(يالله كانه ذنب انّك تغفره)

[السياسي]

ابطا الحيا وشوف الفيافـي مِدهـره=توجع وجيه الناس وتبكّـي الحزيـن

ياللّـه كانـه ذنـب انّـك تغـفـره=وترزق عبـادك يامغيـث ويامعيـن

عبدك وابن عبدك وفضلـك يشكـره=يِتوسّل لوجهك ياأرحـم الارحميـن

يارب تروي كـل نخلـه واشجـره=وجذورهااليبّاس مـن فضلـك تليـن

والاوراق تِخضِر عقب ماهي مصفره=إليـن الجـوري يبتسـم للياسميـن

والوادي الممحـل بفضلـك تمطـره=من وابـل ٍ خيـره يعـم المسلميـن

وتسيّـل الـوادي ومـدّك يثـمـره=والهزل يصبح من بعد فضلك سميـن

يارب من جـودك أمـوري ميسّـره=لاني انا اصـلا بوجهـك مستعيـن

لاخير في اللي فضل ربـي ينكـره=تبّـت ايديـن الجاحديـن المنكريـن

اللـي عطـاه اللّـه خيـر وكثّـره=ويصيح ويقول الفقر ظلعه متين!!!!!

ايهييييب ياوجهه عسـى الله يِفقـرِه=حتى يعرف ان الفقر ماهـوب زيـن

يقولهـا شاعـر وقـافـه سـطّـره=واضـح ولاعنـده يسـار ولايميـن

لاقـال كلمـه ماتجـيـك مشـفّـره=يعني يجيك الهـرج مليـان وثميـن

ويحب فعل الطّيب ولاهـو يعسـره=ماشي على سلم الرجـال الغانميـن

ويسبّـح لـربّـه وقلـبـه يـذكـره=جعـل الله يثيبـه ويثيـب الذاكريـن

يارب تغفـر لـي وحالـي تستـره=وتغفر لابي وامي وكـل المؤمنيـن



الشاعر / محمد فهد العرجاني

السياسي

[حبيب]

صح اللسانك يا السياسي وصح اللسان محمد بن فهد


لاهنت على نقل القصيده الجززززله


تحياتي

[السياسي]

ارحب يا حبيب ولا هنت على حضورك يا السنافي


السياسي

[هند]

الأخ القدير ( السياســــي )
صح لسانك ولا هنت


السؤدد

[الشريف]

صحت للقايل والناقل

[عاشقة^الفرس]

صح اللسانك يا السياسي وصح اللسان محمد بن فهد


وتسلم يمناك على النقل يا الغالي

[عاشقة^الفرس]

السياسي صح لسانك وصح لسان محمد بن فهد

يسلم يمناك على هالنقل الرائع

[السياسي]

يا مرحبا يا السؤدد

صح بدنش

لا هنتي على الحضور

السياسي

[السياسي]

الشريف مرحبا بك ولا هنت

وصح بدنك

السياسي

[السياسي]

عاشقة الفرس

صح بدنش ومرحبا بش

السياسي