يا شين حبٍ يجي بين اللحـم والعظـام=ما يجني مـن الضلـوع ألاّ محاصيلهـا

[بــ ــــــــرق]

السلام عليكم ورحمة الله وبركاته

صباح الخير



قـصـيـده عـجـبـتـني وحـبـيـة انـقـلـهـا لـكـم،،،

اتـمـنـى انـهـا تـلـقـى الـرضـى والـقـبـول مـنـكـم،،،



اسـتـلـمـوا
.
.
.
.
.

سبحانه اللي يدوم وغير وجهـه مـادام=بأمره يمـد الشفـاء والغمّـه يزيلهـا
العالي المؤمن العـدل الكريـم السـلام=الوالي اللي جميع الخلـق والـي لهـا
أعوذ به من شرور الجن وبغض الأنـام=ومن عقدة أهل العقود ومـن محابيلهـا
ما يحذفون الحـلال ألاّ عيـال الحـرام=ناس ٍ نغزها بليس وقـام يومـي لهـا
اللي في قلبه صدا واللي في خشمه عرام=وكبودها سود مدري ويش اسـوي لهـا
الحمـدلله زان الحـال والحـظ قــام=ولدن لقـاح الليالـي وأحملـن حيلهـا
بانت وجيـهٍ تبادلنـي غـلا وإحتـرام=وغابـت وجيـه ٍ تجاملنـي بتمثيلهـا
والحيّه اللي تشيل السـمّ والسـمّ سـام=قـرا علـى راسهـا وتـردّه لذيلـهـا
مابيني وبينكم يا أهـل الضغايـن كـلام=ألاّ الفلق .. وآيـة الكرسـي وترتيلهـا
ولا حلّقت فـالظلام ألاّ طيـور الظـلام=واليا انتفض ريشهـا شبّـت قناديلهـا
شكري على البندقيه والفشق والحـزام=وأم المفاتـيـل تنجيـهـا مفاتيلـهـا
واقف على حيلي وهجسي طواه الحيـام=عسى القصيده معي تآقف على حيلهـا
تقول بيني وبين الشعـر نقطـة نظـام=من يردع اهل المثايـل عـن تماثيلهـا
والنبره اللي في صوتي من ثلاثين عـام=أطيـح واحطّهـا .. وأقـوم وأشيلهـا
ترادفت واستقامـت والطريـق أستقـام=وأستقتهـا حسـب معناهـا وتأويلهـا
الضبط والربط لو ما جاء على مايـرام=الجابـه المايلـه مـا يعتـدل ميلـهـا
عز الله اني قنعت من الهـوى والغـرام=وسرّتني اللي على ليلي .. سرا ليلهـا !
حمامة ٍ من لحنها غيـر كـل الحمـام=أمسيت معها تغنيّ لي .. وأغنـيّ لهـا
يا شين حبٍ يجي بين اللحـم والعظـام=ما يجني مـن الضلـوع ألاّ محاصيلهـا
يا صاحبي لو نقول الطـقّ فـك اللحـام=طقّ المواليـف مـا يقطـع مواصيلهـا
وشلون ما أهتمّ بك وأنته محط إهتمـام=ومحبّتك في ضميري مسـرج ٍ خيلهـا
أربط حزام الأمان .. الخوف ماله حـزام=وأخفض جناح الموده لين أعـديّ لهـا
تعال يكرم جنابـك يـا عزيـز المقـام=بلاش مـن طـاري الدمعـه ومنديلهـا
أقول أحبك وأنا صـادق علـيّ الحـرام=لازال غيـث المشاعـر دارجٍ سيلـهـا
أما أستملني غلا .. وألاّ عليك السـلام=لابـد فرقـاك تاصلـنـي مراسيلـهـا

لـلــشـاعـر : ســـداح




مع خالـص تـحـيـاتـي



بــ ــــــــــرق

[قبلة العذارى]

