ياعزتي لتس ياليدي

[بنت الزعبي ..]

السلام عليكم ورحمة الله وبركاته

لـيـدي مـا أروعـهـا ليـدي ليــدي هـيـا مـعهـا
لـيـدي لـيـدي مـا أروعـهـا ليـدي ليــدي هـيـا مـعهـا

لـيدي من حسن و جمال تسموا نحو الافق الـرائـــع
رحـلتهـا سحـر و خــيـال فـي أرجـاء الـكون الـواســع

فـوق جـواد الـحـلـم الأبيض تـرحل معنا ليل نهـــــار
بـيـن قـصـور الـدنـيـا ترقص وتـغـرد مـثـل الأطـيــــار

هـيــــا نـصـغـي لــحـكــــايـتـهــــا نـبــدء مــعـهـــــا
ونـتـابـعـهـا لـنـهـايـتـهـا لـنـهـايـتــــها لـنـهـايـتـهـــــا


fv5


ليدي الفتاه الطخمه .. الاميره الشقراء .. التي طالما جعلتنا نتبطح امام التلفاز ..
لنراها ونرا مغامراتها اللطيفه .. والتي كان عشقها الاول والاخير ..
" ادورد " دعونا نتحدث عن جزء من مغمرتها مع حبيبها .. ولاتهون اخيتهم سويّر ..
.... يالله سرينا... نشوف وش عند المماليح /
كانوا الابطال .. امام الحديقه هم واحصنتهم .. فإذا ب " ارثر" يقول ::
ارثر : ليدي ياختي تعالي اركبتس الحصان ..
ليدي : هاااو لحالنا ؟؟ ياخزيااه .. ياكبرها عند ربي .. وش تبي تقول لي ساره ؟؟ اني اخونها ولا اخونها .. ايه دااا !!
* جت ساره وهي تسمع الحتسي وتركض لأختها وتحضنها وتقول لها مقديه " متطوره سوير ماعليها " فيه وانا اختس .. عييل هالزمن مالهم امان *
ارثر : والله منيب اقصد شيء .. كنت بوسع صدرها بس الشرهه موب عليكم الشرهه على اللي يعطك وجه انتي واختس !!
ساره : هه تكفى خذها وركبها .. الله واكبر عاد كنها تبي تعطيك وجه ..
* اخذها ارثر وركبها معاه الحصان وجاء ادورد * <-- هذا وهي ميب معطيته fv5
ادورد : افااااا هذي اخرتها ومع مين يابنت رسل مع اخيي ؟؟
ليدي : لأه ياادورد ماتشكش بياا اصل دي ساره قالت اركبي معه .. وانا تعرف منيب راده اخيتي ..! " وذا الليدي ساعتن شقراويه وساعتن صعيديه "
ادورد : اقول بس انزلي احسن لتس لا يجيتس كف على خشتس بعدها تعرفين تردين اختس ولا لا !!
ارثر : حسناً ياليدي انزلي سأذهب مع حبيبة قلبي سوير
*نزلت ليدي من الحصان وهي منقهره من ابو شوشه ادورد لانه غصبها تنزل وطيح وجهها عند حبيب اختها (الأطخم ) *
ليدي : اقول وراك معصب علي ؟؟
ادورد : اها بس وترادين انتي وشوشتس طططططططخ " عطاها كفن محترم "
ليدي : اهئ اهئ واللهي حئول لماما عن اللي انتا بتعملوه حطلب الطلاق اصلاً مش حتقوزك ياابو شوشه ياماصل
ادورد : اقول عاد انا اللي ميت عليك انقلعي هناك بس وانقلعي لأمتس تراها في القبر الله يرحمها برحمته !! ..
وخلي شوشتي في حالها اللي يسمعك يقول اكيد شعرها حرير من النعومه الله واكبر تره فلافل القرموشي
ليدي : رح فيذاك بس شف ملابسك يالقروي ..
وئووم ئئوف وانتا بتكلمني ائئوم ئئف بص لي وفهمني ليه تسطرني لا العن وجهك ؟؟as057
في هذا اللحظات ليدي توها تفطن ان حبيبها ادورد صقعها .. وتريد ان ترد له ماقام بفعله ..
فذهبت بعجله الى غريفتها .. وهي تبتسي من حرّ ماعمله بها حبيبها ..
ادورد مشى وكانه ماهمه .. يعنني عندي كرامه .. جلسوا اربع اسابيع ولا احد تنازل يكلم الثاني ..
وفي صباح يوم الاثنين القادم .. نزلت ليدي الى اهلها لكي تتناول الفول المدمس و الحليب بالشاهي ..
فطورهم المُفضل .. والد ليدي يتحدث اليها .. مابتس يابنتي ؟ ولماذا شايلتن الدنيا فوق راستس ؟
هل حبيبتس زعلتس " ياحليله ابوهم فررري وااااو .. قصدي موب قصّي "
علميني بس عشان اوريتس فيه ؟ ليدي بكل برائه .. لا لا ياأبي لم يفعل ادورد شيئاً ..
فهو رقيق ومؤدب .. صحيح انه يغار احياناًَ وغيرته تسبب لنا مشاكلن واجد ..
الابو >> نعم نعم صدقتي يابنتي .. صدز عرفتي تختارين فريندتس ..
المهم يابنتي ليس هذا موضوعنا .. بس انا ندهت عليك لاخبرك بمفاجئه ..
ليدي >> طايره عييناتها as074 وشيء يبه وشيء بالله .. امانه عاد وشيء ؟
الابو >> غمضي عيونتس يا ابنتي ..
ليدي >> صدز انك رايق .. بتعلمني وشيء ولا اروح مع قطيوتي نسرح ونمرح بالحديقه ؟
الابو >> لا لا جد غمضيها .. <-- يابرده ماشاء الله .
ليدي >> هه غمضتا وش عندك ؟
الابو>>> طيب ناااااااااااااااااه " ويطلع لها جوال ابو كمرتيين ."
ليدي >> يبببببببببببببببباه ياحبي لك .. امطخخخخ على رويسك .. قسمن انك رهيب ..
الابو >> ايه بس اسمعي .. ترا حاطن لتس حد ائتماني .. ان قضى قبل تجيني الفاتوره باسحب منتس الجوال ..!
ليدي >> ماغير تدق على خوياتها بازتن بذا الجوال .. حتى اذا بغت تطلب من كنتاكي ولا ليتل سيزر
طلبت منه . لان تليفون بيتهم قبل ساره مشغلته مع ارثر ..
وفيه هذه الاثناء طلعت ليدي تتمشي في الحديقه في ذا الصريم .. اللي يذبح ومتدفيه ماهنا شين مالبسته ..
لامن فنايل هاي نك ولا شراب ولا ام حديجان .. كلش ياحياتي لابسته ..
خرجت وهي ماسكتن جوالها .. وفرحتن فيه كلما رائت شيء قامت بتصويره .. جلست على الكرسي الموجود بالحديقه
واعادت ذكرياتها .. وتذكرت طالما كان يشيلها ادورود " زليل الادب " ويتميلح معها ..
جلست تخاطب نفسها .. هل معقول انسى حبنا بالسهوله دي ؟ انا غبيه انا غبيه ..
لازم اروح اراضيه لاني طولت لساني عليه ... مسكت جوالها واردت ان تزهم عليه .. ففطنت ان جوالها استقبال .!
قالت يالهي ماذا افعل ؟ وكيف احدثه وانا لي الرغبه في تكليمه اليوم .. لا خبره بأنني بريئه .. لم افعل ماكان في باله مع ارثر !!
في هذه الليله .. قالت ليدي .. تسني ذاك اليوم سمعت ساره تكلمني عن الخدمه اللي اقدر ارسله فيها ويدق علي حتى لو جوال استقبال
ذهبت تركض ليدي الى اختها وتنشدها .. فاجابت ساره نعم نعم انها خدمه الكول مي ..
اخذت ليدي جويويلها وارسلت لادورد call me .. مامداها ترسل الا وهو داق !
وتفاهموا مع بعض .. والحمدلله تصالحوا .. مع انها تقهر لو اني منها سفهته <-- ياشديده خخخخ ..
وقاموا يكركرون مع بعض ويتذكرون طفولتهم اللي اطفل من كذا " يلعن ام التعبير ياشيخه ! "
طبعاً اخيتها سوير نايمه في العسل .. ميب لمها .. لاهيه تكلم رجلها "ارثر " ويخططون للعرس . ووين بيعرسون فيه ..؟
والحمدلله صملوا على ان يضعوه في "الفور سيزن " لأن جهير بنت خالة ساره كانت فيه وكان جايزن لهم حينها ..
وكانت تكاليف العرس على خاله ساره .. بزعمهم حفاله خخخخخخخخخخخخخ ..
اما البطاقات على بنت الجيران .. " الله لا يحوجنا لاحد بس "
ارسلوا البطاقات للمعزومين ..




