المنتخب السعودي والكويتي .رؤيه تحليليه

[سمو الامير]

بسم الله الرحمن الرحيم

السلام عليكم ورحمة الله وبركاته

اولا: احب اهني اخواني الكويتين بالفوز بمباراة الامس
واقول لاخواني السعويين هاردلك والعوض في الجاي

ثانيا:خرجت من المباراه بنظره تحليليه للفريقين قد تكون صائبه وقد تكون خاطئه وقد يوافقني عليها الاعضاء وقد يخالفونني

المنتخب السعودي:كانت بدايته قويه اثمر عنها هدف خاطف وسريع وواصل تألقه حتى اضاع الشلهوب ركلة الجزاء بعدها اهتزت معنويات الاعبين وحاولو جاهدين تأمين هدفهم الاول بهدف ثاني لعله يريحهم
وفي الشوط الثاني بدأ الاختلال واضح بسبب فقدان لاعبي الوسط العويران بالاصابه ونور بالطرد
وسارت المباره لمصلحة الكويت الذي استثمر اخطاء الدفاع وترجمها بهدفين

المنتخب الكويتي: لم يقدم المنتخب الكويتي مايشفع له بالفوز من بداية المباراه باستثناء اخر ربع ساعه
وقد حاول لاعبيه ترتيب اوراقهم بالاعتماد على روحهم القتاليه ولكن كانت اغلب الهجمات مقطوعه من الاعب مساعد ندى الى ان سجل هذ الاعب هدف من ضربه ثابته كانت بطريقها للزاويه المتوجه لهاحارس المرمى الى ان ارتطمت بيد المدافع وتغير اتجاه الكره لتعلن عن الهدف الاول وبعده بحاولي عشر دقائق
استثمر المهاجم المطوع خطأ فادح من المدافع تبعه خطأ فلسفي للحارس واعلن عن الهدف الثاني.


واتوقع ان يواجه المنتخبين صعوبه في المباريات القادمه واتوقع تأهلهم ايضا للدور الثاني عطفا على مستوى منتخب البحرين المتواضع


واكرر تهنئتي للكويت والكويتين على الفوز

سمو الامير

[كويتي]

اخوي سمو الاميــر لاهنت على هذى الموضوع
ولكن ياخوك طيحت حظ فريق الكويت
ياخوي على فكره ترى في لاعبين ما شاركو في
المنتخب ومنهم نهير الشمري وخلف السلامه
ويعقوب الطاهر الي ماسك دفاع الكويت كله
ومنتخب السعوديه ولا اصابه بل ولا شي
ومنتخبنا اصابات وتوقيف وبلاي الله يعن
هل منتخب وكافي انا فزنا وراح نفوز باذن الله
وما يهزك ريح يا الازرق كبير وراح تبقى كبير
والكبير الله ,,

وســــــــجل يا تاريخ

[تايه الغربه]

اخوي الغالي سمو الامير
لقد اصبت الحقيقه
ورؤيتك للمباراه اوافقك عليها
وسأضيف عليها الخطا الفادح الذي ارتكبه مدرب منتخبنا
خطا لا ادري ماهي مبرراته بالتحديد فقد يكون للمدرب وجهته الخاصه بخصوص هذا
انا اقول خطا وهذه وجهت نظري انا لان المدرب قد يكون على صح او العكس
هذا الخطا هو في الظهير الايسر لمنتخبنا
حيث لعب المدرب بقلب دفاع في هذا المركز وهو الاعب حمد المنتشري
رغم وجود زيد المولد على دكة الاحتياط وهذا اللاعب يلعب في مركز الظهير الايسر
لماذا لم يلعب به المدرب من بداية المباراه
وعندما اصيب نايف القاضي اضطر المدرب لإعادة المنتشري لقلب الدفاع
وإنزال المولد في الظهير الايسر


أذن ان هذه الجهه اليسرى في منتخبنا ما زالت مشكله تواجه كل مدرب يقود المنتخب السعودي
عندما يغيب عنها النجم الذهبي حسين عبد الغني
اتمنى ان يعود هذا النجم لهذه الخانه التي ليس لها سوى (( ابو عمر ))

(( رساله الى الكبتن .. حسين عبد الغني ))

(( لا . تبتعد عصرك بدا تو يا حسين && ما شفت حاااال المنتخب في غيابك !! ))


تسلم اخوي سمو الامير على ما تفضلت به
وآمال المنتخب ما زالت قويه في المحافظه على اللقب

[كويتي]

تايه اشلونك حبيبي
حسين عبدالغني شربت هذى خوش لاعب مو هذى
الي لعب في الكويت وطقه محمد بنيان طراق ؟؟ ولا انا غلطان
تايه السالفه اخصلت لو تجيب ماجد عبدالله ماراح تفوز
والكــأس كويتي ازرق بأذن الله ههههههههه لا تتعب نفسك

[كويتيه]

[size=4]
يعطيك العافيه اخوي سمو الامير على التحلييل...

