روــأيــــة (تصدق ياخلي محد يحبك قدي)... للرومآنسيـين ..

[ميرانده]

هاااااااااااي بنات

كيفكووون ..؟وش اخباركم ان شاءالله بخير وكيف الاهل..؟ < الاخت دقت سووالف لوول




انا اليوم فكرت اكتب لاحلى منتدى رويه واتمنى واتمنىآ وأتمنىآ من جد تعجبكم<_ مدرسة العربي حقتنا تقول اذا تبون الشيء يصير كرروه وهذا انا اخذ بنصيحه بشوف تنفع ولا هههههه.. المهم ...اذا لقيت تفاعل كملتها وأذا محـد تفآعل بزعل وماراح أكملهاا < زعل ابو جعل لوووووول

رواية (تصدق ياخلي محد يحبك قدي)


الكاتبه: همسة غلا وكلي حلا

وحبيــت أنقلهــاإأ لكـــم ...




الجزء الأول:

( مشاعل بنت كيوت بيضاء وعيونها وساع ورموشها كثيفة وخشمها سلة سيف وجسمها من أجسام من أجسام عارضات الأزياء عمرها 20سنه تدرس سنه أولى طب في جامعة الأمير سلطان)
مشاعل:ماابغاه انت تفهم ولا لا
( مشاعل عايشه مع اخوها فيصل اللي اكبر منها بسنه عمره 21سنه عاطل عن العمل ملامحه اسمر لونه يعني جاي على براونزي نحيف شعره ناعم وقصير وعيونه وساع ما خذها من امه اهو ومشاعل طبعا امهم وابوهم متوفين )
فيصل:والي يقولك بإنك بتأخذينه غصب عليك...
(فيصل اخو مشاعل من النوع اللي يتعاطى مخدرات وحاط كل هموم الدنيا على أخته مشاعل والسبة أصدقاء السوء اللي خربو مخه)
مشاعل: إذا صرت والي أمري تعال كلمني...
فيصل: ليــــــــــــــــــــش ؟ يعني أنا وشو؟؟؟
مشاعل: إذا صرت اكبر إخواني تعال تكلم ....
فيصل:اقول بتسكتين اويجيك هذاك الكف اللي يسنعك؟
مشاعل:ماابغى اسكت واهو على كيفيك...
فيصل:هين انا اوريك...
(وطلع واهو معصب لان صديقه تركي اللي يجب له الحبوب قايل له:شوف يافيصل يا انك تزوجني اختك او اني ما اعطيك ولا حبه من الحبوب اللي عندي)

في مكان ثاني:

(عبدالرحمن اخو مشاعل متزوج اسماء بيكملون السنه الشهر الجاي)
عبدالرحمن: اقول اسماء
اسماء: سم امر
عبدالرحمن: احس ان اختي مشاعل موب مستانسه مع اخوي فيصل انتي ما شفتي وجهها ذاك اليوم
اسماء: الا والله ان ودي لو تجي تجلس عندنا احسن لها من جلستها معه عاد انت عارف ان فيصل ما ينضمن ابدا
( اسماء زوجة عبدالرحمن عمرها27سنه كانت من النوع الطيب يعني انسانه محترمه وكان جمالها عادي لكن اذا تواجد في الانسان الادب والاخلاق مايهم الجمال)
عبدالرحمن: يكون خير انشاء الله انا اكلمها واشوف
اسماء : انشاء الله توافق على الاقل تجي توسع صدري
(مشاعل بنت موجودة بين اربع اولاد اهي الوحيده بينهم اخوانها:
عبدالرحمن عمره 30سنه وعنده اخو اصغر منه يشتغل في شركه كبيرة في الدمام اسمه محمد23سنه واللي اصغر منه اسمه الوليد عمره 22سنه يدرس طب في امريكيا وفيصل وعبدالرحمن الوحيدين الموجودين في الرياض)

في امريكيا:
الوليد: عبدالعزيز تراي مليت لو هذي موب اخر سنه من الدراسه كان مدري وش بسوي يكرفونا كرف الحمير
عبدالعزيز:ايه ولله ياخي يازين ايام المتوسط النحشات والهبال والحركات اللي مالها داعي على المدرسين
الوليد:اقول لا تذكرني ترى حدي مشتاق لاهلي
عبد العزيز: اقول ورى ما تروح تنوم ابرك لك صح او انا غلطان
الوليد:ليش كم الساعه الحين؟؟؟
عبد العزيز:10ونص والى انت ناسي إن من جينا لامريكيا و حنا ننوم بدري كنا دجاج
الوليد: ايه والله صادق اجل تصبح على خير
عبد العزيز: وانت من اهله


