اذا عندك رجوله ماتسوي الشغله هذي

[الجنوبـــــي]

بسم الله الرحمن الرحيم

نصايح لاجتناب كاميرات البلوتوث

اول شي الثقة بالنفس: لازم تكون عندج ثقة بنفسج وما تشوفين أي شاب عنده مثل هالاجهزة او انه حاول يكلمج ولا تعطين فرصة حق أي احد لأن الثقة بالنفس تخلي شخصيتج قوية واتخلي اللي يطالعج او حاول يكلمج او يتحرش فيج اتخليه يستحي على وجهه وينزل راسه بالارض مثل لاعبين الكراتيه تكون عندهم اول شي الثقة بالنفس ويقاوم لما يهزم خصمه



الشي الثاني هو اللبس الواسع والمكياج الخفيف او بدون مكياج يكون احسن لأن المراة اذا تزينت واطلعت من بيتها تعتبر زانية الى ان ترجع البيت انا اقول يا بنات اللبس الوسيع وبدون ما تحطين الالوان على وجهج واايد احسن والا انتي ما عندج ثقة بنفسج انج حلوة << ------- لاحظو اهني رجعنا للثقة بالنفس



الشي الثالث الاحترام مثلا احترام المكان والناس اللي فيه انا اشوف بنات يروحون مجمعات او سينما ..الخ يرقصون ويضحكون بصوت عالي يمكن المجمع اللي يمهم يسمعها وفي بنات بتسوي نفسها أم الشرف اذا ياها واحد حاول ان يتحرش فيها اتسبه سب والله يا جماعه احنا الشباب ما نسب جذي يعني انتي بنت احترمي نفسج صحيح اهوه يستاهل لكن مو جذي انتي بردج له هذا راح يعاند ويصورج ويفضحج لكن لما تسكتين وما تردين عليه اهوه بيستحي على وجهه ويروح



الشي الرابع واهوه اهم شي اجتناب الكاميرات يعني لا تخلين أي وحده او واحد يصورج أي كاميرا اتصورج او مو واثقه فيها وبالشخص اللي يصور ابتعدي عنها على طول بدون تردد لأن هالشي هذا راح يسبب لج الفضيحة اذا كنتي واثقة بوحدة اتصير لج او صديقاتج اوكي مو مشكلة اذا مو واثقة قولي آسفه لا تصورين عشان لا تصيرين مثل بعض البنات اللي انتشرو



انا كاتب هالموضوع للبنات لأن الشاب لو ينفضح ما راح يتأثر بشي لأنه اذا احد شاف صورته او مقطع الفيديو اللي امصوره راح يمسحه على طول بيقول شسوي فيه هذا واحد مو وحدة ما راح استفيد منه لكن اذا وحدة اقدر انشرها وهذا الشي اللي يدورون عليه الشباب يبون أي شي فيه بنات عشان يشوف ويفضح


وتسلمون وآآآسف عالاطالة وانشالله الله يبعد عنكم الفضايح واعيال السو انشالله


واتمنى نشر الموضوع بين اهلكم وربعكم والمنتديات


ومشكورين




الرساله هذي وصلتني عبر الرسائل وحبيت اشارك فيها لاجتناب كاميرات البلوتوث

[الجنوبـــــي]

والصراحه انا من يملك مثل هذا الجهاز NOKIA 6600 وللاسف كل مارحت مكان
مجمع ولا سوق ولا حتي بالشارع عند الاشاره ماتشوف الي واصلتك رساله عبر
البلوتوث اما صوره ( ) خايسه مثل وجه ولا مقطع فيديو من فضايح الناس

وانشاء الله يلقون لها حل مناسب ويقلل من فضايح المسلمين ؟


الله هم امين يبعد عنا الفضايح وعيال السو وعلي جميع المسلمين .

[هند]

مرحبا بالأخ ( الجنوبي )
يعطيك العافية على النصــائح ،

أتصور أن البنت لو كانت محتشمة ومحترمة نفسها بأى مكان تتواجد فيه ، لن يجرؤ أحد أبداً على مخاطبتها بما لايليق ولا حتى إلتقاط صورة لها ، فما الحاجة لصورة بنت محتشمة لايظهر منها إلا ما أمر الله به عز وجل ،
الحمدلله ، نحن حريصات أن لا نصور أو نتصور بكاميرا الجوال نهائياً ،
أما البلوتوث إن كان مغلق ففي هذه الحالة لن يصلك شىء من أى كان إلا بإذنك إن أنت شغلته ،

مع الأسف تقنيات مفيدة جداً يستغلها البعض بصورة سيئة ومخجله ، ونسى أن كما تدين تدان والجزاء من جنس العمل ،



لك تقديري
السؤدد

[الجنوبـــــي]

مرحبتين كبار كبار بالمشرفه النشيطه ( السؤدد )
والله يعطيش الف عافيه علي الردود علي كل الاعضاء وفي كل الاقسام
وشهادتي فيش مجروحه


وكلامش كله صحيح وانا خيش وتفق معاش بكل كلمه قلتيها

[النايفه]

يعطيــــك العافيه اخوي الجنوبي على الموضوع..

ومن طول الغيبات جاب الغنايم

اما راي بموضوعك فالبنت هي السبب بكل شي يعني الحين كل بنت صار عندها خلفيه بمصايب هالاجهزه الي نازله بس ترى ياخوي الاجهزه مالها ذنب الشرهه على ضعاف النفوس الي يستخدمونها بشكل خاطيء بس على قولتك الوحده تنتبه وتحترم نفسها عشان الناس تحترمها وصح كلامك الوحده لاصار شكلها محترم وباين انها انسانه عاقله وماتدور للسوالف الخايسه الشباب بيستحون على وجيهم ولا راح يقربونها ..بس انا مايقهرني الا البنت الي تكون متبرجه على الاخر واذا تحرش فيه شاب ما بقت كلمه ماقطتها عليهطيب انتي احترمي نفسك وسنعي شكلك عشان محد يقرب صوبك..

والله يستر علينا وعلى كل بنات المسلمين وشاكره لك اخوي جنوبي طرح هالمصيبه الجديده بمجتمعنا...


تحيتي,,,

[كويتيه]

اي والله على قوله النايفه من طول الغيبات...


و معاهاا حق اختي السؤدد.. اللي تليس عدل وتمشي بطريجهاا حتى الشاب يستحي انه يحاجيهاا او حتى يطالعهاا.. والله انا اقول البلى كله من البنات..
اولله يستر

يعطيك العافيه اخوي الجنوبي

[الجنوبـــــي]

الله يعافيش ( يالنايفه )
وبيض الله وجهش علي الكلام السنع


والله يسمع منش الله يستر علينا وعلى كل بنات المسلمين .

[الجنوبـــــي]

الله يعافيش ( كويتيه )
والف شكر علي التعقيب
(( متفق عليه ))

[الشجاع]

شكرا لك والله يستر