بس احب ابين لك شغله وحده.. انا اعترف انه المنتخب السعودي يمتلك خبره اكبر و انشار اكثر في الملعب.. بس هذا ماقلل من خطوره منتخبناا.. و لو تشوف ترى كان استحواذ الازرق الكره في الملعب اكثر من المنتخب السعودي.. ..

ثاني شي... هيئه واجسام لاعبين منتخبكم اضخم بكثير من لاعبين الازرق و هذا بعد يأثر..

ثالث شي واهوو الاهم.. روحناا القتاليه اهياا اللي قدرت تغلب خبرتكم و انتشاركم.. و هزت روحكم و معنوياتكم.. و شباكم بعد..

بس يا اخوي اهم شي بالنهايه منو فاز.. و منو اللي خطف ال 3 نقاط....


يعطيك العافيه على التحلييل..



كويتي.. تصدق اذكر هاللقطه عدل..[/size]

[ابو محمد]

لو الله يفكم من الاعذار ياتايه وسمو الامير كان حنا بخــير
وبعدين لو تتعذر من اليوم الا بكرا خلااص فوز فاز الكويت خلااص
والكويـــت يفكر في منتخب البحــرين وعمان نظراا لضعف الفريق السعودي(ولله في خلقــه شؤن)

[ابو ندا]

هلا هلا يا سمو الأمير

الله يبارك فيك أنت ....
الحمدالله أنهم فازو ولله لو أنهم خسروا .. كان صارت اعلوم
واهداء لجميع أعضاء المنتدى على فوز الكويت % السعودية
يااااااااااااااااااااا سلااااااااااااااااااااااام ..... الى الأمام يا الأزرق

اذا ما اشتغل الرابط من هنا ... أضغط

[عيد بن شدقان]

السلام عليكم ورحمة الله
شلونكم ياشبااااااب
اشوف
مشجعين الازرق
وكذلك مشجعين الاخضر
شادين حيلكم
وماخذكم التعصب
ياشباب لا جات للصحيح
الكاس
مايستاهله
لا الزرق ولا الاخضر
وانا اقوله بعد ماشفت مستواهم الهابط


والفريق اللي يستاهله
هو الاحمر العماني
الذي يلعب بفن وجداره ((وانا اسميه الفريق المضلوم ))
وهذى لا يمنع ان كل واحد يشجع فريقه اللي يمثل دولته
بالعكس شجعو
لكن ليسة بالطريقه هذي
التعصب زياده عن اللزوم
ماراح ينفع احد بشي
هدو
رلكس رلكس
وسلام
ذيااااااااااااااااب

[تايه الغربه]

اخوي الغالي ذياب

انا وسموالامير

ما قلنا شئ اللي سويناه ان حن نحلل وضع منتخبنا السعودي في مباراة الكويت فقط
ولم نتعرض للمنتخب الكويتي بأي حال من الاحوال
بالعكس باركنا لهم الفوز

وموضوع الاخ سمو الامير
يخص المنتخب السعودي في مباراة الكويت
ولكن الاخ كويتي والاخ ابن عجيم
حولو الموضوع الى تحدي ونبش للماضي

فنحنو هنا ليس للتعصب لا وآلف لا

وارجو اخي ذياب ان ترجع لموضوع الاخ سمو الامير من بدايته
وردي الاول عليه
وستجد اننا لم نتعرض للمنتخب الكويتي في باي شئ


تحياتي لك اخوي ذياب على كلامك الرائع

[كويتيه]

هدواا اعصابكم.. المباراه انتهت وربي كتب هالنتيجه.. كل واحد لازم يفكر في المباراه اليايه.. و شنو بيكون مستوى فريقه وشنو اللي لازم يسويه..
وعلى قولت شهاب كنكوني كل شي مكتووووووووب عند الله.. .. .. واللي بياخذ الكاس.. سواء كان كويتي سعودي بحريني عماني اماراتي قطري عراقي. يمني.. بنباركله..