رحله مع روميو

[روميـــو]

ايوه قلبى عليك التاع
مايحتمل غيبتك ليله

وعساه عساه مايرتاع
عليك يانافل ٍ جيله

لبيه يابو عيون وساع
ماغيرك أحد ألبي له

معذور لو صرت بك طماع
من حبكم مالنا حيله

القلب من يمكم نزاع
لوحاولو صعب تحويله

مانيب من عاذلى سماع
والله ماقطع مواصيله

من لام راعى الهوى خداع
سيور الايام تبدى له

ماضاع عمرى معك لو ضاع
مانوح لالا واغني له

سلمت لك خافق ٍ جزاع
عساك يازين تاوي له

[ابوعبدالله العجمي]

روميووووووووووووووووو



انت تغرد خارج السرب


وتحياتي

[روميـــو]

المشاركة الأصلية كتبت بواسطة ابوعبدالله العجمي

روميووووووووووووووووو



انت تغرد خارج السرب


وتحياتي

هلابك


يا ابوعبدالله

والله لايهينك على المرورالعطر

[روميـــو]

الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه

الله يردك لي .. يا مطول غيابه ..
يا معـذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..

[روميـــو]

الله يحبك كثر ما شقّق البرق =
سود الدياجي وانبت الغيث وارق
والله يثيبك كثر ما بان من شرق=
نجمٍٍ وغاب فـ لجة الغرب شارق
ياسدرةٍ في نجد يلقى بها الورْق=
للنوح غصن وللمعالي بيارق
لك الشموخ لباس.. عاليك للعِرق=
وباقي النساء خرص الذهب والعشارق
والله ما مثلك كتم آهة الحرق =
وما كن مسّك من لياليه حارق
وقتٍ إلى منه كسر رمحه الزرق=
بالنار يودع في الحنايا مطارق
ياهيه حوّل مثل ما تشتهي وإرق=
وإفطن لقبرك بين هاك المفارق
الوقت يسرق باقي أعمارنا سرق =
ما نجتمع .. إلا وحنا نفارق
ياعمتي بعض العزا يتعب الطرق =
ما ينكتب والحرف بالدمع غارق
كل شكى لوعة لياليه والفرق =
في اللي يبي ما عند رب المشارق

[روميـــو]

يا هلا بك ولا تطري الوداع ... عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع ... دام فرحة عيونك من نصيبي
ونبتت ضاقت الأرض الوساع
آه لولاك يا دافي الشعاع ... كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع ... بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع ... او عدد ماتمنيت حبيبي
ليت الأيام ما فيها وداع

[روميـــو]

تعبت أسافر في عروقي ومليت =
من جلدي اللي لو عصيته غصبني
ياما تجاوزت الجسد واستقليت=
عن الألم .. لاشك جرحي غلبني
أنا سجين الحال .. مهما تسليت=
وانا الطليق وكل شيٍٍ قضبني
حريتي لاعل .. يا كود ياليت =
اما شفت حيٍٍ جاد لي ماسلبني
وليت يا ليل التباريح وليت =
اما محاني الحزن والاكتبني
كل السما في دفتري وان تجليت =
مثل الشموس .. غبار قبري حجبني
لي صاحب وان ما تخلى تخليت =
لا بد ما نهدم .. ولا بد نبني

[روميـــو]

عن كل نجم ظهر بسدل أجفاني=
لعل ما عيش حزني لحظة غروبه
وعن كل خلٍِ طويل الصمت كفاني =
الصاحب اللي قليل الهرج عذروبه
وعن كل ثوبٍ جديد باالبس أكفاني =
وأدله ولا ألقى رسايل هم في جيوبه
أنا الجفا ليه أخاف الناس تجفاني =
وأنا الحبيب الذي من يعشق عيوبه
راعي الوعد وأن صدق مرة ولاقاني=
يحتار بين السراب وقلب محبوبه
يامن عذابه يشققني ويرفاني =
فرقاك غصب علي بالحيل مكتوبه
خبرت نصف تعب من نصفه الثاني =
بعضي الرماد وبعضي نار مشبوبه

[روميـــو]

الله أقوى غدا شوفك سراب =
كيف أبا أروي حنيني .. بالظما
يا ممنى حياتي .. بالسحاب =
وين غيث المحبه .. ما هما
اجدبت بالحشا أرض العذاب=
واشتكت من تجافيك السما
كيف ترضى عليّ .. طول الغياب =
وانت حبك جرى مجرى الدما
يا حبيبي ذوى قلبي وذاب =
من عذابــه وبيح ما كما
وعل عينٍ .. رضت فيك العتاب=
تشتكي بعد نوره مـ العمَا

[عبدالله ال شامر]

احساس جميل ياروميو

وعسى الله يرد عليك جوليت


تقبل اعجابي وسجلني من متابعيك

وعسى الله يوفقك اخيك عبدالله ال شامر