عدد الحاضرين كان كثير جداً .. يتخلله المغاتير .. وجوالات الكميره ..اللتي قامت بتصوير سمجه جهير المذكوره اعلاها .
وكانوا قد جابوا المطربه المتألقه " عتاب " .. وغنت لهم "حمامن جانا مسير .. ولا سلم عليا .. يذكر كل ولهان على فرقا خوياه "
في هذه الاثناء ليدي كانت تردح من الحماس نطت على الكوشه بس خلوا عنكم عليها رقص بنت تسلب ..<-- باين ان توها حاظره زواج خخخخخ
واستمتعوا بزواج اختها .. وبعدها اعلنت عتاب قائله " تفضلوا على العشاء حياكم الله "
ذهبوا وتعشوا وشبعوا الحمدلله .. واكلوا من هالصعارير والبولو الين قالوا بس
هكذا انتهت قصه ليدي الحنونه واختها سوير .. وبعد ذلك اعرست ليدي بعد زواج اختها بـ 12 شهر <-- ماعاقت .!
لايسعني الا ان ادعوا لهم بالتوفيق .. والذريه الصالحه .،.


الفائدات ::
1- المفروض ادورد مايتنعفق .. ويصالح ليدي .. بس البنت بطبيبعتها رقيقه المشاعر ..!!
2- ساره ورجلها سافروا لماليزيا لقضاء شهر العسل .. لانهم يسمعون ان كل المعاريس لازم يروحون لماليزيا
3-سوير بعد زواجها بشهرين.. جابوا ولد سموه راسل <-- محافظين على مبادئنا .. يسموون على الابي <-- تصغير الابو خخخخ ..
4- قطوه ليدي كبرت وصارت تسلب خخخخخخ ..
5- ابو ليدي صار يعرف يلعب بلوت ويجيب البصره ..
6- رممو بيتهم ههههههههههههههه .. fv5

[عمر بن فراس]

السلام عليكم ورحمة الله وبركاته

صباح الخير ..

لاهنتي عالقصه والنقل
والقصه جميييله

[مادموزيل دندش]

ّّّّ بـنـت الـزعــبـي ّّّّّ


أضحك الله سنك وأسعد حـياتــس

علي هالقصةالروعة

سـؤال ثقافي من فضلش شنوصعارير؟؟؟؟؟؟

ّّّّّوتـسـلـم إيـديـنـاتـشّّّّّّ