يسعد اوقاتكم ..
تمتعــــوا ..
بديت الطويل وهيض القلب مبداً فيه = بديته حزين وزاد حزني وبكاني
بديته عصير وذكر القلب عن ماضيه= وعديييت منه والمقادير تشعاني
تعنيت صوبه ليتني يوم جيت ابغيه = عجزت اطلعه ولا حدٍ دونه الهاني
تذكرت ليلٍ قد ترفعت في عاليه = خلي الهموم ومقصدي جر الألحاني
وذالحين قمت العي مع الورق والآحيه= مع ونةٍ فيها التوجد والأحزاني
على واحدٍ لاجيت ناصيه وابغى اجيه= تنطح لي اللي مبغضه قاصي وداني
تلقالي وهو داري اني مانا أدانيه= وراح النهار ورحت ماشفت خلاني
عسى من حرمني من مقابله ماتخطيه= اصدوف الزمان الصلف ويجيه ماجاني
على شان لامن شافني جيت تاتي فيه= مروفه ويتركني ليا جيت وحداني
مع اللي تولع بي كذا لين قمت ارجيه= من الباب لطّاقه غرامه تبلاني
وانا ماصدقته بالهوى بس كنت اغليه= وتبيّن لي انه مرفقٍ لي ويبغاني
وشفته حزين وقلت وشقوم ما أجاريه= اباخذ معه وأعطيه مانيب خسراني
وتواجهت انا وياه واخذ معه واعطيه= وقعدنا مع لين اذن المذن الثاني
وصلح لي حديثه يوم صارحني بخافيه= وتعاهدت انا وياه في حلف الأيماني
وعقب ماسريت اخذت مده وانا اطريه= شفوقٍ على شوفه ولا رحت له عاني
وعقبه دريت ان الهوى طحت بين ايديه= بغيت اتراجع من طريقه ولا امداني
جذبني مثل جذب الدلو في رشا سانيه= وجبرني على التقدير والحب واغراني
وعشقته مثل مايعشق الأخ ضحك اخيه= وقبلته مثل مايقبل الطب مرضاني
وحفظته مثل حفظ السنافي وصات ابيه= وكسبته مثل مايكسب الطيب غفراني
يجيني ليا مني ذكرته وأنا ناسيه!! = مثل مايجيني كل ماشفت دياني !!
ليا جيت في جمع العرب عيني تراعيه= اسولف على شانه.. ويضحك على شاني..
ليا من دعاني قلت لبيييه ثم لبيييه= وهو لادعيته قام طوله ولباني
هجل ليه يجفاني وانا يوم اخونه ليه = مدامه مع قلبي ودمي وشرياني
احبه وأحب ارضٍ وطتها قدم رجليه= عساها ثلاث شهور صباب وداني
وعساني ليا هوجست في ذكره وطاريه= تجيبه مقابيل اليالي والازماني
لـ الشاعر / صالح آل مانعه
17-05-2009, 03:36 AM
العرض العادي