نرجع لارضنا الحبيبه الرياض
( عبدالرحمن قرر يتصل على مشاعل ويقول لها تجي تسكن عنده)
مشاعل كانت ترتب غرفتها الا وتسمع صوت جواله يرن
اخي الحبيب ..يتصل بك
مشاعل بدلع:هلا وغلا بالغالي
عبدالرحمن ؛ اهلين وسهلين بالغاليه...كيفك؟
مشاعل: بخير والله الحمدالله عايشين كيفك انت واسماء؟؟
عبدالرحمن ما عجبته كلمة (عايشين): انا الحمدالله بخير و اسماء تسلم عليك
مشاعل : الله يسلمها
عبدالرحمن : الا اقول مشاعل ودي اطلب منك طلب وتوافقين عليه
مشاعل: قول يااخوي انشاء الله اقدر..
عبدالرحمن:ودي تجين تسكنين معنا انا واسماء
مشاعل:لا معليش يااخوي اسم لي ما اقدر اجي واضايقك انت واسماء لا وين معليش
عبدالرحمن:لاعاد يامشاعل انتي عارفه ان بيتنا كبير ويكفي خاصه ان ياسر اخو اسماء مايجي الا في السنه حسنه يعني معليش
مشاعل:معليش يااخوي سامحني انا ما اقدر ياليت لوتعذرني
عبدالرحمن: انا ابغى راحتك خاصه وان فيصل الله يصلحه مدمن واخاف يسوي لك شئ
مشاعل:لاتخاف ياخوي توكل على الله
عبدالرحمن: ونعم بالله خلاص اجل ما اطول عليك
مشاعل: لاعادي وش دعوة
عبدالرحمن: اجل يله مع السلامه
مشاعل: مع السلامه في حفظ الله
سكر عبدالرحمن من هنا وضاق صدره من هنا على اخته اللي مو راضيه تجي تعيش عنده...
اسماء:وش شفيك مكتئب لهدرجه ماد البوز شبرين..
عبدالرحمن: مشاعل اختي مضيقه صدري موراضيه تجي وتعيش عندنا ولما سألتها قالت أخاف أضايقك انت واسماء وانا خايف عليها...
اسماء: طيب انا اقولك اول شئ( اضحك تضحك لك الدنيا) ثاني شئ وش رايك باللي يقولك اني بأكلمها وانشاء الله تقتنع...
عبدالرحمن : في هاللحظه بتكبرين في عني بشكل فظيع وهذا ان وافقت لك مني شئ ولكن ماراح اقولك الا اذا وافقت...
اسماء:ما دام فيها شئ حلو انا اقنها يعني اقنعها ....
في رايكم مشاعل راح توافق على طلب اسماء منها او راح تضل مصره على رأيها؟؟؟

اتمنىآ أشووف الردود علشــاان أتحمسس واكملهــااا ...

[قلم بلا حبر]

< ماااااااااااني رومنـــسي


ونبي نشوف ردود الرومنسين

[ميرانده]

يسسسسسسسسسسلمو ع المرور يآمسكين غرووك

ومو شررط تكون رومنسي

اهم شيء انك مريت ع القصه

تكون اكبر رومنسي < تبيه يقرىآ القصه بس لوووووول

آمززح بسس آن شاءالله تعجبك يآبعدي

واذا ماعجبتك قوول علشآن مآكملها تهىء تهىء < يعنني ابكي

[قلم بلا حبر]

على فكره اسمي مو مسكين ياغروك < يقول العن ام البدليات بدليات حتى في الكتابه


نكي غروك يامسكين

[ميرانده]

تيب سـورري .. مانتبهـت

كلها نفس المعنىآ ترىآ <_ ترفع بنفسها من عقب الفشله

المهم تعجبك القصه ياخووي.. ماشفت رايك فيهاا

واشكرر مروورك

[قلم بلا حبر]

في الحقيقيه والواقع والبحر فيه قواقع والعنتر نت فيه موااقع


القصه تم حفظها في ملاحظه وارسلها الى التلفون وعن قريب سوفا اقرئها < وش فيه الفيلسوف


وشكرن

[ميرانده]

بنــززل إلجزء الثــأني مع أنــي مآشفت الا رد غروك يآمسكيــن .. وجزآه الله خيرر





الجزء الثــــــــــــــــــــآني :..




