دخيل الغلا .. هم ولا اروووع حياكم

[بندر التركي]

السلام عليكم
ياهلا وغلا بالاعضاء الكرام .. ومرحبابكم ملايين ولا يسدوووون <<
مالكم بطويله اخواني قصيده اعجبتني وحبيت انقلها
لكم واتمني تعجبكم

.. دخــــــــيل الـغـــــــــــــلا ..

لشاعر العذب.. حــــــــمد الســــــــــــــعيد
---------

دخيل الغلا اللي راح واللي وقـف مرتاب .... بسميـه عشقٍ وأنت مدري وش تسميه
ودخيل العيون اللي عليها الـحلاا جذاب .... تشوف الـولع فيهم ولا تدري وش تاليه
دخيل المكان اللي جمعنا ولا هـو إعجاب .... إذا لـي مـعزه طـاري البعد لاتطـريه
لو تشوف وضعي عند ماتلتـقي الاهداب ..... لك لـو لك نـيةٍ بـالجفـا تـلـغيـه
أنا وأنت غايب كن وسط العـيوون ترااب .... تنـام الـخلايق ولا أنا النووم مالي فيه
ذبحني غلاك اللي سرى مـثل سم الدااب ..... طـفح بالـعروق وكـل ماوافـقه ينهيه
بقى قلبي اللي ماذبحتـه وأهو منصااب ..... أنـا ادري تبي تـستوطنه يومك تـخليه
سكنته وأهو عمره قـفل بالوجيه البااب ..... أنا أعرف قلبي لاعشـق لارحـم والـيه
يجي كله من أقصـاه ويحب بأستغراب ...... وفـا فـيه مـاهو مع بشرر ليتك إداريه
ترفق على قلبٍ تـلوع بـك ولا تـاب ...... تـعذب ولامـنه نـوى الـبعد مايـمديه
تمكنت به حيث الولع مـثل غرس الناب ..... مصـيبتك تـدري بـس ليه المفارق ليه
ودخيل الجمال اللي تـلافت له الارقاب ..... وأنـا اللي لـفتني زينك وجـيتك مباريه
تمعنت فيك وجيت هـايب وانا ماهـاب ...... ولاقـفيت عـنك إلا وأنا هالغلا معطيه
عليك العيون اللي لهن فعل غزو عقاب ...... ضـعيفات خـلقٍ بس ياويـل من تنويه
ولك نور وجه(ن)كن لك بالنجوم أنساب ..... ولـيل عـجز من طووله الكف لا يسرريه
ولك مبسم(ن) مـاكنه الا شـفق الغياب ..... حـمار(ن) من الله جمر من ولـعه ناسيه
عبث وأنت مقبل تستفز وتثير أعصـاب ..... تبي تـلفت الانـظار منـااااك لي منييـه
عبث وأنت مقفي تاخذ وتكسر الالبـاب ..... عـبث جـاهلٍ توه مـشى فبيت من يغليه
دخيلك على بعضك ولاهي بدعوى عتاب ..... تـعيـد الـنظر فـالبعد من قبل لاتبـديه
عليك الله أكبر وأنت حكمك شريعه غاب ..... تجـيب الـطعون وتجرح الخافق وتدميه
وأنا أموت فيك وصال وأموت فيك غياب..... وإهـي مـوتة وحـده مع فارق التشبيه
ومن قال مابه موت بالحب قـلت كذاب ..... (جميله وبثينه) مـاذبـحهن مرض ياهيه
أحبك ومن حبك خسرت أغلب الاصحاب ..... أذا عـاتـبوني فـيك أعتـابهم مـابـيه
أحبك حبيبي ولا تسأل عـن الاسبـاب ..... أنـا لـو أعرف أسبـاب حبك قدرت أنهيه
ألا يامعرض رجـل مغليـك للمرقـاب ..... أثـر بـالـطوال تـفرج الـهم يـاراعـيه
أنا بسألك؟؟ هو صحيح الهوى غلاب ..... أنـا بنـصح اللي مثـل شـرّواي لايمشيه
ومن لايحّسب بالهوى للفراق أحسـاب .... لك الله مـاغـنى سـلامـه يـبي يـغـنيه
مثل هل دمعي وانت رايح وطرق حجاب.... ومـثل مـارمى عبدالحليم الـزهر يـرميـه
وأذا فيه بكتاب النحو للـفراق إعـراب..... فـهو فـعل مـطلق بالبشر والجفا ماضيه
الا ليت ربي ماخلق بالـغرام غـيـاب ..... وإذا فيه فـرقا طـاري الـحب لانـطريه

وسلااامتكم

مع ارق التحايا

بندر التركي

[مطنوخ خلقه]

وعليكم السلام

لاهنت يابندر علي النقل الراقي

[بندر التركي]

مطنووووخ خلقه

ولا انت يالغالي مرحبااااااااااااااا بك مليون

اخوك

بندر التركي

[مـحـسـن]

لا هنـــــــــــت على النقــــــــــل...
ويعطيــــــــــــــــكـ العافـــــــيــــــــه

[شيخة الطبع الخجول]

ابياااااات فوق الجماال من شاااعر قدير متمكن @_^
لاهنت يالشيخ ع النقل المميز بيضالله وجهكـ

تقبل مروووري..

[**عافكـ الخاطر**]

وعليكم السلام

لاهنت يابندر علي النقل الراقي

[الـسـلطانـه]

وأنا أموت فيك وصال وأموت فيك غياب..... وإهـي مـوتة وحـده مع فارق التشبيه
ومن قال مابه موت بالحب قـلت كذاب ..... (جميله وبثينه) مـاذبـحهن مرض ياهيه
أحبك ومن حبك خسرت أغلب الاصحاب ..... أذا عـاتـبوني فـيك أعتـابهم مـابـيه
أحبك حبيبي ولا تسأل عـن الاسبـاب ..... أنـا لـو أعرف أسبـاب حبك قدرت أنهيه


صح لسان السعيد وسلمت انامل التركي

لاهنت يابندر

[تركي الميموني]

وأنا أموت فيك وصال وأموت فيك غياب

وإهـي مـوتة وحـده مع فارق التشبيه

صح لسان شاعرها

قصيده مميزه

مبدع يا بندر وماهي غريبه عليك

وبانتظار جديدك

تقبل مروري وخالص تحياتي

[بندر التركي]

>> الســـــــــــــــــلطانهـ <<

.. اسعدني مرورش والله لا يهينش ..

اخيش

الــــــــــتركي

[بندر التركي]

.. تركي الميــــــــــموني ..

حمر الــــــــنواظـر والمعالـي مشاويـر .. تدحم حيـاظ المـوت مـا زعزــتهـا

لاهنت وشرفني مرورك يالعبدلي

اخوك
بندر التركي