قصيدة الجن للمبدع الكبير الشاعر الذي انطلق من نجران واطلق قلمه فابدع بالكتابه وظلت قصائده تترادد بين محبين الشعر
الشاعر فهد مصلوم
لقد اخترت لكم قصيده الجن لهذا الشاعر الذي اخذني معه في قصيدته وما زلت ارددها وساظل ارددها اين ما كنت واتمنى انها تنال استحسانكم ورضاكم واتركم مع الشاعر فهد مصلوم وهو يتحدث عن زيارته للجن
انا عمدت اربع بحور طوال سودا في عدن
=تسبح بها القمره ويحرق موجها شاطي العنان
فيها الشفق ضحكة طفل مجنون يضحك من غبن
وامه صحاري موحشه تنسج شعرها في عمان
=شربت صافي كاسهم خمره وباخرها قطن
يجمع بقايا كاسهم عيدان قرف وبهبهان
=يسنون قبل اجمالهم واعيالهم يجنون بن
وبيوتهم غربان عميا والمقابر سنديان
=سالتهم عن وضعنا قالوا سرى الساري وجن
قلت اسمعوا والانس قالوا عالمك ماضي وكان
=سريت للي همها امري ينادوها سجن
اجمل عباد الله سمره ناعسه والصدر بان
=سالتها عن وضعنا قالت قبل تسال تحن
قلت اعذريني اجهلك قالت مسامح يا فلان
=سالتها وش مقصدك فيني وقالت بس غن
نفسي اسلي خاطري بالصوت والحانك امان
=قلت اسمعي البارحه ذا دان لا دانه لدن
يا ليل لدانه دان يا دانه على ذا الليل دان
=البارحه يا قلة الصحبه ويا كثر المواجع والشجن
والعين عيّت ما غفت والفجر عيّا لا يبان
=يقول اخو حيدر بدعت القاف وفراشي كفن
كنها المحارم وسطها ملفوف ولحافي دمان
=عديت فوق ميّة الف هليت عبراتي وحن
لجْلي حمام وغردت في خاطري حنّة كمان
=في ديرة الغربه بكت ليلى وجاوبها حسن
وانا مثل باقي ردايم بيت بيبانه متان
=يا جاهل الغربه ترى دنياك بين اهلك امن
اسال غريب(ن) لاعته دنياه ما حصل مكان
=انا بكيت ودمعتي جمره على حد الجفن
مجنون صدقت الكلام الناعم الحلو الجنان
=يا فاطمه قد لي سنه واكثر ووضعي ما استكن
مثل الغرير الغر خايف من صواديف الزمان
=حسبي على حظ(ن) ردي بعدك عني من زمن
حسبي على نفسي ونفسي حسبها يا مستعان
=لولا المواجع ما شكى جرحي عذابي وانت من
يحلى بنات الجن يا أحلى من جنان احلى جنان
=إنتي هواي ولهفتي يا حلوتي واجمل وطن
وانا عليك انوح نوح الورق واطرافي حنان
=يا اهل البيوت المطرفه ما مركم واحد وجن
كنها البرد ف الليل والقمره سناها في وجان
=يا راعي المهر العسيف المهر منهو له لمن
فتنه خلقها الله لنا ولا عذاب وامتحان
=انا هويت اجمل بشر شقرا وفي يدي رسن
هويتها يا بو حمد وانا بشر والزين جان
18-02-2005, 03:04 PM
العرض العادي