محمد: اوف ياناس وش هالعمل اللي يكرف الواحد كرف ملينا..

(ياسر صديق محمد)
ياسر: أي والله ملل بشكل فظيع ماعندنا الا هالاوراق جابت لنا القلق والمشكله ان موب عند اهلنا ماغير امسك طريق من الرياض للدمام ومن المام لرياض وعلى هالحاله...

محمد: انت اللي حاد نفسك على روحة الخميس والجمعه والا سؤال وش تستفيد من هالروحه والجيه؟؟

ياسر: يااخي انا ما اقدر ابعد عن اهلي موب مثلك ماغير جالس لي هنا وماتروح الا في الاجازات الطويله يااخي روح عن نفسك...

محمد:اقول سكر الموضوع شف المدير جاء...

المدير: هاوشلون الشغل معكم انشاء الله زين...

محمد: لا الحمدالله ارباح الشركه هالايام زايده...

مشاعل: اهلين وسهلين بحبيبة البي...

اسماء: حبيبة البي ها علينا هالحكي؟؟

مشاعل: افا ليــــــــــــــــــــــش؟؟

اسماء: الحين انتي وخشتك ليش موراضيه تجين عندنا هااااااااااا علميني<<<<عصبت

مشاعل: ريلاكس والله اللي يسمعك وانتي تحاكيني كذا يقول مو حرمه ولد على غفله...

اسماء: ما علينا من هالحكي عطيني ولو سبب واحد مقنع انك ما تجين وتعيشين معنا وانا ارضى ....

مشاعل: شوفي اول شئ احس انك ماراح تأخذيني راحتك في بيتك ثانيا اخولك ياسر اللي ساكن عندكم...

اسماء: عليك اسباب زي خشتك اول سبب والي يقول لك اناي انا اللي قايله لعبدالرحمن انك تجين وتعيشين معنا وثانيا الله واكبر هالياسر اللي يجي دائما ترى بس الخميس والجمعه ويروح يعني معظم الاسبوع موب فيه فهمتي؟؟

مشاعل: يكون خير..

اسماء: انا ما ابغى يكون خير ابغى اجابه واضحه يا اما وافقت او لا .؟؟

مشاعل واهي تفكر: امممممممممممممم موافقه...

اسماء بصراخ:اووووووووووووووووووه اخير وافقتي يله بكره لوسمحتي ضفي اغراضك وتعالي...

مشاعل:هههههههههههههههه اعصابك تحمستي بزياده

اسماء: اقول احمدي ربك اني معطيتك وجه ...

مشاعل:اجل ما اطول عليك يالله تقلعي..

اسماء:متقبلتها منك يالله باااااااااااااي

مشاعل: باااااااااااي

في هاللحظه دخل عبدالرحمن...

عبدالرحمن: هاااااااااااااااي

اسماء حلو مادام فيها هاااااااي فأكيد انك مروق صح؟؟؟

عبدالرحمن:بزياده...

اسماء: اجل عندي لك خبر حلووووو بشكل فظيع...

عبدالرحمن بهبال: شنو؟؟؟

اسماء: حزر فزر...

عبدالرحمن:امممممممممم مشاعل وافقت تجي عندنا؟؟

اسماء: بسم الله علي الرحمن الرحيم وش دراك؟؟

عبدالرحمن:ليش وش شايفتني يعني؟؟

اسماء:امممممم عزوتي وزوجي اللي ما استغني عنه ...

عبدالرحمن جلس على الكرسي: الله الله كل هذا انا...

اسماء: ليش انت شاك في نفسك؟؟

عبدالرحمن: افا احد يشك في نفسه...

اسماء: اجل وش رايك نخلي غرفة ياسر لمشاعل لأنها كبيره

عبدالرحمن: خلاص اجل نروح انا وانتي نختار الغرفه وش رايك؟؟؟

اسماء:خلاص اجل نروح لايكيا الحين؟؟

عبدالرحمن:اوكي اجل يله روحي البسي عباتك...

