الهنوف اللي هما هتانها بقياض روحي

[صديع العجمان]

اسلام عليكم




الهنوف اللي همـا هتّانهـا بفيـاض روحـي
انتشى فيها نفلهـا والثـرى والريـح طرْبـه
والغصون اللي ورقها قبلها ماكـان يوحـي
شوف حاله من بَعَدها كل عرقٍ فيـه شرْبـه
يابعد حي القصايد والعنا وانسـام صوحـي
لك تعاوت كل نبضه بين شرق وبيـن غرْبـه
لو تهاوى سد مأرب وانهدم عالـي صروحـي
مابلاي إلا رمـوشٍ اعلنـت بالـود حرْبـه
عندليـه كايزتنـي بالتغلـي والجمـوحـي
كل ماقْرُب من ضفافه طيّر من الجال سرْبـه
سولعيه نقّضت بي ماندمل واحْيَت جروحـي
من بَعَدها والمحانـي خاويـه والـدار خرْبـه
ياسقى الله وين راحت ضحكت السن المزوحي
والليالي منهو اللـي غَافَـل هِـداه وغدرْبـه
ياهنوفٍ لو اقايس بالغلا وش عـاد روحـي
مايبـل ارماقـي إلا دون خلـق الله قرْبـه
اشهد انّه مستكنّه بالحشى واريـاف دوحـي
واشهد اني في غيابه موحشٍ ضلمـاي غرْبـه
هاك جوفي وش تشوف إلا هجير وزود فوحي
وهاك قلبي كيف بعدك تايهٍ واغـداه درْبـه
هيه وانته من ملكني لاستباح المـوق نوحـي
لاتطوّل في غيابـك والعليـل يزيـد كَرْبـه
بكرةٍ صفرا وولّت ياعسـى دربـه سموحـي
لاتمرّحّهـا هنيّـا بيننـا والنـوق جَـرْبـه

[الندآوي]

لاهنت

واعتبرها افضل قصائد بمواضيعك

[صديع العجمان]

لاهنت على ارد يا نداوي

[تركي الميموني]

صح لسان شاعرها

ابدعت وبانتظار الجديد

تقبل مروري

[غيوووووض]

لاهنت يا خوي عالطرح الجميــــــل

تقبل مروري

[شيخة الطبع الخجول]

ياهنوفٍ لو اقايس بالغلا وش عـاد روحـي
.................... مايبـل ارماقـي إلا دون خلـق الله قرْبـه
اشهد انّه مستكنّه بالحشى واريـاف دوحـي
............. واشهد اني في غيابه موحشٍ ضلمـاي غرْبـه
8
8
تسلم الاياادي ع القصيده الجزله
لاهنت ع الطرح الرااقي ..


<< بــأنتظاار جدييييييييدكـ القاادم

**ودي يسبق ردي **

[صديع العجمان]

لاهنتو على المرور والردوود الاكثر من رائعه

[بنت الزعبي ..]

السلام عليكم ورحمة الله وبركاته

اشهد انّه مستكنّه بالحشى واريـاف دوحـي
واشهد اني في غيابه موحشٍ ضلمـاي غرْبـه
هاك جوفي وش تشوف إلا هجير وزود فوحي
وهاك قلبي كيف بعدك تايهٍ واغـداه درْبـه
هيه وانته من ملكني لاستباح المـوق نوحـي
لاتطوّل في غيابـك والعليـل يزيـد كَرْبـه


طبت وطاب نقلك

لا هنت

تقبل حضورى المتواضع