العجمان والمحاورة

[عجمي شد بلد]

السلام عليكم ورحمة الله وبركاته
...

::
::
::
::
::
::


حيا الله عزوتي كلكم صغيركم وشايبكم

موضوع يحز بخاطري له وقت

ولازم اطرحه اشوف وش رايكم

هو يتكلم عن المحاورة والعجمان

اولا اعرف بنفسي عشان ماتقولون مب عجمي

انا عجمي ومن ال محفوظ

نبدا بالموضوع

لايخفاكم ان الشعر له دور بالتعريف بالقبيلة وشعارها هم اعلان للقبيلة

والناطق الإعلامي لها

وانا ماقول شيء بالشعر العام لأن شعارنا ماقصروا واثبتوا ان لهم ثقل بالساحة الشعرية

والدليل المكانة الهائلة التي يتمتع بها ضيدان وابن الذيب وغيرهما من الشعار اللي يرفعون الراس

ولافيكم قصور ياشعار المنتدى على راسي كلكم ويعلم الله اني متابع لكم ولشعركم من سنتين

لكن شعر المحاورة وهو الشعر اللي ينتشر بكثرة بين العوام ويصل اماكن لايصل اليها شعر المجلات والمنتديات وغيره

ماشوف لشعار العجمان اي تواجد الا باستحياء

الشاعر الجزل واللي مايهمه الشعار يقابلهم ويناطح الرجال

ويتثبت وجوده اما اذا صارت الدعوى مجلات ومنتديات ومقابلات بالتلفزيون

وين الفخر فيها

ورجاء ابي سبب لإختفاء شعار العجمان عن المحاورة

هل هو عدم وجود شعار رد اقوياء والا تقصير من الشعار تجاه هذا الفن القديم

[عجمي شد بلد]

من ورى الكيبورد

واذا جا الميدان ماحولك احد

الله يرحم زمان راح

[الـشـامـري]

عجمي : _



انا اقدر اوضح لك كل السالفه وما فيها

فن المحاوره فن ماهوب من ضمن تراث العجمان .. ولم يتداول بينهم من قبل


لاكن بعد ما تقدم الوقت وتطورت الدنيا .. تخالطة الثقافات والتراثات ..

واصبح العجمان يلعبون قلطه ولاكن ليش بالشيء الكثير



ويعتر انجاز لو ظهر من بينهم شاعر قلطه كبير .. لانها ماهيب من تراثهم ولا ثقافتهم


ولاكن الشاعر شاعر قلطه ونظم على كل حال .. لاكن فيه الضعيف وفيه الجيّد وفيه المبدع





وهذا كل الموضوع ..



اخيك / الشـامـري