اليوم الثلاثاء في قاعة الاجتماعات...

مشاعل: الحين حطونا هنا ونسونا ليش؟؟؟

صديقات مشاعل هم )هديل –شادن-ريمه-نوره-شهد-دعاء)

هديل: أي والله ملينا حطونا هنا ونسونا وش تتوقعين يبون؟؟

مشاعل:مدري شايفتني اخبار العربيه على غفله خبر خبرك؟؟

شادن: اخاااف يحطون لنا محاضره مثل هذيك اللي رفعت ضغطنا؟؟؟

شهد:لاوووووين ما اتوقع حنا على قرب اختبارات لا مااتوقع ابدا؟؟

ريمه: وانتي وش دراك؟؟

شهد: شئ اكيد ما يبغى لها تفكير؟؟؟

مشاعل: بــــــــــــنـــــــــــــات عارفين انا اليوم مستانسه بشكل فظيع...

البنات بصوت واحد:لـــــــــــــــيـــــــــــــــش؟؟؟

مشاعل: ولاشئ استهبل عليكم هاهاها

البنات كلهم ماعدا شهد:تستهبلين..

مشاعل: وش حارق رزكم ابتسموا..

شهد: أي والله احسن من مدة البوز شبرين...

في هاللحظه دخلت عليهم المشرفه...

المشرفة: السلام عليكم..

البنات: وعليكم السلام..

المشرفه: انتو الحين مستغربين من جمعتنا لكم هنا لكن احنا جمعناكم لان الاستاذة خلود عندها بنات تبغى تكرمهم على الاعمال اللي صنعوها لها...

الاستاذه خلود:السلام عليكم

البنات: وعليكم السلام..

الاستاذه خلود:انا حابه اليوم اشكر بعض البنات اللي احضروا لي اغراض وكانت قمه واهم مشاعل الـ........

شهد+ريمه+هديل+نوره+دعاء يصفقون لمشاعل من هنا واللي تصفرمن هنا ....

مشاعل راحت لا استاذتها....

الاستاذه خلود: مبروك

مشاعل: الله يبارك فيك...

كانت الهدية درع ومكتوب عليه اسماء البنات اللي تكرموا مع كلمات الشكر و والتقدير...
الاستاذة خلود:اللي بعدها شهد الـ....

شهد بهبال: احم احم صفقو

البنات سولها مثل مشاعل ....

الاستاذة خلود: دعاء+ شهد+ريمه+هديل+نوره...
ونفس الحاله صارت....

الوليد: ثامر وين الغداء؟؟

عبد العزيز: وانا صاير خدامه عندك اسوي الغداء والعشاء لا حبيبي ....

الوليد: اوف اوف كل هذا شايله على قلبك؟

عبد العزيز: أيــــــــــــــــــــــــــــــــه يله عاد قومي وصيري حرمه سنعه واطبخي لي الكبسه وامممممم سلطة خضار يله بسرعه يابعد قلبي انتي ....


الوليد:هههههههههههههه حالتك صعبه وش تبي على العشاء يازوجي العزيز انا داخله المطبخ ألحين...

عبدالعزيز: اذا جاء وقت العشاء يكون خير قسم بالله ذبحتني انا اللي اطبخ وانفخ وانت اللي قاعد يالله رح اطبخ ابرك لك

الوليد حس لو انه في الغربه لوحده ماكان يدري وش يسوي
الوليد : اوكي انا داخل المطبخ بدك شئ

عبدالعزيز: سلامتك..

دخل الوليد المطبخ وبدأ بالطبخ بس الله يستر وش بيطلع الاكل....




أتمنىآ اشوف الردود علشآن أكملهاا

[قلم بلا حبر]

تم ارسلها على التلفون وبعد يومين انشالله ارد عليج علشاني في الاوقات الفراغ القراء القصص

وشكرن

[ميرانده]

يسسسسسسسلمو ..

وإن شـاءالله تعجبــك ..

[توفي]

بصراحه القصــه اهممممممممممممممممممم
1- بايخه.
2- سخيفه.
3- تافهه.
<<<< تستعد للهووشه .
اامزح اامزح مو القصد القصه روعه ولك مستقبل في الكتابه والله يوفقكـ <<مع نفسهاا

مشكوووور لاخلا ولا عدم.