نبني محبتنا لنـا شهـور وسنيـن///وننهي محبتنا بتامر علـى شـيّ ؟

كرباج · #1 07-07-2008, 10:19 AM

قصيده اتمنا ان تعجبكم كما اعجبتني

وين انت مبطي عنك يا قرة العيـن=ياويّ يا وقتٍ مضـى معـك يـاويّ
المشكله ماهيب وينـك وانـا ويـن=المشكلـه فـي ردّت يدينـك إيـديّ
كتبت فيك امن القصايـد لهالحيـن=خمسين فـارع كلهـا مستـوى ذيّ
معقول مـا غنّـو عليـك المغنّيـن=منها ولا جـاك الخبـر بأنهـا لـيّ
ما شفت منك الا الغرابيـل والبيـن=مع كل هذا إمحبتـك ..مثـل ماهـيّ
يا غايتي عطيتك امن الهـوى ليـن=مليت قلبك حب وتشوفـه شـويّ ؟
ارخصت لك قلب وعروق وشرايين=لكن خذاك الكبـر والطيـش والغـيّ
كنت احسبنّا غير .. بالشين والزين=ونعشق بعض مادمت عايش وانا حيّ
سبحان من تقلب يديـه الموازيـن=اللي يبـدّل عتمـة الليـل بالضـيّ
اسخف موادع في سجـل المحبّيـن=حطوه بإسمي والسبب فعلتـك فـيّ
نبني محبتنا لنـا شهـور وسنيـن=وننهي محبتنا بتامر علـى شـيّ ؟
يا ليت عند اهـل المحبّـه قوانيـن=ما كان جرحك كيّ واعلاجـه الكـيّ
محمد المسعري

سالم بن فراس · #2 07-07-2008, 10:23 AM

السلام عليكم ورحمة الله وبركاته ,,,,,

ارحب يا كربااج

وصح السانك والسان شاعرها

وانا اشهد انك احسنت الاختيار

ولاهنت

ناصر بن فالح · #3 07-07-2008, 10:25 AM

الله الله ياكرباج

اختيار رائع وصح لساانه

الـنايفه · #4 07-07-2008, 10:30 AM

السلام عليكم ورحمة الله وبركاته ..,,,

صبـــآح آلخير ..,,

\\

اقتباس:

كنت احسبنّا غير .. بالشين والزيـن
ونعشق بعض مادمت عايش وانا حيّ
سبحان من تقلـب يديـه الموازيـن
اللي يبـدّل عتمـة الليـل بالضـيّ
اسخف موادع في سجـل المحبّيـن
حطوه بإسمي والسبب فعلتـك فـيّ
نبني محبتنـا لنـا شهـور وسنيـن
وننهي محبتنا بتامـر علـى شـيّ ؟

\\

صـــح لسآن شآعرهآ ..,,ويمنآك سآلمه على آلنقل

خوش قصيده ..

تقبل مروري

آم خآلد