طلب قصيدة راكان وأبن هادي

[اليامــــي]

مساء الخير للجميع
عندي طلب صغير عن قصيدة راكان بن حثلين وأبن هادي
أذا كان أحد يعرفها فاأرجو أرسالها
<تكفووووووون> أفزعولي

[مـحمـد]

حياك الله الاخ اليامي وابشر
احدى اروع قصيدة الأمير الراحل راكان بن حثلين ردا على
امير قبيلة قحطان أبن قرمله وهي من اروع قصائده رحمة الله عليه

ياراكـب حـر تـذرب سنـامـه=عليـه نـي راكـب نيـه العـام

ماصك لحيه فـي ليالـي فطامـه=وعظمه قوي من لبن كل مـرزام

الـى ورد عـد يطيـر حمـامـه=جا للصريمـه مـن لحيـه تقصـام

تلفي لابن هادي كبيـر العمامـه=شيخ ورمحه مع هل الخيل مرسـام

مـر يواعدنـا بحـرب وقـوامـه=ومـر يجينـا منـه هـرج وتسـلام

حي ذا الكلام ومـن هـو كلامـه=اللي لفانـا منـه هـرج التوهـام

وش الجزا ياشوق زاهي الوشامـه=بالسابق اللي ماعرفنا لـه اوقـام

كزيت لك نور السلف والجهامـه=باغيه ذخر فـي مقابيـل الايـام

وغديت انا وياك مثـل النعامـه=جاها بلاها مـن ثقيـلات الاقـدام

ان كان تبغي سابقـك والسلامـه=فلا تحـول بالجحـادر علـى يـام

حرم عليكم النـوط تطلـق بلامـه=مادام عنده واحد من ضنى يـام

معنا الطويل اللي تجيكـم علامـه=مثل العديم اللي على الجول صرام

الترك قبلك زارنـا بـه زعامـه=وقد عافنا واختار عنا هل الشـام

ان كات تطري حدرتك بالجهامه=لما توصل بـك لهذيـك الارجـام

ذي ديرة الحاكم كبير العمامـه=اللي نحى عنهـا طوابيـر الاورام

قدامكـم شيـخ رفيـع مقـامـه=الخيل قرح وابيـض الخـد قـدام

وان رادها غيره ضربنـا رثامـه=عـود يبـدل هفوتـه بالتنـدام

يالله عسى الفردوس ملقى عظامـه=اللي بعث دين النبي دين الاسلام

مثل الدويش اللي يقدي الجهامه=عرقت جواده فوق رجله والاقدام

وان كان حدر لابته مـن تهامـه=حنا لهم في مقطع الصلـب قـدام

اقبل وحنا لـك نسـوي كرامـه=شلف على شهب سريعـات الاولام

تسعين رمح كسرن فـي عدامـه=عشلاين منهن بين راكان وحزام

كم ثار عند ركابنا مـن كتامـه=ياما هلك من ضدنا من سبب يام

كم من حريب دارج الدم دامـه=يشبع بها السرحان والطير لا حـام

حنا كمنـا سيـل تنحـى غمامـه=هامل بردها بالفرنجـي والاورام

سيله يقزي مانحـا مـن عدامـه=ورعودها منها المدن له تقصـام

كم سيف هنـدي فضخنـا لجامـه=بايماننا كنـه مقابيـس الاظـلام

نروي من ارقاب السكاري جيامه=في هية يشبـع بهـا كـل حـوام

ونطعـن لعيـن عريـض سنامـه=شقح مفاليهـا مباكيـر الاوسـام

ان كان ودك عندنا لك كلاامـه=وتدري بضيفتنا لك الشرق والشام

اقبل علينا حـي سـوق المسامـه=وعاداتنا نغلي جلب كـل سـوام

حريبنـا تصبـح بكبـده ندامـه=وبرايـة الله والقـدم ناحـر يـام

وصلاة ربي عد ما انشـي غمامـه=على النبـي خصـة الله بالاكـرام