يا شين حبٍ يجي بين اللحـم والعظـام=ما يجني مـن الضلـوع ألاّ محاصيلهـا
يا صاحبي لو نقول الطـقّ فـك اللحـام=طقّ المواليـف مـا يقطـع مواصيلهـا

مواصيلهااا


ياسلام ياسلام

أما أستملني غلا .. وألاّ عليك السـلام=لابـد فرقـاك تاصلـنـي مراسيلـهـا

مراسيلهااااااا


رااائعه



برق


ارفع لك القبعه على حسن اختيارك لشاعر متمكن ومبدع كـ سـداح


يعطيك العافيه ولاهنت وصح لسان سداح


تقبل مروري

[Najla]

أربط حزام الأمان .. الخوف ماله حزام//وأخفض جناح الموده لين أعـديّ لهـا

^^^
^^
^

صـح لسآن سدآح ..

وصـح نقـلك يآ بـرررق ..

تحيآتىي لكّ ..

[دوسري يحب العجمان]

يا شين حبٍ يجي بين اللحـم والعظـام
ما يجني من الضلـوع ألاّ محاصيلهـا

أربط حزام الأمان .. الخوف ماله حزام
وأخفض جناح الموده لين أعـديّ لهـا

الله الله ابيات قمه في الروعه تسلم اخوي برق على الاختيار الجميل

والرائع وصح السان شاعرها ولسانك اخوي برق

وتقبل تحياتي...

[ريــــــانـه العــــود]

برق

وشلون ما أهتمّ بك وأنته محط إهتمـام=ومحبّتك في ضميري مسـرج ٍ خيلهـا

صح لسانه

والله يعطيك العافيييييييه على اختيار هالقصيده

[فهد بن مطلق]

هالله هالله



برق ياسلام الابداع ليس فالقصيده بل في اختيارها

والنبره اللي في صوتي من ثلاثين عام=أطيـح واحطّهـا .. وأقـوم وأشيلهـا

يــا ـســــلااااااااااااااام



لاهنت على النقل

[نـاصـر]

صح لسان الشاعر الكبير

د. سداح

والله لايهينك يابرق

على نقل القصيده

تقبل مروري

[ريف الضعيف]

يا صاحبي لو نقول الطـقّ فـك اللحـام طقّ المواليـف مـا يقطـع مواصيلهـا
وشلون ما أهتمّ بك وأنته محط إهتمـام ومحبّتك في ضميـري مسـرج ٍ خيلهـا



صح لسان الشاعر سداح
لاهنت يا برق
تقبل تحياتي ومروري

[بــ ــــــــرق]

المشاركة الأصلية كتبت بواسطة قبلة العذارى

يا شين حبٍ يجي بين اللحـم والعظـام=ما يجني مـن الضلـوع ألاّ محاصيلهـا
يا صاحبي لو نقول الطـقّ فـك اللحـام=طقّ المواليـف مـا يقطـع مواصيلهـا

مواصيلهااا


ياسلام ياسلام

أما أستملني غلا .. وألاّ عليك السـلام=لابـد فرقـاك تاصلـنـي مراسيلـهـا

مراسيلهااااااا


رااائعه



برق


ارفع لك القبعه على حسن اختيارك لشاعر متمكن ومبدع كـ سـداح


يعطيك العافيه ولاهنت وصح لسان سداح


تقبل مروري

قبلة العذارى

يا مرحبا

تسلمين على التعليق الجميل

الله يعافيش ولا انتي

والله لا يهينش على المرور الراقي

تقبلي تحياتي


بــ ــــــــرق

[بــ ــــــــرق]

المشاركة الأصلية كتبت بواسطة نجلآ النوآعس

أربط حزام الأمان .. الخوف ماله حزام//وأخفض جناح الموده لين أعـديّ لهـا

^^^
^^
^

صـح لسآن سدآح ..

وصـح نقـلك يآ بـرررق ..

تحيآتىي لكّ ..

نجلآ النوآعس

يا مرحبا

صح بدنش

لاهنتي على المرور الراقي

تقبلي تحياتي


بــ ــــــــرق