات وعتاب= بس مالي غير صبري ابصبر واحتسب
الزمان اللي يقالبني على ضرسٍ وناب=والهموم اللي تقادح وسط قلبي لهب
والله اني يازماني ماهاب اللي يهاب=وماحسبة حساب ل الدنيا ولا ل اطلق شنب
شاعرٍ خابر صواديف الدهر والانقلاب= وان ربك يمهل ولا يهمل بفرح وكرب
صابر في صكات بقعاء وفكاك النشاب=والله اني ماتغير لو تغير ذا العرب
لا تعنا ياخفوقي وآخر المرء التراب=كل ذا الدنيا متاع وكل موتٍ له سبب
العلوم الطيبه تكتب على احسن كتاب=تنتشر عقبٍ تسطر بأحرف من ذهب
ول يامن راح عمره وهو يطرد سراب=لا لقا غاية مراده ومات وما شرب
راح عمره من عذاب في عذاب في عذاب=والزمن يمضي والى منه مضى سيفٍ حدب
قافلتنا في مسير ونوحي لنبح الكلاب= ماعلى العقبان من دبي الجراد انكان دب
ويالله انك تغفر ذنوبي وتجزيني ثواب=وتهديني ل الصلاح انك تهدي من تحب
ويالله اني طالبك في الاخره حسن المآب= في جنان الخلد يالله لاتخليني حطب
وسلامتكم واتمنى ان اكون وفقت في الاختيار........
04-05-2005, 12:22 AM
العرض العادي
