فتوتشيني .....

[عزوف]

هذي معكرونة بالكريمة و الفطر لذيذة
المقادير

نص كيس معكرونة فتوتشيني (معكرونة مثل الشريط عريضة)
ويفضل الفتوتشيني اللي من شركة المطاحن الكويتيه متوفر بالجمعيات وبمركز سلطان
1 علبة كريمة للخفق يفضل كي دي دي لونها احمر
مثل كرتون الحليب الازرق بس لونه احمر (ربع لتر)
1 علبة فطر مقطع
1 ملعقة كبيرة زبدة
1 مكعب مرق الدجاج
2/1 كوب جبنة موزيريللا
1 ملعقة كبيرة أوريجانو (زعتر ناشف) موجود عند البهارات وانا افضل بهارات مجدي
نص فص ثوم
الطريقة:
- تسلق المعكرونة مع الماء و قليل من الملح كالعادة.
- توضع الزبدة على النار و يقلى الفطر مع الثوم.
- تضاف الكريمة و مكعب مرق الدجاج حتى يغلي.
- تضاف المعكرونة المسلوقة مسبقاً.
- نضع الاوريجانو.
- تترك على النار حتى تتعقد "تتسبّك" قليلا (خمسة دقائق)
- قبل التقديم توضع الجبنة المبشورة و تقلب ثم ترفع عن النار و تقدم.


طبــــــعا نقدر نزيد الكميه بزيادة المقادير بصراحه هالمعكرونه لذيذه وطعمها غريب وكل من ذاقها عندنا سألني عن طريقتها
جربــــــــوها وادعولي

[روووووعه]

تسلم ايدينك على هالووووصفه .. يعطيك العااافيـــــــه

تحياتي لك

رووووعه,,,

[بخــــــــوت]

عزووووووووف تسلمين بجربها

روعه سويها لنا الخميسس الجاي لوووووووول
ــــــــــــــــــــــــ

بخــــــوت

[عزوف]

اسعدني مروركم يا غلاي وجد طعمها حلو جربوها وبشروني

[اطياف الماضي]

مشكوووووورة عزوف يعطيك العافية

بس اللي في السعودية كيف يجيب ذا الفتوتشيني


بس والا لا خلاص تذكرت رووووووعة بتعزمني


تشااااااااااااااو يالغالية

[العنيده]

قوه

اموووووووت بالمكرونه وطرق عملها

لاهنتي عالوصفه

تحيااااااااتي

[كويتيه]

يعطيج العافيه يا عزووف والله شكلهاا لذيذه.. بس اللي مثلي في بلاد الثلوج شلون بييب هالمقاديير؟؟؟ .. بحاول ولي لقيتهم بسويهااا واقولج

[عزوف]

يا هلا ومرحبا بخواتي
اسعني مروركم يا غلاي

اطياف

مو معقوله اكيد موجود عندكم بس انتي اسئلي ومن سأل ما ضاع


العنيده

ياهلا جربيها واكيد بتعجبج



كويتيه

افا عليج بس اسويها وادزها لج عالايميـــــــــــــل

ولا يهمج